ნიკოლოზ ანთიძე თანამდებობას ტოვებს - რას აცხადებენ კულტურის სამინისტროში?

კულტურული მემკვიდრეობის დაცვის სააგენტოს დირექტორი ნიკოლოზ ანთიძე თანამდებობას ტოვებს. ინფორმაცია AMBEBI.GE-ს კულტურისა და ძეგლთა დაცვის სამინისტროს პრესსამსახურში განუცხადეს.

"ნიკოლოზ ანთიძემ საქართველოს კულტურის, სპორტისა და ახალგაზრდობის მინისტრს თანამდებობიდან გათავისუფლების განცხადებით მიმართა და მინისტრმა დააკმაყოფილა აღნიშნული განცხადება."- აცხადებენ უწყების პრესსამსახურში.

გადადგომის მიზეზებზე სამინისტროში არ საუბრობენ. AMBEBI.GE ნიკა ანთიძესაც დაუკავშირდა. როგორც მან გვითხრა, "ცოტა ხანში ყველაფერს იტყვის".

იურისტი ნიკოლოზ ანთიძე 2014 წლიდან არის საქართველოს კულტურული მემკვიდრეობის დაცვის ეროვნული სააგენტოს გენერალური დირექტორი. 22 მარტს კულტურისა და ძეგლთა დაცვის მინისტრის თანამდებობა დაიკავა თეა წულუკიანმა.