მნიშვნელოვანი ინფორმაცია
23
აპრილიდღის ზოგადი ასტროლოგიური პროგნოზი
ოთხშაბათი, მთვარის ოცდამეხუთე დღე დაიწყება 04:59-ზე, მთვარე 09:03-ზე გადავა თევზების ზოდიაქოში
ახალ საქმეებს ნუ წამოიწყებთ, მაგრამ დაწყებულები დაასრულეთ. კარგი დღეა ვაჭრობისთვის, სასამართლო საქმეებისთვის. არასასიამოვნო დღეა კონტაქტებისთვის, აკონტროლეთ თქვენი ემოციები. არ იკამათოთ და მოერიდეთ უსიამოვნო საუბრებს. კარგი დღეა მოგზაურობის დასაწყებად, მგზავრობისათვის. სხვა დღისთვის გადადეთ ქორწინება და ნიშნობა. მოერიდეთ ალკოჰოლსა და სიგარეტს. ამ დღის რთული ორგანოა ყურები, მოერიდეთ მათ გახვრეტას, ოპერაციას, გაწმენდას. არ გირჩევთ ოპერაციის ჩატარებას ღვიძლზე, ფეხებზე.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ეს არის მტერზე გამარჯვების კიდევ ერთი ნიშანი" - საქართველოს შეიარაღებული ძალების ბოლო მთავარსარდალი პრემიერის ძალისხმევით ქართულ მიწას უბრუნდება
17:25 / 20-05-2021
22 მაისს საქართველოს ეროვნული გმირის, გენერალ გიორგი კვინიტაძის ნეშტს საქართველოში ჩამოასვენებენ... 18 მაისს, პარიზის წმინდა ნინოს ეკლესიაში წინამძღოლმა, მამა არჩილ დავრიშაშვილმა საქართველოს ჯარების ყოფილი მთავარსარდლის, გენერალ გიორგი კვინიტაძის სულის მოსახსენებელი პანაშვიდი ჩაატარა. საფრანგეთის ქართული ემიგრაცია გამოემშვიდობა გენერალს, რომლის ნეშტსაც საქართველოში გადმოასვენებენ.
24-25 მაისს თბილისში, სამების საკათედრო ტაძარში გაიმართება სამოქალაქო პანაშვიდები, ხოლო საქართველოს დამოუკიდებლობის დღეს, გენერალი გიორგი კვინიტაძე ქაქუცა ჩოლოყაშვილის გვერდით დაიკრძალება მთაწმინდის პანთეონში. საქართველოში ჩამოვლენ კვინიტაძის შთამომავლები, რომლებიც გენერლის ქამარ-ხანჯალსა და სხვა პირად ნივთებს ეროვნულ მუზეუმს გადასცემენ.
მალხაზ გოლეთიანი, სსიპ გენერალ გიორგი კვინიტაძის სახელობის კადეტთა სამხედრო ლიცეუმის დირექტორი, ვიცე-პოლკოვნიკი:
- ქართველი გენერლის ქართული მიწისთვის მიბარება ძალზე მნიშვნელოვანი ფაქტია, რადგან გიორგი კვინიტაძე იყო თავისი ქვეყნის გულანთებული პატრიოტი. ჩვენთვის დიდი პატივია, რომ ახლა მაინც მოგვეცა შესაძლებლობა მისი ნეშტი ქართულ მიწას მივაბაროთ და ეს მისთვის საკადრისი სამხედრო პატივით გავაკეთოთ.
- როგორც ცნობილია, გიორგი კვინიტაძე საქართველოს ჯარების ბოლო მთავარსარდალი იყო, რომელიც პირველი რესპუბლიკის ჯარს 1921 წელს, რუსეთ-საქართველოს ომში ხელმძღვანელობდა...
- დიახ, ამასთან გიორგი კვინიტაძე იყო პირველი სამხედრო სკოლის დამაარსებელი, დამოუკიდებელი საქართველოს რესპუბლიკის მთავარსარდლის მოადგილე, შემდეგ კი, 1921 წლის ძნელბედობის პერიოდში, იმ ავადსახსენებელ დღეებში, როდესაც ქვეყანას ყველაზე მეტად სჭირდებოდა გამჭრიახი, ძლიერი სტრატეგი და მოტივირებული გენერალი, საქართველოს ჯარების მთავარსარდლად დაინიშნა. კოჯორ-ტაბახმელას ბრძოლის გამორჩეულად მძიმე, 1921 წლის 13-24 თებერვლის დღეებში, მან ფაქტობრივად დემორალიზებული, დაშლილი ჯარის შეკვრა შეძლო.
მას ჰქონდა უნარი ჯარისკაცის ფსიქოლოგია გამოეწრთო, პირადი მაგალითით ხელმძღვანელობდა და ამიტომაც შეძლო ქართულმა ჯარმა ძალზე მცირე რესურსებით იმ დღეებში საკმაოდ დიდი დანაკარგები მიეყენებინა რუსეთის საოკუპაციო ძალებისთვის.
რაც შეეხება, გადმოსვენების საკითხს, ეს დღევანდელი პრემიერ-მინისტრის ძალისხმევით ხორციელდება, პროცესი კი მისი თავდაცვის მინისტრობის დროს დაიწყო.
აღნიშნულ გადაწყვეტილებას, ეროვნული გმირის საქართველოში გადმოსვენებასთან დაკავშირებით, გენერლის შთამომავლები საფრანგეთში დათანხმდნენ. გარდა ამისა, ისინი ეროვნულ მუზეუმს გადასცემენ გენერლის პირად ნივთებს...
18 მაისს საფრანგეთის ქართულ ეკლესიაში გენერალ გიორგი კვინიტაძის სულის მოსახსენებელი პანაშვიდი ჩატარდა, მას 22 მაისს საქართველოში ჩამოასვენებენ. მის ნეშტს სამების საკათედრო ტაძარში დაასვენებენ, სადაც სამოქალაქო პანაშვიდები ჩატარდება და ყველა ქართველს, ვინც თავისი წარსულით ამაყობს, შესაძლებლობა ექნება, პატივი მიაგოს ჩვენს საამაყო გენერალს...
გიორგი დუმბაძე, თავდაცვის შეიარაღებული ძალების გენერალური შტაბის G-7-ის დეპარტამენტის უფროსი, პოლკოვნიკი:
- საქართველოს ეროვნული გმირის სამშობლოში დაბრუნება, მისი ამ მიწისთვის მიბარება, უაღრესად მნიშვნელოვანია, რადგან ამ ქვეყნის კეთილდღეობისთვის მას ძალ-ღონე არ დაუშურებია. რუსეთის ოკუპაციასთან უთანასწორო ბრძოლას შეწირული გენერლის ნეშტს სამშობლოში 22 მაისს ჩამოასვენებენ და სიმბოლურად, 26 მაისს, საქართველოს დამოუკიდებლობის დღეს მთაწმინდის პანთეონში სამხედრო პატივით დაკრძალავენ.
სპეციალურად ამ დღისთვის, საქართველოში ჩამოვლენ მისი შთამომავლებიც და მის პირად ნივთებს ჩამოიტანენ... ეს იდეა ირაკლი ღარიბაშვილს ეკუთვნის და მისი თავდაცვის მინისტრობის პერიოდში, სამინისტროს შენობაში, სპეციალურად განკუთვნილ ადგილას მისი ბიუსტი გაიხსნა, რაც საქართველოს ეროვნული გმირისთვის სამშობლოში დაბრუნების ერთგვარი წინაპირობა იყო.
გენერალ კვინიტაძის ნეშტის სამშობლოში დაბრუნების მნიშვნელობაზე AMBEBI.GE ისტორიკოს ჯაბა სამუშიას ესაუბრა:
- ორ ფაქტორზე გავამახვილებდი ყურადღებას. პირველი - სიმბოლურია, რომ გენერალ გიორგი კვინიტაძის გადმოსვენება, მის მიერ სამშობლოს იძულებით დატოვებიდან ზუსტად 100 წლის შემდეგ ხდება. მისი ნეშტი საქართველოს უბრუნდება... ეს არის მტერზე გამარჯვების კიდევ ერთი დასტური და ნიშანი, რომ საქართველო თავის გმირებს აფასებს და მათ მიმართ ყოველთვის მოწიწებული დამოკიდებულება აქვს.
მეორე ფაქტორი ასეთია - მე-20 საუკუნის დასაწყისიდან საქართველოს პოლიტიკური ცხოვრება ისე წარიმართა, რომ სამხედრო ელიტა, რომელიც 1918-21 წლებში ქვეყნის დამოუკიდებლობისთვის იბრძოდა, მათგან თითქმის არც ერთის საფლავი, რამდენიმეს თუ არ ჩავთვლით, არ გვაქვს საქართველოში. მათი საძვალე ევროპის სხვადასხვა ქვეყანაშია გაბნეული და ვინც საქართველოში დარჩა, მათი აბსოლუტური უმრავლესობა საბჭოთა ტერორმა შეიწირა. ამ ორი ფაქტორის გათვალისწინებით, ეს ინიციატივა ნამდვილად მნიშვნელოვანია. ქვეყანამ თავის გმირებს პატივი უნდა მიაგოს, რათა მომავალმა თაობებმა, ყველა ქართველმა თავიანთი გმირების განსასვენებელი ადგილი იცოდეს. ვალდებულნი ვართ იმ ადამიანების წინაშე, ვინც საქართველოს დამოუკიდებლობისთვის თავი გაწირა.
მკითხველის კომენტარები /
23 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ემუქრება თუ არა საფრთხე ევროკავშირთან უვიზო მიმოსვლის შეჩერებას ?
კვირის კითხვადი სტატიები
მნიშვნელოვანი ინფორმაცია
მკითხველის რჩევით
რატომ ეძახით ამ ომს რუსეთ საქართველოს ომს. ან ისტორია არ იცით ან განგებ ამახინჯებთ ისტორიას. ეს არის საშვილიშვილო ცოდვის ჩადენა. ისევე ებრძოდა რუსეთი ბოლშევიკებს.
აქ ვინც მიცნობს იცის რომ ანტიქოცი ვარ და ღარიბაშვილის მიმართ ნოლი პატივისცემა მაქვს (ქოცების აზრით კი 'მამალი ნაცი' ვარ), მაგრამ თუ რუსეთუმეების გულის გასახეთქ საქმეს იზამს, ტაშს მასაც დავუკრავ. ყოჩაღ!