"ადგილი აქვს ხატის არა აღდგენას, არამედ ხელყოფას" - რას წერს "საყდრისის კომიტეტი" სვანურ ტაძარში დაცული ღვთისმშობლის ხატის რესტავრაციაზე
"საყდრისის კომიტეტი" სოციალურ ქსელში საქართველოს ეროვნული მუზეუმისა და კულტურული მემკვიდრეობის დაცვის ეროვნული სააგენტოს სახელზე მიმართვას ავრცელებს. მიმართვაში საუბარია სვანეთში ლახუშდის ტაძარში დაცული შუა საუკუნეების ღვთისმშობლის ხატის რესტავრაციაზე, რომელიც კომიტეტის შესაფებით, კულტურული მემკვიდრეობის ძეგლის ხელყოფაა:
"სოციალურ ქსელში გავრცელდა სვანეთში ლახუშდის ტაძარში დაცული "რესტავრირებული" შუა საუკუნეების ღვთისმშობლის ხატის ფოტოები. როგორც ჩვენთვის გახდა ცნობილი, ხატის რესტავრაცია არ ყოფილა შეთანხმებული სპეციალისტებთან და სვანეთის მუზეუმთან.
ფოტოებიდან ჩანს, რომ ადგილი აქვს ხატის არა აღდგენა-შენარჩუნებას, არამედ კულტურული მემკვიდრეობის ძეგლის ხელყოფას.
ჩვენს ხელთ არსებული ინფორმაციით, ლახუშდის ხატის "რესტავრაცია" პირველი შემთხვევა არ არის, მსგავსს ფაქტებს ადრეც ჰქონია ადგილი და მიუხედავად სპეციალისტების მონდომებისა, სვანეთში დაცული სიწმინდეების მოვალა-პატრონობა დღემდე გადაუჭრელ პრობლემად რჩება.
"საყდრისის კომიტეტი" მოუწოდებს საქართველოს ეროვნულ მუზეუმს, ასევე კულტურული მემკვიდრეობის დაცვის ეროვნულ სააგენტოს დაუყოვნებლივ დაიწყონ ფაქტების შესწავლა და მოახდინონ შესაბამისი რეაგირება მომავალში მსგავსი დანაშაულებრივი ქმედების აღკვეთის მიზნით".
"24 ნოემბერს საქართველოში კორონავირუსით 34 ადამიანი დაიღუპა, მათგან ერთი მამაჩემი იყო" - რას წერს მაია ნიკოლეიშვილი
"ახლა შოთა კლინიკაშია, უკეთაა, მაგრამ სუსტად... ამ საღამოს დედამისიც იმავე კლინიკაში გადაიყვანეს" - პოეტ შოთა იათაშვილის მეუღლის ემოციური წერილი
