23
აპრილიდღის ზოგადი ასტროლოგიური პროგნოზი
შრი ლანკას პოლიციამ დააკავა "მისის მსოფლიო“ ქეროლაინ ჯური, რომელმაც რამდენიმე დღის წინ "მისის შრი ლანკა 2021-ს“ სცენაზე გამარჯვებულის გვირგვინი წაართვა და სხვა კონკურსანტს გადასცა. აღნიშნულის შესახებ BBC წერს.
კვირას გამართულ ცერემონიაზე, მოდელმა პუშპიკა დე სილვამ "მისის შრი-ლანკას" ტიტული მოიპოვა და როდესაც შესაბამისი გვირგვინი თავზე დაადგეს, სცენაზე 2019 წლის გამარჯვებული და ასევე "მისის მსოფლიო" ქეროლაინ ჯური ავიდა, დე სილვას გვირგვინი წაართვა და სხვა გოგონას გადასცა. ამასთან, განაცხადა, რომ სილვას არ შეეძლო ეს ტიტული მიეღო, რადგანაც განქორწინებული იყო.
სკანდალის შემდეგ, დე სილვას გვირგვინი ორგანიზატორებმა დაუბრუნეს, რადგანაც როგორც აცხადებენ, გაარკვიეს, რომ ის განქორწინებული არ ყოფილა.
აღსანიშნავია, რომ დე სილვას ექიმის დახმარება დასჭირდა. მან კლინიკიდან "ფეისბუქში“ პოსტი გამოაქვეყნა. დაწერა, რომ მიიღებს იურიდიულ ზომებს და პასუხს მოსთხოვს ყველას "უსაფუძვლო და შეურაცხმყოფელი განცხადების გამო.“ როგორც ჩანს, მოდელმა არ დააყოვნა და დღეს უკვე ცნობილი გახდა, რომ ქალი, რომელმაც გვირგვინი წაართვა, დაკავებულია.
ჯერჯერობით უცნობია, თუ რა სახის სასჯელი ემუქრება "მისის მსოფლიოს."
სილამაზის რა სცხიათ ამათ??? ))))
მის მსოფლიოც კი დაბოღმილია