"ბაზალეთის ტბის გაყინულ ნაწილზე მოქალაქეების გადაადგილება საფრთხის შემცველია" - მცხეთა-მთიანეთის სახელმწიფო რწმუნებულის ადმინისტრაციის მიმართვა მოქალაქეებს
დუშეთის მუნიციპალიტეტში მდებარე ბაზალეთის ტბის როგორც მიმდებარე ისე გაყინული წყლის ტერიტორიაზე ბოლო დღეებია სხვადასხვა მიზნებისთვის მოსახლეობის აქტიური გადაადგილება შეინიშნება, - ამის შესახებ ინფორმაციას მცხეთა-მთიანეთის მხარის სახელმწიფო რწმუნებულის ადმინისტრაცია ავრცელებს.
მათივე ცნობით, ტემპერატურის კლების გამო რამდენიმე დღეა ტბა გაყინულია მასზე გადაადგილება კი საფრთხის შემცველია.
ინფორმაციაში აღნიშნულია, რომ ადგილზე მოქალაქეების უსაფრთხოების მიზნით, მობილიზებულnი არიან ადგილობრივი ხელისუფლების წარმომადგენლები, რომლებიც იქ მისულ მოქალაქეებს ტბაზე გადაადგილებისგან თავის შეკავებას ურჩევენ.
მცხეთა-მთიანეთის მხარის სახელმწიფო რწმუნებულის ადმინისტრაცია მოუწოდებს მოქალაქეებს დაემორჩილონ მოწოდებას და უსაფრთხოებიდან გამომდინარე თავი შეიკავონ ტბაზე გადაადგილებისაგან.
საქართველოში კორონავირუსის 551 შემთხვევა გამოვლინდა - როგორია გასული 24 საათის ეპიდვითარება ქვეყანაში
იტალიაში კორონავირუსით ორი ემიგრანტი ქალი გარდაიცვალა
