რატომ არ აცრეს 100 ცნობილი ადამიანი საჯაროდ? - ჯანდაცვის მინისტრის განმარტება
ჯანდაცვის მინისტრის მოადგილე თამარ გაბუნიამ განმარტა, რის გამო არ აცრეს 100 ცნობილი ადამიანი საჯაროდ. მისი თქმით, მათი შეთავაზების მიუხედავად, ერთ-ერთ მიზეზად იქცა ის, რომ "ფაიზერის" ვაქცინაზე მოთხოვნა დიდი იყო.
“ჩვენი მთავარი მოტივაცია იყო ნდობის დაბრუნება და ცნობადი სახეების მიერ საკუთარი მაგალითის გაზიარება მოქალაქეებისთვის, თუმცა მოგეხსენებათ, ამ კამპანიის დაანონსებიდან მალევე ქვეყანაში “ფაიზერი” შემოვიდა. “ფაიზერის” ვაქცინაზე აქტივობა ძალიან მაღალია, ანუ ამ შემთხვევაში 100 ცნობადი სახის ჩართვა, რომელსაც სხვა შემთხვევაში “ფაიზერის” ვაქცინაზე წვდომა არ ექნებოდა მისი რისკებიდან გამომდინარე, გამოიწვევდა უსამართლობის და უთანასწორობის შეგრძნებას, ამდენად, “ფაიზერთან” მიმართებით პრომოციის აუცილებლობაც არ არსებობდა.
რაც შეეხება “ასტრაზენეკას” ვაქცინას, მასზე უფრო მნიშვნელოვანი და უპრიანია ის ცნობადი სახე ჩაერთოს, ვისაც ისედაც ეკუთვნის [ვაქცინაცია]. ანუ იმ ასაკობრივ ჯგუფების მიხედვით, ვისთვისაც რეალურად ხვალვე არის მოწოდებული [აცრა]. ამდენად, ჩვენ კამპანიაში ჩავრთეთ ის ცნობადი სახეები, ვისაც ეკუთვნოდა ვაქცინა და განაცხადა თანხმობა საჯაროდ აცრის შესახებ" - განაცხადა გაბუნიამ
.
"მთელ სხეულზე დაზიანებები აღენიშნება" - როგორია 9 წლის გოგონას მდგომარეობა, რომელიც სავარაუდო მოძალადისგან გაქცევის დროს თხრილში ჩავარდა
რას აპირებს საკოორდინაციო საბჭო აღდგომასთან დაკავშირებით - ამირან გამყრელიძის განმარტება
