"საქართველოში ვაქცინის პირველი სერიოზული გვერდითი რეაქცია დაფიქსირდა... მდგომარეობა სწრაფად დამძიმდა" - გამყრელიძის საგანგებო განცხადება

დაავადებათა კონტროლისა და საზოგადოებრივი ჯანმრთელობის ეროვნული ცენტრის ხელმძღვანელის, ამირან გამყრელიძის განცხადებით, ვაქცინაციის პროცესში პირველი სერიოზული გვერდითი რეაქცია დაფიქსირდა. მისი განმარტებით, ყველაზე სერიოზული გვერდითი რეაქციაა ანაფილაქსიური რეაქცია, რომელიც ინექციიდან 15-30 წუთში ან ცოტა მოგვიანებით ფიქსირდება.

"მინდა გაუწყოთ პირველი სერიოზული გვერდითი გართულება ვაქცინაციის პროცესის. იცით, რომ მვაქცინაცია და ნებისმიერი წამალი არ გახლავთ დაზღვეული გვერდითი მოქმედებებისგან. ვაქცინებზე არსებობს მსუბუქი გვერდითი მოქმედებები და სერიოზული მოქმედებები. ყველაზე სერიოზული, რომელიც ვითარდება სწრაფად, ეს გახლავთ ანაფილაქსიური რეაქცია, რომელიც ინექციიდან 15-20-30 წუთში ვითარდება. თუმცა შეიძლება იყოს მოგვიანებითი რეაქცია.

ანაფილაქსიური რეაქცია შეიძლება წავიდეს მსუბუქად ან მძიმედ, ასევე შეიძლება ფატალურადაც დამთავრდეს. ყველაზე მძიმე გამოვლინებაა ანაფილაქსიური შოკი. ამ ვაქცინებს, რომელიც კოვიდის პროცესში გამოიყენებიან, ყველას აქვს გვერდითი მოვლენების მანიფესტაცია. ბევრად უფრო ხშირი, ვიდრე კალენდარულ ვაქცინებზეა. ანუ ეს ვაქცინები არიან უფრო რეაქტოგენული. ანუ იძლევიან უფრო ხშირად რეაქციებს, რომელიც ვლინდება ტემპერატურით თავის ტკივილით, სახსრების ტკივილით და ასე და ასე შემდეგ. ანაფილაქსიური გამოვლინებები შედარებით იშვიათია. დღემდე 3365 აცრა ჩატარდა სერიოზული და გვერდითი მოქმედება იყო მხოლოდ 4. თუმცა ანაფილაქსიური რეაქცია არ ყოფილა.

დღეს ახალციხეში, იმედის "კლინიკაში", 12 საათსა და 15 ეუთზე აიცრა ჩვენი კოლეგა, 27 წლის ქალბატონი, რომელიც ანამნეზით სისტემატურად იტარებდა გრიპის აცრას და არ აღნიშნავდა ანამნეზსში ალერგიულ რეაქციებს. აცრის შემდეგ ქალბატონმა პირდაპირ ეთერშიც მოუწოდა სამედიცინო პერსონალს აცრების გააქტიურებისკენ. 30 წუთში განვითარდა დაუყოვნებელი რეაქცია. არ ვიცით ეს იყო ალერგიული თუ სხვა რეაქცია. თუმცა ექიმების წინასწარი საუბრით, გავდა ეს ანაფილაქსიურ რეაქციას. ადამიანს ადგილზე დროულად ჩაუტარდა გადადუდებელი რეაქცია. ის გადაყვანილი იქნა რეანიმაციაში, მდგომარეობა სწრაფად დამძიმდა. ამჟამად ავადმყოფის გადმოყვანა თბილისში ხდება. პარალელურად დაწყებულია შემთხვევის მოკვლევა" - აღნიშნა გამყრელიძემ.

ცნობისთვის, ახალციხეში, "ასტრაზენაკას" ვაქცინის გაკეთების შემდეგ, ექთანი კომაში ჩავარდა. სავარაუდოდ, მას ალერგიული შოკი განუვითარდა. ქალის ჯანმრთელობის მდგომარეობა მძიმეა. ადგილი ჰქონდა დაპირისპირებას - 27 წლის ქალის ახლობლებმა სამედიცინო დაწესებულებაში შუშა ჩაამტვრიეს.

კლინიკის ტერიტორიაზე იმყოფებიან სამართალდამცავები.