"ქართული ოცნება“ საარჩევნო საკითხებთან დაკავშირებით კომპრომისისთვის მზად არის, პოლიტპატიმრებთან დაკავშირებით - არა" - ალეკო ელისაშვილი
დღეს ჩვენ აქ საბოლოო შთანხმებისთვის არ მოვსულვართ, ჩვენ, უბრალოდ, პოზიციების გასარკვევად და დასაზუსტებლად მოვედით, - ამის შესახებ "ქართული ოცნების“ წარმომადგენლებთან შეხვედრის დასრულების შემდეგ პარტია "მოქალაქეების“ ლიდერმა ალეკო ელისაშვილმა განაცხადა.
მისი თქმით, შეხვედრაზე გაირკვა, რომ "ქართული ოცნება“ საარჩევნო საკითხებთან დაკავშირებით კომპრომისისთვის მზად არის და ამ მხრივ პროგრესი შეინიშნება. რაც შეეხება რიგგარეშე არჩევნებსა და პოლიტპატიმრების საკითხს, ელისაშვილის განმარტებით, ამ მიმართულებით ცვლილებები არ არის.
"მე და ლევან იოსელიანი პარტია "მოქალაქეების“ სახელით ვიყავით მოსულები, რომ გაგვერკვია, ჰქონდა თუ არა მზაობა "ქრათულ ოცნებას“ მოლაპარაკების საკითხებთან დაავშირებით და იყო თუ არა მზად წასულიყო კომპრომისებზე. მეოთხე რაუნდის შემდეგ გავიდა ძალიან დიდი დრო, მეხუთე რაუნდის პერსპექტივა ჰაერში გამოეკიდა და ამიტომ ვიყავით მოსული. 4-ვე პუნქტზე, რა თქმა უნდა, ვიმსჯელეთ. ყველაზე მძიმე საკითხი იყო პოლიტპატიმრების საკითხი. მინდა ყველა დავარწმუნო, რომ მეც და ლევანიც ამ საკითხს არაერთხელ დავუბრუნდით, ძალიან პრინციპულად ვსვამდით, თუმცა, რა თქმა უნდა, ასევე, ცნობილია, რომ "ქართული ოცნება“ უბრალოდ არც აღიარებს პოლიტპატიმრების არსებობას. ძალიან მძიმედ არის ეს საქმე. გაირკვა ის, რომ საარჩევნო საკითხებთან დაკავშირებით, საარჩევნო კანონმდებლობის ცვლილებასთან დაკავშირებით და საარჩევო ადმინისტრაციის ცვლილებასთან და დაკომპლექტებასთან დაკავშირებით, როგორც წინა რაუნდებზე იყო მზაობა "ქართული ოცნების“ მხრიდან, რომ სერიოზულ დათმობებზე წავიდეს, ახლაც ეს დათმომებები და კომპომისის მზაობა დადასტურდა.
საარჩევნო საკითხებთან დაკავშირებით არის პროგრესი, რიგგარეშე არჩევნებთან დაკავშირებით ისევ ის პოზიცია აქვს "ქართულ ოცნებას“, რომ საგამოძიებო კომისია უნდა შეიქმნას, რომელიც თუ დაადასტურებს ერთ პროცენტიან ცდომილებას, მზად არიან რიგგარეშე დანიშნონ,“- განაცხადა ელისაშვილმა.
შეგახსენებთ, რომ ალეკო ელისაშვილი და ლევან იოსელიანი დღეს პარლამენტში იმყოფებოდნენ, სადაც პარლამენტის თავმჯდომარე არჩილ თალაკვაძესა და ფრაქცია "ქართული ოცნების“ თავმჯდომარე მამუკა მდინარაძეს შეხვდა.
"ნაცმოძრაობის” რეიტინგი ისტორიულ მინიმუმზეა" - მამუკა მდინარაძე
NDI: გიორგი გახარიას საქმიანობას გამოკითხულთა 46% დადებითად აფასებს, 17% - ცუდად - როგორ არის შეფასებული პრეზიდენტის, მთავრობის და პარლამენტის მუშაობა?
