საქართველოში მესამე ტალღა მოსალოდნელია - ეკატერინე ტიკარაძე

ჯანდაცვის მინისტრის ეკატერინე ტიკარაძის ინფორმაციით, საქართველოში მესამე ტალღა მოსალოდნელია.

მისი თქმით, ამის გამო ყველა ღონისძიება, რომელიც მოსახლეობისთვის არის ცნობილი უნდა გამკაცრდეს, საუბარია სოციალურ დისტანციასა და პირბადის გამოყენებაზე.

"მესამე ტალღა მოსალოდნელია და ყველა ის ნიშნული, რომელიც დღეს არის მომატებული, გვაძლევს იმის ეჭვს და საფუძველს, რომ მნიშვნელოვნად უნდა გამკაცრდეს ყველა ის ღონისძიება, რომელიც დღესდღეობით, მოსახლეობისთვის არის ცნობილი.

ამაში მე ვგულისხმობ, პირველ რიგში, პირბადეების გამოყენებას, ასევე სოციალურ დისტანცირებას და პირად ჰიგიენას,“ - ამბობს ეკატერინე ტიკარაძე.