მნიშვნელოვანი ინფორმაცია
13
აპრილიდღის ზოგადი ასტროლოგიური პროგნოზი
კვირა, მთვარის მეთექვსმეტე დღე დაიწყება 21:28-ზე, მთვარე 17:54-ზე გადაბრძანდება მორიელში
მშვიდობიანი საქმეები წარმატებით დასრულდება. კაპიტალდაბანდებებს მოერიდეთ. კარგი დღეა იურიდიული საკითხების მოსაგვარებლად, სასამართლო პროცესების დასაწყებად; შემოქმედებითი საქმიანობისთვის. გარშემო მყოფებთან ურთიერთობისას გამოიჩინეთ ტაქტი. უფროსს მნიშვნელოვან საკითხებზე საუბრისთვის ნუ შეხვდებით; წვრილ-წვრილი საკითხები მოაგვარეთ. კარგი დღეა დასვენების, მოგზაურობის, ფიზიკური დატვირთვისა და საოჯახო საქმეების შესრულებისთვის. მოერიდეთ ალკოჰოლის მიღებას, მოწევას; ცხარე და ცხიმიან საკვებს; ცხოველური საკვების მიღებას. ნებადართულია თევზი და სოკო. მოიმატებს სტრესული და სარისკო ქმედებების რაოდენობა.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"სომხეთი და საქართველო "კავკასიური ექვსეულის“ ფორმატის წინააღმდეგ გამოდიან" - რას წერს თურქული გამოცემა
12:15 / 02-02-2021
თურქეთის ინგლისურენოვან გაზეთ "ჰურიეთ დეილი ნიუსში" («Hürriyet Daily News») გამოქვვეყნებულია სტატია, სათაურით: "რატომ არის რთული კავკასიური სამშვიდობო პლატფორმის შექმნა“, რომელშიც განხილულია თურქეთის პრეზიდენტის რეჯეფ ერდოღანის მიერ ინიცირებული "კავკასიური ექვსეულის“ ჩამოყალიბებასთან დაკავშირებული ზოგიერთი საკითხი, კერძოდ - თბილისისა და ერევნის დამოკიდებულება ანკარის ინიციატივის მიმართ (ავტორი - სერკან დემირტაში).
"მთიანი ყარაბაღის კონფლიქტის დასრულების შემდეგ, რომელშიც გამარჯვება აზერბაიჯანმა მოიპოვა - გაათავისუფლა თავისი ტერიტორიები სომხური ოკუპაციისაგან - ხშირად ისმის იდეები თანამშრომლობის მექანიზმის შესაქმნელად კავკასიის რეგიონის ყველა სახელმწიფოს მონაწილეობით“, - აღნიშნულია სტატიაში. ამ თვალსაზრისით ავტორი ხაზს უსვამს თურქეთის პრეზიდენტის რეჯეფ ერდორანის დამსახურებულ როლს რეგიონული თანამშრომლობის განვითარების საქმეში და წერს:
"პრეზიდენტი რეჯეფ ერდოღანი იდგა იმ საერთაშორისო ლიდერებს შორის, რომლებიც კავკასიაში მშვიდობის დამყარებაზე ფიქრობდნენ და ამიტომაც გასაკვირი არაა, რომ სწორედ თურქეთის ლიდერმა წამოაყენა ექვსმხრივი ორგანოს შექმნის ინიციატივა, რათა მტრობა უკან დარჩენილიყო და რეგიონი სტაბილურობისა და მშვიდობის კერად გადაქცეულიყო. რუსეთმა და აზერბაიჯანმა ამ იდეას მხარი დაუჭირეს.
თურქეთის წინადადება პირდაპირი სიგნალი იყო სომხეთისათვის: ანკარამ ამით მიანიშნა, რომ მზადაა სომხეთთან საზღვრების გასახსნელად და მასთან დიპლომატიური ურთიერთობის დასამყარებლად, თუ ერევანი რეგიონული თანამშრომლობის ფორმულას დაეთანხმება. თურქული ინიციატივა მოიწონა ირანმაც: ანკარაში ვიზიტის დროს, თავის თურქ კოლეგასთან მევლიუთ ჩავუშოღლუსთან შეხვედრის დროს, ირანის საგარეო საქმეთა მინისტრმა მოჰამად ჯავად ზარიფმა კავკასიურ თანამშრომლობაში თავისი ქვეყნის როლი განსაზღვრა. მართალია, მინისტრებს თანამშრომლობის ფორმულა "3+3“ არ გაუშიფრიათ, მაგრამ, როგორც ითვლება, ის გულისხმობს სახელმწიფოების ორი ჯგუფის ჩამოყალიბებას - აზერბაიჯანი-საქართველო-სომხეთი + თურქეთი-ირანი-რუსეთი.
მაგრამ პრობლემა იმაშია, რომ სომხეთი და საქართველო "კავკასიური ექვსეულის“ ფორმატის წინააღმდეგ გამოდიან. რასაკვირველია, მთიანი ყარაბაღის კონფლიქტში სასტიკი დამარცხების შემდეგ ერევანი ჯერ კიდევ შოკშია და ჯერჯერობით გონივრულად ვერ აღიქვამს ახალ რეალიებს. ქვეყნის დღევანდელი ხელისუფლებისათვის ძნელია თურქეთისათვის ხელის ჩამორთმევა - პრემიერ-მინისტრ ნიკოლ ფაშინიანს დღეს მკაცრად აკრიტიკებენ აზერბაიჯანის წინაშე განხორციელებული დათმობებისათვის. სომხეთს, უეჭველია, დრო ჭირდება, რომ მთიან ყარაბაღში დამარცხების ჭრილობა მოიშუშოს და ისტორიის ახალი ფურცელი გადაშალოს.
კავკასიის რეგიონული ინიციატივის რეალიზებისთვის კიდევ უფრო მნიშვნელოვან დაბრკოლებას წარმოადგენს საქართველოს ხელისუფლების პოზიცია: თბილისი მტკიცედ აცხადებს, რომ მხარს არ დაუჭერს არცერთ რეგიონულ ინიციატივას, სადაც კი რუსეთი იქნება - სანამ მოსკოვი აფხაზეთისა და ე.წ. სამხრეთ ოსეთის ოკუპაციას არ შეწყვეტს.
რამდენად იქნება რეალიზებული "კავკასიური ექვსეულის“ შექმნის ინიციატივა, ჯერჯერობით ბოლომდე გარკვეული არ არის. ამჟამად მხოლოდ ირანის, თურქეთისა და რუსეთის პრიორიტეტებია გამოკვეთილი: თეირანი აქტიურად ცდილობს ახალ სატრანსპორტო პროექტებში მონაწილეობას და რეგიონის ქვეყნებთან თავისი ვაჭრობის გაფართოებას, ანკარა - აზერბაიჯანთან ეკონომიკური, სატრანსპორტო, ენერგეტიკული კავშირების განმტკიცებას, მოსკოვი კი ცდილობს თავისი გავლენა გააფართოვოს და რეგიონი "ძაფებით მართოს“ - სომხეთ-აზერბაიჯანის კონფლიქტის კონტექტსში. ყველაფერი ეს იმას მოწმობს, რომ ნამდვილი მშვიდობისა და რეგიონული სტაბილურობის დამყარებამდე კავკასიის რეგიონს ჯერ კიდევ დიდი გზის გავლა მოუწევს“, - ასკვნის პუბლიკაციის ავტორი. წყარო
მოამზადა სიმონ კილაძემ
მკითხველის კომენტარები /
37 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ქარიშხალი ამერიკის შეერთებულ შტატებში - უცხოური მედიების ცნობით, სტიქიურ მოვლენას, სულ მცირე, 24 ადამიანის სიცოცხლე ემსხვერპლა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
3+3 ფორმატი ნიშნავს 3ძლიერს პლიუს 3 მათხოვარი რუსეთს ოკუპირებული რომც არ ქონდეს ჩვენი ტერიტორიები მაინც არ შეიძლება იმიტომ რომ საქმე გვაქვს ავტორიტარულ რეჟიმებთან და ისინი ყოველთვის შეეცდებიან მათთვის უკეთესი პროექტები გაიტანონ. ევროპის ქვეყნები კი არ არიან თანასწორობაზე რომ იფიქრონ.
ჩვენთვის, საქართველოსთვის არანაირად არ შეიძლება ამ ხაფანგში თავის შეყოფა, ეს არის ხაფანგი, ჩვენთვისაც და სომხებისთვისაც!..
მეორე მხრიდანაც რომ შევხედოთ, აზერბაიჯანს რა ენაღვლება, თავს გამარჯვებულად თვლის და მსგავს საკითხებზე რა თქმა უნდა თანახმაა, თან იმხელა ქვეყანას, თურქეთს ჩაუბრატდა, ასევე ირანთანაც, სამივე ქვეყანა მუსულმანურია... ჩვენ? ჩვენი ტერიტორიები, თურქებსაც წაღებული აქვს, რუსეთსაც, აზერებსაც და ასევე სომხებსაც! ამ ქვეყნებიდან, ყველაზე დამარცხებული ქვეყანა ჩვენა ვართ, ფაქტიურად მგლების ხროვაში ვართ და ლეგალიზაცია სურთ ჩვენი ტერიტორიების და არა ჩვენი მეგობრობა!