23
აპრილიდღის ზოგადი ასტროლოგიური პროგნოზი
თურქეთში მოკლული ახალგაზრდა ქალის, თეო თუაშვილის მკვლელობის საქმეზე ახალი დეტალები ხდება ცნობილი. მოკლულის ნაცნობის თქმით, 24 წლის გოგოს მკვლელობის მიზეზი, სავარაუდოდ, ეჭვიანობა იყო და მისი ქმარი, პაკისტანის მოქალაქე, თურქეთის პოლიციამ უკვე დააკავა. სწორედ მას ედება ბრალად ცოლის მკვლელობა. გუშინ თურქულ მედიაში გავრცელდა ინფორმაცია, რომ თითქოს მძიმე დაზიანებებით მოკლულის ქმარიც კლინიკაში იყო გადაყვანილი და აპარატზე იყო შეერთებული. ჩვენი რესპოდენტი ამას არ ადასტურებს. ამბობს, რომ მკვლელობამდე ერთი საათით ადრე სწორედ მას ესაუბრა თეო თუაშვილი და სასწრაფოდ თურქეთიდან გაყვანაში დახმარება სთხოვა.
მარიკა სონღულაშვილი მუშაობს იმ კომპანიაში, რომელსაც მგზავრები გადაჰყავს.
მარიკა სონღულაშვილი:
- მართალია თეოსთან ყოველდღიური კომინიკაცია არ მქონდა, მაგრამ პერიოდულად ვუკავშირდებოდით ერთმანეთს. ერთი წელია ვიცნობ და ძალიან კარგი ადამიანი იყო. 15 მარტს ჩამოვედი მე თურქეთიდან და საქართველოში ვარ. ტრაგედიის დღეს თეომ დამირეკა და მითხრა, რომ ძალიან დიდი პრობლემები ჰქონდა ქმართან და სასწრაფოდ საქართველოში წამოსვლა უნდოდა. აუცილებლად უნდა წავიდეო.
ვკითხე კიდეც, ქმარს იქ ტოვებ და მარტო შენ მოდიხარ-მეთქი? - აქ ვტოვებ ძალიან არეული სიტუაცია გვაქვს ერთმანეთთან და აუცილებლად უნდა წავიდეო. თან აინტერესებდა დეპორტს რამდენ ხანს მისცემდნენ და ვადის დარღვევის გამო ჯარიმის რა თანხას დააკისრებდნენ. ეტყობოდა, რომ ფულიც არ ჰქონდა ჯარიმის გადასახდელად.
მივხვდი იმასაც, ღიად ვერ მესაუბრებოდა. ვკითხე, მარტო ხარ მეთქი? არა, ჩემი ქმარი აქ ზისო და ესმოდა ჩვენი დიალოგი. მის ქმარს ესმოდა ქართული. არ მინდოდა მათი სიტუაცია დაძაბულიყო, ამიტომ დეტალები არ გამომიკითხავს, ვუთხარი, თუ ძალიან დაძაბულობა გაქვს, თეო, არაფერს არ დაელოდო, გაამზადე ჩანთა, ჩაალაგე ისეთი ნივთები, რაც ძალიან გიყვარს და ჩუმად გავაყვანინებ შენს თავს-მეთქი. ისიც მითხრა, ისე უნდა წავიდე, ამან არ უნდა გაიგოსო.
ვერ გეუბნები ყველაფერსო, - მივხვდი, სერიოზული პრობლემა ჰქონდა და ვერ ამბობდა. 12 წელია თურქეთში ვცხოვრობ და ვიცი, რომ ასეთ დროს სერიოზული პრობლემა აქვთ ქალებს და აუცილებლად ვეხმარები ყველა ემიგრანტს. მე რომ სტამბოლში ვყოფილიყავი, ჩემს სახლში წავიყვანდი და შევიფარებდი, ესეც კარგად იცოდა თეონამ, მან იცოდა, რადგან ასეთი რამე ბევრჯერ გამიკეთებია და ბევრ ემიგრანტს დავხმარებივარ.
- თავდაპირველად გავრცელდა ინფორმაცია, რომ 4 პაკისტანელი იყო იქ ჩხუბის დროს, ამას წერდა თურქული პრესაც, რომ ქმარიც დაჭრილი იყო...
- არ ვიცი, მისი ქმარი რა ცხოვრებით ცხოვრობდა, მაგრამ იმ ბინაში 4 ადამიანი თუ შევიდოდა, ამას იქ კამერები დააფიქსირებდა. მე მეზობელ ქუჩაზე ვცხოვრობ და ყველგან კამერებია, მჭიდროდ არის სახლები და მეზობლებიც გაიგებდნენ ჩხუბს. გუშინ ისიც ითქვა, რომ თითქოს დაყაჩაღება იყო, ეს მე თავიდანვე გამოვრიცხე. თეოს ჯარიმის გადასახდელი ფული არ ჰქონდა, რა 2000 დოლარზეა ლაპარაკი, იქ ამხელა თანხა როგორ უნდა მოაგროვოს ადამიანმა, შავ მუშად მუშაობენ, ანაზღაურებაც ცოტა აქვთ, გადასახდელი აქვთ ბინის ქირაც, კომუნალურებიც, კვებაც სჭირდებათ. ეს ვერსია არარეალურია. თან ადამიანს გზის ფული არ ჰქონდა. მე ვუთხარი თუ შენ გზის ფულიც არ გაქვს, არ არის პრობლემა, მე დავრეკავ ჩემს ფირმაში და იქ უფულოდაც წამოგიყვანენ სარფამდე და იქაც დაგხვდებიან-მეთქი.
- თეოს სხვა დროს თუ მოუყოლია მსგავს პრობლემაზე?
- ერთი წელია მას პირადად ვიცნობ და ასეთი რამე არ უთქვამს. ფაბრიკაში მუშაობდა, ვინც თეო დაასაქმა, იმას ახლაც ველაპარაკე. ბატონ ისმაილს კვირაში 2-ჯერ მაინც ხვდებოდა. მან მითხრა, რომ გუშინ საღამოს პირადად ნახა თეოს ქმარი. ამბობს, - მამაკაცს პატარა ჭრილობა ხელზე აქვსო. ტყუილია თურქულ პრესაშიც და შემდეგ ქართულ პრესაში გავრცელებული ინფორმაცია, რომ თითქოს აპარატზე იყო შეერთებული. ბატონმა ისმაილმა იცის, რომ დღეს დილით მისი ქმარი პოლიციამ დააკავა. ვითომ პაკისტანელებმა მოკლეს თეო, ეს შეიძლება სხვამ დაიჯეროს, მაგრამ მე არ დავიჯერე, რადგან ერთი საათით ადრე გოგონა ქვეყნიდან გაყვანას მთხოვდა, ვიღაცის ეშინოდა და მოახლოვებული საშიშროების გამო, ცდილობდა, სტამბულის დატოვებას. დღეს გავიგე, რომ ქმარია ბრალდებული.
მკვლელობის წინა ღამესაც დიდი ჩხუბი ჰქონია ცოლ-ქმარს და ეჭვიანობა ყოფილა მიზეზი. შევეცადე და თეოს კარის მეზობელს დავუკავშირდი, მაგრამ იმდენად ეშინიათ, ვერ ლაპარაკობენ. იმ ტერიტორიაზე ბევრი ქართველი ცხოვრობს, იმათმაც შეიძლება რამე იციან, მაგრამ ყველა არიდებს ასეთ დროს საუბარს თავს, რადგან მოუწევთ პოლიციაში ჩვენების მიცემა და უმეტესობას თურქეთში ყოფნის უფლების ვადა გადაცილებული აქვს და ერიდებიან ამიტომ. მე თამამად ვლაპარაკობ, რადგან ორივე ქვეყნის მოქალაქე ვარ და მეუღლეც იქაური მყავს.
ძალიან ვწუხვარ, რომ ეს ტრაგედია დატრიალდა, მას საქართველოში 5 წლის გოგონა დარჩა. პირველ მეუღლეს გაშორებული იყო. ბოლოს სამი წელი სტამბოლში ცხოვრობდა, სადაც იმ პაკისტანელს გაყვა ცოლად. რომ ეთქვა, სიცოცხლეს საფრთხე ემუქრებოდა, იქ არ დავტოვებდი, პოლიციის ძალით გავაყვანინებდი. ამას თვითონაც არ ელოდა. ცოლ-ქმრის შელაპარაკება ეტყობა უფრო გამძაფრდა და ეს ტრაგედიაც დატრიალდა. ფაქტია, გოგომ იმ დღეს მითხრა, რომ ქმართან ჰქონდა პრობლემა...
არც ფული ქონია არც არაფერი იმ უბედურს რაღა აჩერებდა იმ ქვეყანაში ასეთ გარემოცვაში, ან იმ პაკისტანელს რამ გააყოლა ცოლად, არ ეტყობა ვინც არის,ვისაც შრომა არ ეზარება ნებისმიერი იშოვის პურის ფულს აქ შენს ქვეყანაში, მაინც იმ თურქეთში მშიერი და დამცირებული ცხოვრება ურჩევნიათ, ზოგიერთებს
ათას ურჯულოს რო მიზდევთ მაგის ბრალია,ათას საზიზღრობას ჩადიან თურქეთში ქართველები,საკუთარი თვალით მაქვს ნანახი,ნახევარზე მეტი ახალგაზრდა გოგოები მეძავები და ნარკომანები ხდებიან