მნიშვნელოვანი ინფორმაცია
13
აპრილიდღის ზოგადი ასტროლოგიური პროგნოზი
კვირა, მთვარის მეთექვსმეტე დღე დაიწყება 21:28-ზე, მთვარე 17:54-ზე გადაბრძანდება მორიელში
მშვიდობიანი საქმეები წარმატებით დასრულდება. კაპიტალდაბანდებებს მოერიდეთ. კარგი დღეა იურიდიული საკითხების მოსაგვარებლად, სასამართლო პროცესების დასაწყებად; შემოქმედებითი საქმიანობისთვის. გარშემო მყოფებთან ურთიერთობისას გამოიჩინეთ ტაქტი. უფროსს მნიშვნელოვან საკითხებზე საუბრისთვის ნუ შეხვდებით; წვრილ-წვრილი საკითხები მოაგვარეთ. კარგი დღეა დასვენების, მოგზაურობის, ფიზიკური დატვირთვისა და საოჯახო საქმეების შესრულებისთვის. მოერიდეთ ალკოჰოლის მიღებას, მოწევას; ცხარე და ცხიმიან საკვებს; ცხოველური საკვების მიღებას. ნებადართულია თევზი და სოკო. მოიმატებს სტრესული და სარისკო ქმედებების რაოდენობა.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
რომან გოცირიძე: "IRI-ის კვლევა გვიჩვენებს, რომ საქართველოში კოალიციური ხელისუფლების დრო მომწიფდა"
15:42 / 06-04-2021
ჩვენ ვხედავთ, რომ ოპოზიციის ჯამური პროცენტი გაცილებით მეტია, ვიდრე "ქართული ოცნების“, რაც კიდევ ერთხელ აჩვენებს იმ საპროტესტო მოძრაობის მართებულობას, რასაც დღეს ოპოზიცია აკეთებს, - ასე გამოეხმაურა "საერთაშორისო რესპუბლიკური ინსტიტუტის (IRI)“ ახალი კვლევის შედეგებს "ნაციონალური მოძრაობის" ერთ-ერთი ლიდერი რომან გოცირიძე.
მისივე თქმით, კვლევაში პასუხგაუცემელი ამომრჩეველი, როგორც წესი, არჩევნებში ოპოზიციის სასარგებლოდ წამოსული ხმებია.
გოცირიძის თქმით, კვლევის მიხედვით ნათელია, რომ კოალიციური ხელისუფლების დრო არის მომწიფებული.
"სურათი არის ნათელი - დღეს "ქართული ოცნება" და მისი ერთი სატელიტი არის აბსოლუტურ უმცირესობაში, ვიდრე ოპოზიციური პარტიები ერთად. ეს კვლევა გვაჩვენებს ერთ მთავარ დასკვნას, რომ საქართველოში კოალიციური ხელისუფლების დრო მომწიფდა. რაც შეეხება იმას, რომ ბოიკოტი ამომრჩეველს არ მოსწონს, ვის მოსწონს ბოიკოტი, ვის უნდა ერთპარტიული კომუნისტური პარლამენტი საქართველოში? ბოიკოტის არმოწონება არ ნიშნავს, ბოიკოტის გზის უარყოფას. არ მოსწონს ბევრს ბოიკოტი იმის გამო, რომ პარლამენტი არის პოლიტიკური ცხოვრებისა და ქვეყნის პრობლემების გადაჭრის ადგილი. მაგრამ ეს არ ნიშნავს, რომ როცა სხვა გამოსავალი არ არის, ოპოზიციამ არ მიმართოს ამ გზას და არ მოითხოვოს რიგგარეშე არჩევნები. ის, რომ დღეს რიგგარეშე არჩევნებს ითხოვს ნახევარი და თანაბარი განწყობილებაა მომხრეებსა და მოწინააღმდეგეებს შორის, ნიშნავს, რომ ქვეყანაში არის პოლარიზება, პოლიტიკური კრიზისი და ამ კრიზისის განმუხტვის სხვა გზა არ გამოუგონებია დემოკრატიულ ქვეყანაში არავის, გარდა რიგგარეშე არჩევნებისა.
ამიტომ, ამ კვლევამ კიდევ უფრო მეტად განამტკიცა ჩვენი პოზიციები, რომ ბრძოლის ამ ფორმის გარეშე ძალაუფლების უზურპაციის დაძლევა შეუძლებელია.
რაც შეეხება გახარიას რეიტინგს, გიორგი გახარიას რეიტინგი არის "ქართული ოცნების" რეიტინგთან ერთად. ეს კვლევა ჩატარდა მანამ, სანამ გიორგი გახარია გადადგებოდა. ბუნებრივია გიორგი გახარია "ქართული ოცნების" გარეშე სხვა რეიტინგებს დადებს. მას რეიტინგი არ გააჩნია, მას ზურგს უმაგრებდა ივანიშვილისა და "ოცნების" შემორჩენილი რეიტინგი. ამა თუ იმ პოლიტიკოსის ნამდვილი რეიტინგი გაირკვევა, როცა იქნება ამ მოვლენების შემდეგ ჩატარებული ახალი კვლევა",- განაცხადა გოცირიძემ.
ცნობისთვის, საერთაშორისო რესპუბლიკურმა ინსტიტუტმა (IRI) ახალი კვლევა გამოაქვეყნა, სადაც პარტიების რეიტინგებზეცაა საუბარი. კვლევის მიხედვით, გამოკითხულთა 27% "ქართულ ოცნებას“ ხმას არავითარ შემთხვევაში არ მისცემდა, 26% კი ნაციონალურ მოძრაობას. ხოლო რაც შეეხება მომავალ კვირას რომ არჩევნები იყოს, როგორი იქნებოდა ამომრჩეველთა მხარდაჭერა, გამოკითხულთა 35% ხმას "ქართულ ოცნებას“ მისცემდა, 18% "ერთიან ნაციონალურ მოძრაობს“, 3%-მა "ევროპული საქართველო“ დაასახელა, 3%-მა კი - "სტრატეგია აღმაშენებელი“. კვლევის მიხედვით, გამოკითხულთა 53%-მა განაცხადა, რომ გარკვეულწილად ენდობა პოლიტიკურ პარტიებს. 5% სრულად ენდობა, 10% კი არ ენდობა. ამასთან, გამოკითხულთა უმრავლესობას, კათოლიკოს-პატრიარქის შემდეგ ყოფილი პრემიერ-მინისტრი გიორგი გახარია მოსწონს, მესამე ადგილზე კი თბილისის მოქმედი მერი კახა კალაძეა.
მკითხველის კომენტარები /
6 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ქარიშხალი ამერიკის შეერთებულ შტატებში - უცხოური მედიების ცნობით, სტიქიურ მოვლენას, სულ მცირე, 24 ადამიანის სიცოცხლე ემსხვერპლა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
რომანა ცოტა დაბერდა და ალბათ მეხსიერება ღალატობს, არ ახსოვს რომ არჩევნებამდეც იგივენაირი რეიტინგები იყო IRI-ს კვლევაში და ნაცებმა და მათმა ჯიბის პარტიებმა ხელი მოაწერეს შეთანხმებას რომ არავითარ შემთხვევაში ოცნებასთან კოალიციას არ შექმნიდნენ, იქნებ ვინმე ჩაეკითხოს რას გულისხმობს კოალიციურ მთავრობაში? ანუ ჯამში 20%-საც რომ ვერ აგროვებენ იმ პარტიების კოალიციამ უნდა მართოს ქვეყანა? ოცნება რომ ყველა ოპოზიციურ პარტიას ჯამში უსწრებს არაუშავს? ასე ესმის დემოკრატია?
მომწიფდა რბილად ნათქვამია,კარგახანია გადამწიფდა და არჩევნების შედეგები ჯვანიას რომ არ გადაესწორებინა,ეხლა ქვეყანა ბევრად უკეთეს მდგომარეობაში იქნებოდა და კოალიციური ხელისუფლებაც გვეყოლებოდა. ოლიგარქის და კრემლის ინტერესებია ქვეყანას რომ ძირავს.არც ერთს არ აწყობს ქვეყნის დასავლური კურსი და მიდის დიდი ჭიდილი.ხალხის მოთხოვნა და ყოფაცხოვრება უგულებელყოფილია.მხოლოდ იმპერიალისტური და პირადი ამბიციებია წინა პლანზე წამოწეული. ხალხი ამას თუ ვერ მიხვდება და თვითმყობადობისთვის არ იბრძოლებს გაჩანაგდება. დასავლეთის მკაფიოდ გამოხატული მხარდაჭერაც აუცილებელია.