მნიშვნელოვანი ინფორმაცია
23
აპრილიდღის ზოგადი ასტროლოგიური პროგნოზი
ხუთშაბათი, მთვარის ოცდამეექვსე დღე დაიწყება 05:06-ზე, მთვარე თევზებშია
საკმაოდ რთული დღეა. თავი შეიკავეთ ყოველგვარი კონფლიქტისგან. არ დაიწყოთ ახალი საქმეები. მოერიდეთ ფულის ხარჯვას; ვაჭრობაში არ მოტყუვდეთ. კარგი დღეა სწავლისა და გამოცდის ჩასაბარებლად. მოერიდეთ სამსახურის, საქმიანობის შეცვლას. უფროსთან კამათს. მგზავრობა და მივლინება სხვა დღისთვის გადადეთ. კარგია მსუბუქი ვარჯიში; საოჯახო საქმეების შესრულება. თავი შეიკავეთ მოწევისა და ალკოჰოლისგან. გაუფრთხილდით ფეხებს. არ გადაღალოთ, ჩაიცვით მოსახერხებელი ფეხსაცმელი. კარგია ტერფების მასაჟი.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"პოლიტიკაში იწყება ტექტონიკური ძვრები - გახარია "ოცნებას" ამომრჩეველთა სოლიდურ ნაწილს წაართმევს, მას სხვა ტიპის ქარიზმა აქვს" - პოლიტოლოგი
19:56 / 22-03-2021
ქართულ პოლიტიკაში რეალურად იწყება ტექტონიკური ძვრები ამომრჩევლის გადანაწილების და გააქტიურების თვალსაზრისით - გიორგი გახარია „ქართულ ოცნებას“ ამომრჩეველთა ძალიან სოლიდურ ნაწილს წაართმევს, - ამის შესახებ პოლიტოლოგმა ხათუნა ლაგაზიძემ „პალიტრანიუსის“ გადაცემაში „რეზიუმე“ გიორგი გახარიას პოლიტიკაში დარჩენასთან დაკავშირებით განაცხადა.
მისივე თქმით, გიორგი გახარიას პოლიტიკაში დაბრუნება, ქართულ პოლიტიკურ ველზე კონკურენციას ზრდის.
"ქართულ პოლიტიკაში რეალურად იწყება ტექტონიკური ძვრები ამომრჩევლის გადანაწილების და გააქტიურების თვალსაზრისით. მე ვფიქრობ, რომ ეს თავისთავად ზრდის კონკურენციას ქართულ პოლიტიკურ ველზე - ოპოზიციისთვისაც ერთგვარად ცივი შხაპის ეფექტი აქვს, მაგრამ მეორეს მხრივ ეს არის მათთვის რეალურად ბოლო შანსი, რომ გამოფხიზლდნენ, საკუთარი შეცდომები გაანალიზონ, დაუბრუნდნენ ამომრჩევლის წიაღს, გაცდნენ ტელეეკრანის ჩარჩოებს იმიტომ, რომ ბოლო თვეების მანძილზე თითქმის არ გვინახავს ჩვენ ხალხთან გასული და ხალხთან მისული პოლიტიკოსი. ამიტომაც ეს მათთვის ბოლო შანსია, რომ ამ ცივ შხაპს კი არ ჩაყვნენ, არამედ გამოფხიზლდნენ და საკუთარ ამომრჩევლებს ახალი იდეებით, ახალი სახით და განახლებული ენერგიით მიადგნენ.
გიორგი გახარია „ქართულ ოცნებას“ ამომრჩეველთა ძალიან სოლიდურ ნაწილს წაართმევს ისევე, როგორც არ გაგვიკვირდეს ადმინისტრაციულ, საბიუჯეტო ორგანოებში დასაქმებული მოხელეებისა. მას აქვს ქარიზმა როგორც პირად ურთიერთობებში, ასევე ამომრჩევლებთან ურთიერთობაში და გამოსვლების დროსაც. ჩვენთან აქამდე ქარიზმა აღიქმებოდა მაგალითად, ზვიად გამსახურდიასთან, მიხეილ სააკაშვილთან, მათთან ვინც პროაქტიული ლიდერები იყვნენ, ქუჩაშიც ფრთა გაშლილები და კარგად გრძნობდნენ თავს და მათი ემოციური და ენერგეტიკული მდგენელი იყო ძალიან მაღალი. გახარიას სხვა ტიპის ქარიზმა აქვს“, - განაცხადა ლაგაზიძემ.
პოლიტოლოგის შეფასებით, გახარიას პოლიტიკაში დაბრუნებით „ნაციონალური მოძრაობას“ ამომრჩევლის დაკარგვის საფრთხე არ ემუქრება, თუმცა დანარჩენმა ოპოზიციურმა პარტიებმა, ამომრჩეველთა შენარჩუნებისთვის, გაასმაგებულად უნდა იმუშაონ.
"ნაციონალურ მოძრაობას“ ჰყავს თავისი მყარი ამომრჩეველი და მე ვფიქრობ, რომ ეს ამომრჩეველი „ნაციონალური მოძრაობის“ ირგვლივ უფრო ჩადუღაბდება, რადგან გახარიას სახით ისინი რეალურ საფრთხეს დაინახავენ პოლიტიკურ ველზე ახალი მოთამაშის შემოსვლით. „ნაციონალური მოძრაობას“ საკუთარი ამომრჩევლის დაკარგვა არ ემუქრება, სამაგიეროდ ყველა დანარჩენ პარტიას მოუწევს გაათმაგებული, გაასმაგებული მუშაობა იმისთვის, რომ ახალი ამომრჩეველი მოიზიდოს კი არა ვინც ყავდა ის ამომრჩეველი მაინც, რომ შეინარჩუნოს“, - განაცხადა ხათუნა ლაგაზიძემ.
მკითხველის კომენტარები /
35 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ემუქრება თუ არა საფრთხე ევროკავშირთან უვიზო მიმოსვლის შეჩერებას ?
კვირის კითხვადი სტატიები
მნიშვნელოვანი ინფორმაცია
მკითხველის რჩევით
წარმატებები ბ-ნო გიორგი..გეწეოდეს წმ. გიორგის მადლი და ძალა, ყველგან და ყველაფერში..იმედი მაქვს, ქვეყანა სიმშვიდისკენ წავა.
ტექტონიკური კი არა და მთელი დღეა ქართული ოცნების მომხრეებს ვერ გადაუწყვეტიათ, დაულაქიონ თუ არა ბატონ გიორგის ფოტო. ძალიან დიდ კრიზისში შევედით ამ გაურკვევლობით. უკვე ნერვები აღარ ყოფნის ხალხს.