23
აპრილიდღის ზოგადი ასტროლოგიური პროგნოზი
მართალია, ლათინო-ამერიკული ტელენოველები ქართულ ტელესივრცეში თურქულმა სერიალებმა ჩაანაცვლეს, თუმცა ქართველებს ლათინო ამერიკელი გმირებისადმი განსაკუთრებული სენტიმენტები აქვთ.
ალბათ, ხშირად მოგისმენიათ, თუ როგორ გადაგვატანინეს ხუანმა, კანასანდრამ, მონიკამ და სხვა გმირებმა ბნელი 90-იანები. ბევრი რომ არ გავაგრძელოთ, მათთვის, ვისაც განსაკუთრებული ტემპერამენტი, ინტრიგები და ვნებიანი სიყვარული მოენატრა, კარგი სიახლე გვაქვს. 18 წლის შემდეგ, პოპულარული სერიალი, "ფარული ვნება“ მეორე სეზონით ტელეეთერს დაუბრუნდება.
Deadline-ის ცნობით, Telemundo "ფარული ვნების" ახალი სეზონის პრემიერას 2021-2022 წლისთვის გეგმავს. ძმები რეიესები და დები ელიზონდოები სიყვარულის ახალი ისტორიებით დაბრუნდებიან. მოსალოდნელია, რომ ახალ ისტორიებში სხვა მსახიობებს ვიხილავთ, თუმცა ძველი სამსახიობო შემადგენლობიდანაც შესაძლოა მიიღოს ზოგიერთმა როლი.
ამ დროისთვის "ტელემუნდოს" არ გაუვრცელებია ოფიციალური ინფორმაცია იმის შესახებ, თუ რომელ მსახიობებს მიეცემათ შანსი. ცნობილია, რომ ფრანკო რეიესის როლის შემსრულებელი ნამდვილად არ იქნება სერიალის ახალ სეზონში, რადგანაც მსახიობმა მიშელ ბრაუნმა ეს თავად განაცხადა.
კოლუმბიური ტელენოველის პირველ სეზონს 2003-2004 წლებში ხულიო ხიმენესის სცენარის მიხედვით იღებდნენ და ის 188 ეპიზოდისგან შედგებოდა.
სანამ ახალი ინფორმაცია გავრცელდება და ახალი მსახიობები გვეცოდინება, მანამდე გადავხედოთ პირველი სეზონის გმირებს და ვნახოთ, როგორ გამოიყურებიან მსახიობები ახლა, წლების შემდეგ:
ბონუსად "ფარული ვნების" მაყურებელს:
თუ უსაქმურად არიან, არ უნდათ ჩვენთან პარლამენტში შევიდნენ, და მაგრად გაერთობიან, თან დამატებით ფულსაც იშოვიან.
დაგვერხა