მნიშვნელოვანი ინფორმაცია
23
აპრილიდღის ზოგადი ასტროლოგიური პროგნოზი
ოთხშაბათი, მთვარის ოცდამეხუთე დღე დაიწყება 04:59-ზე, მთვარე 09:03-ზე გადავა თევზების ზოდიაქოში
ახალ საქმეებს ნუ წამოიწყებთ, მაგრამ დაწყებულები დაასრულეთ. კარგი დღეა ვაჭრობისთვის, სასამართლო საქმეებისთვის. არასასიამოვნო დღეა კონტაქტებისთვის, აკონტროლეთ თქვენი ემოციები. არ იკამათოთ და მოერიდეთ უსიამოვნო საუბრებს. კარგი დღეა მოგზაურობის დასაწყებად, მგზავრობისათვის. სხვა დღისთვის გადადეთ ქორწინება და ნიშნობა. მოერიდეთ ალკოჰოლსა და სიგარეტს. ამ დღის რთული ორგანოა ყურები, მოერიდეთ მათ გახვრეტას, ოპერაციას, გაწმენდას. არ გირჩევთ ოპერაციის ჩატარებას ღვიძლზე, ფეხებზე.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
შექმნის თუ არა ერთობას "ევროპული საქართველო", "გირჩი", "სტრატეგია აღმაშენებელი" და "ლელო" "ნაცმოძრაობის" გარეშე?
19:46 / 24-11-2020
„ევროპული საქართველოს" წევრმა, ლევან თარხნიშვილმა დაადასტურა ინფორმაცია, რომ 4 პარტიას „ევროპულ საქართველოს, „გირჩს", „სტრატეგია აღმაშენებელსა" და „ლელოს" შორის შესაძლო კოოპერაციის თაობაზე მოლაპარაკებები მიმდინარეობს, თუმცა, მისი თქმით, ჯერ უცნობია, იქნება თუ არა მათ შორის ამ საკითხზე კონსენსუსი.
თარხნიშვილის თქმით, ზემოთაღნიშნულ 4 პარტიას შორის უფრო მეტი თანხვედრა არსებობს.
„ჩვენ ვლაპარაკობთ რამდენიმე პარტიასთან შესაძლო კოოპერაციაზე და შესაძლო საარჩევნო კოოპერაციაზე, მათ შორის თქვენს მიერ ჩამოთვლილ პარტიებთან. მოლაპარაკებები საწყის ეტაპზეა. არ ვიტყოდი, რომ ეს ასეა - ყველა, მინუს „ნაცები“. უამრავი პარტია არსებობს, რომლებიც დღეს ოპოზიციის შეხვედრაზე სხედან და რომელთანაც ჩვენ არ განვიხილავთ კოოპერაციას. საუბარი მიმდინარეობს ამ 4 პარტიას შორის. საუბარია იმაზე, რომ ჩვენ გვაქვს გარკვეული თანხვედრები. შესაბამისად, ვლაპარაკობთ იმაზე, რამდენად ღრმაა ეს თანხვედრა. ამ 4 პარტიას შორის არის გარკვეული კონსულტაციები, როგორც მიმდინარე, ასევე პოლიტიკურ საკითხებზე. ყველას გახსოვთ, რომ გარკვეულ შეთანხმებებს არჩევნების წინაც მოეწერა ხელი, ამ შეთანხმებას სხვადასხვა პარტიები უერთდებოდნენ, მაგრამ ეს 4 პარტია იყო მუდმივი. ეს პროცესი ახალი დაწყებული არ არის, არამედ არჩევნების წინაც იყო. რატომ არ არის სხვა პარტიები? იმიტომ, რომ სხვა პარტიებთან ასეთი თანხვედრა არ გვაქვს", - განაცხადა თარხნიშვილმა.
აღნიშნულ ინფორმაციას არ ადასტურებს, „სტრატეგია აღმაშენებლის" ერთ-ერთი ლიდერი, სერგო ჩიხლაძე. მისი განცხადებით, „სტრატეგია აღმაშენებელს", "გირჩს", "ლელოსა" და „ევროპულ საქართველოს“ შორის შესაძლო ბლოკის შექმნის ან გაერთიანების თაობაზე მოლაპარაკებები არ მიმდინარეობს. როგორც მან აღნიშნა, მიუხედავად განსხვავებული შეხედულებებისა, „სტრატეგია აღმაშენებელი“ სხვადასხვა ოპოზიციურ პარტიასთან მართავს მოლაპარაკებებს, თუმცა, აღნიშნულ საკითხზე ცალკე მსჯელობა არ მიმდინარეობს.
„არანაირი ბლოკი არ იგეგმება. ჯერ არჩევნებიც არ ჩანს ჰორიზონტზე. შესაბამისად, რომელ ბლოკზეა საუბარი. „სტრატეგია აღმაშენებელი“ ხვდება ყველა პარტიას. ოპოზიციის დღევანდელი შეხვედრაც ამის დასტურია. არაფერი მსგავსი არ იგეგმება და ამ წუთას ეს საკითხი დღის წესრიგში არ დგას. არანირი ბლოკი, შერწყმა ან გაერთიანება არ განიხილება. სხვადასხვა პარტიებთან ვსაუბრობთ. ჩვენ არ ვართ ერთი პარტია და თუნდაც ამ 4 პარტიას ძალიან მნიშვნელოვანი განსხვავებები აქვს. შეგიძლიათ ჩვენი პროგრამები წაიკითხოთ. ამიტომ, არაინაირ ბლოკზე, შერწყმაზე, ცალკე ყოფნაზე საუბარი არ არის. არა მარტო ამ 4 პარტიას, არამედ სხვებს, მათ შორის, ვინც ბარიერი ვერ გადალახა, მათაც ვესაუბრებით ზოგადად საკითხებზე. ცალკე არავითარი მოლაპარაკებები არ მიმდინარეობს“, - განაცხადა ჩიხლაძემ.
თბილისის მერის, კახა კალაძის განცხადებით, პარტიებს შორის თანამშრომლობა ძალიან მნიშვნელოვანია ჩვენი ქვეყნისთვის და დემოკრატიის განვითარებისთის.
როგორც კალაძე აცხადებს, მისასალმებელია „ევროპულ საქართველოს, „გირჩს", „სტრატეგია აღმაშენებელსა" და „ლელოს" შორის შესაძლო თანამშრომლობის თაობაზე მოლაპარაკებების დაწყება.
„ყველა პარტიას აქვს თავიანთი ხედვა და მოსაზრება. რა თქმა უნდა, ვერცერთი პარტია ვერ იქნება დამოკიდებული „ქართულ ოცნებაზე“, „ნაციონალურ მოძრაობაზე“ ან სხვა პარტიებზე. ის, რომ შედგეს თანამშრომლობა, ეს არის ძალიან მნიშვნელოვანი მხოლოდ და მხოლოდ ჩვენი ქვეყნისთვის, დემოკრატიის განვითარებისთვის და ეს არის მხოლოდ და მხოლოდ მისასალმებელი“, - განაცხადა კალაძემ.
ცნობისთვის, გავრცელებული ინფორმაციით, "ევროპული საქართველო", "გირჩი", "სტრატეგია აღმაშენებელი" და "ლელო" აპირებს, რომ შექმნას ერთობა "ნაციონალური მოძრაობის" გარეშე.
მკითხველის კომენტარები /
15 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ემუქრება თუ არა საფრთხე ევროკავშირთან უვიზო მიმოსვლის შეჩერებას ?
კვირის კითხვადი სტატიები
მნიშვნელოვანი ინფორმაცია
მკითხველის რჩევით
როგორ მიკვირს , კაცო, 30 წელია აქ არც კაპიტალია, არც კაპიტალის ბაზარია, ანუ ბირჟა საფონდო და სავალუტო, არც აქციებია ,არც კერძო, არც სახელმწიფო , ქონება სულ სახელმწიფოსია , კერძოსი მამაპაპისაგან თუ რამ დარჩა , და როგორ არის აქ კაპიტალიზმი და საბაზრო ეკონომიკა, პირდაპირ საკვირველია ! პლებისციტი და რეფერენდუმი თვალით არ გვინახავს , ეგეც ოცდაათი წელია ბალია ათი შაური არ უკითხავთ , როგორ ვმართავთ ხელისუფლების წყარო, ანუ ხალხი დემოკრატიის სამი ინსტრუმენტით ქვეყნის პოლიტიკურ და ეკონომიკურ ცხოვრებას პირდაპირ გასაკვირია , კიდევ უფრო გასაკვირი ისაა , არჩევნები რომ ქვია , იმას გვიტარებენ ! საოცარი ქვეყნაა , აი ალექსა საოცრებების ქვეყანაში, როა , ალექსა მეთქი, ალისა , კაცო ალისა ! ჰოო ის დამაპიწყდა -არცერთი პოლიტიკოსი არა გვყავს, სულ ნაკომკავშირალი ან კომკავშირელი ფუნქციონერებია დიქტატორის შლეიფიდან და პოლიტიკურად ანგაჟირებული როგორა ვართ , სადაა ეს პოლიტკოსი, რაში გამოიხატა მათი პოლიტიკოსობა ამ 30 წელიწადში !?
არანაირი პარტიები და პოლიტიკოსები საქართველოს არ ყავს,ესენი სხვადასხვა დონის და ამპლუის კომკავშირულ მოქკავშირული აქტივია,ზოგი ფუნქციონერი ზოგიც მიტმასნილი ფუქსავატი,სპეცმომზადებაც კი არ აქვთ გავლილი, ისე ასეთებიც არიან, ეფრეიტორის დონისა !მათ რიგებში გავლენის აგენტი მეტია ვიდრე დავერბოვკებული ,მენტალურად მფოფხავი მონა ,უვიცი მატრაბაზი,წამხედური ,"მე" არ გააჩნია სულიერი,მხოლოდ მატერილაური "მე",მისი სტომაქი !მთავარი დივერსია ,რუსის მიერ ჩადენილი და ორგანიზებული არამატერიალურია-ის ძევს ჩვენი სახელმწიფოს პოლიტიკურ სამართლებრივ მოწყობაში,ის პრორუსულია და მისი მართვის რეალურ მეთოდებში(თუ მმართველი კომკავშირელია მისი მართვის მეთოდი როგორ იქნება ევროპულ ამერიკული ,ანუ სამართლებრივი ?!),რომელიც პრინციპში "უსტანონვკაა" და არა პოლიტიკურ სახელმწიფოებრივი ხანგძლივი მოღვაწეობისას გამომუშავებული პოლიტიკური მრწამსი და სახელმწიფოებრივად აზროვნების უნარჩვევა-ასე ავალებს მათ 40 წლის წინ ჩადებული კამსამოლა კოდი-შაური ჩვენ ,შაური მამაჩვენს ,შაური დედასა ჩვენსა და შაურიც მასებსო !!!!!!!