24
აპრილიდღის ზოგადი ასტროლოგიური პროგნოზი
პანდემიამ არაერთ სფეროს შეუქმნა პრობლემა, თუმცა ონლაინსაქმიანობა ბევრი ადამიანისთვის აღმოჩნდა პრობლემების დაძლევის შესაძლებლობა. მაგალითად, ხელოვნებათმცოდნე და კომუნიკაციის სფეროს სპეციალისტი ნინო ყიფიანი ქართველი ხელოვანების სამსახურში ვებრგვერდის gemarket.art საშუალებით ჩადგა, რომელიც ადამიანებს საკუთარი ნამუშევრების გაყიდვაში ეხმარება.
"პროფესიით ხელოვნებათმცოდნე ვარ, თუმცა ბოლო 15 წელია, კომუნიკაციის სფეროში და ელკომერციის მიმართულებით ვსაქმიანობ. ამდენად, მეორე პროფესია შევიძინე, პირველი კი ჰობად მექცა.
პანდემიის დროს ჩემს მეგობარს მაგდა დოლიძეს, რომელიც განათლებით სცენოგრაფია და დღეს ის ვებდეველოპერია, ორმა მხატვარმა მეგობარმა დახმარება სთხოვა, რათა როგორმე მათი ნახატების გამოფენის და გაყიდვის ალტერნატიული გზა მოეფიქრებინა და ის, რასაც ლოქდაუნამდე რეალობაში აკეთებდნენ, ციფრულ სივრცეში გადაეტანათ.
როგორც ყველას, თავდაპირველად "ფეისბუქის“ ჯგუფები ვურჩიეთ, თუმცა ის ფორმატი მათთვის დამაკმაყოფილებელი არ იყო. ნახატების განთავსებასთან, მიწოდებასთან, კომუნიკაციასთნ, თანხის გადახდასთან და კიდევ სხვა დეტალთან დაკავშირებით, გარკვეული დისკომფორტი შეიქმნა...
მხატვრები შემოქმედებით პროცესებს არ უნდა მოწყდნენ, ისინი უნდა ქმნიდნენ და ბედნიერები მაშინ არიან.
შემდეგ ჩემმა მეგობარმა რამდენიმე რჩევა მეც მკითხა და ამ ვებგვერდამდეც მივედით... 2 მეგობარს კიდევ 2 შემოუერთდა, კიდევ 2 და ასე გავხდით ბევრნი“ - გვიყვება ნინო ყიფიანი.
გარდა იმისა, რომ მეგობრების თხოვნა შეასრულეს, ამ პერიოდში მათთვის უცნობი ნიჭიერი მხატვარებიც აღმოაჩინეს, მათი ნამუშევრები მოეწონათ და თავიანთი სივრცე სიამოვნებით გაუზიარეს.
"საბოლოოდ, ისე მოხდა, რომ ამგვარი, ერთ სივრცეში შეკრული მხატვართა ერთობა სხვაგან ვერ ვიპოვეთ, არტისტების ბიოგრაფიებიც დავურთეთ და პორტფოლიოც განვათავსეთ", - აღნიშნავს ნინო და გვეუბნება, რომ გვერდისთვის რეკლამა არც კი გაუკეთებიათ, უბრალოდ, ვეგბგვერდისთვის "ფეისბუქგვერდი“ და "ინსტაგრამი" შექმნეს, რათა დაინტერესებულ ადამიანებთან კომუნიკაცია გაემარტივებინათ და ინფორმაცია გაევრცელებინათ.
"პირველივე კვირას, ჩვენმა ანალიტიკსმა, დღიურად 100 უნიკალური ვიზიტორი დააფიქსირა, რასაც არ ველოდით და ძალიან გაგვიკვირდა... ამდენად, მივხვდით, რომ საზოგადოება იმაზე მეტად ელოდა ასეთ ფორმატს, ვიდრე თავად მხატვრები. ვცდილობთ, ცოტა საგანმანათლებლო კუთხითაც განვავითაროთ საიტი, ნახატები მხოლოდ საგამოფენო სივრცეებისთვის არ იქმნება, სურვილი გვაქვს, ისინი ჩვენს ყოველდღიურობაში შემოვიდეს."მეტი ხელოვნების ნიმუში შენს ინტერიერში" - ასეთი დევიზიც წამოგვცდა. ეს ხომ მუდმივი ექსპოზიციაა სახლში, არასდროს მთავრდება, არასდროს ხუნდება და არასდროს გადადის მოდიდან, ყოველ დღეს გილამაზებს და ყოველდღე შეიძლება, შენი ოთახის კედელზე განთავსებულ ნახატში რაღაც ახალი აღმოაჩინო,“ - დასძენს ნინო.
ამდენად, პანდემიამ მართლაც ჩიხში შეიყვანა არა მხოლოდ სხვადასხვა სფეროში მოქმედი ბიზნესი, არამედ, როგორც უკვე ვთქვით, ხელოვანები, რომლებმაც ვერც "გატანის“ სევრისით შეძლეს საკუთარი შემოქმედების წარდგენა/რეალიზაცია და ვერც დაკეტილ სივრცეში "ფანჯრიდან“ მოემსახურნენ საკუთარ დამთვალიერებელსა თუ მაყურებელს.
თუმცა შექმნილმა მდგომარეობამ, როგორც უკვე ვნახეთ, მხატვრებს ახალი გამოსავალის ძიებისკენ უბიძგა, ვისთვისაც აუცილებელი გახდა ისეთი სივრცის მოძიება, რომელიც საგამოფენო დარბაზის ერთგვარი ალტერნატივა იქნებოდა... სწორედ ამიტომ შექმნეს ვებრგვერდი gemarket.art, სადაც ერთიან, ციფრულ სივრცეში მოექცა როგორც მხატვართა ბიოგრაფიები, ასევე მათი პორტფოლიო, ამასთანავე, შესაძლებელია სასურველი ნამუშევრის შეძენა და შეძენილის ადგილზე მიტანის უზრუნველყოფაც. ყოველი საოპერაციო პროცესი ავტომატიზებულია, მხატვრებს კი მეტი დრო რჩებათ შემოქმედებითი აქტივობისთვის.
საინტერესოა, რომ პლატფორმამ დიდი დაინტერესება პოვა არა მხოლოდ ხელოვანებს შორის, არამედ საზოგადოებაში. ვებგევრდის გაშვების დღიდან მაღალმა აქტივობამ დაადასტურა, რომ საზოგადოება იმაზე მეტად ელოდა ასეთ ფორმატს, ვიდრე თავად მხატვრები.
ამ საინტერესო ადამიანებს სამომავლოდაც ინოვაციური გეგმები აქვთ.
ნამუშევრების შეძენა შესაძლებელია აქ.
წარმატებები ნინო
ვნახე ეს გვერდი, გამოგიტყდებით და მომეწონა, თუმცა ძალიან ბევრი მხატვარი არ გყავთ შეყვანილი, ასევე კარგი იქნბოდა თუ არათამედროვე მხატვრებსაც შეიყვანდით.
მადლობა და გილოცავთ ახალ წელს :)