COVID -19-ის პან­დე­მი­ად გა­მო­ცხა­დე­ბის ად­რე­ულ ეტაპ­ზე თუ მხო­ლოდ იმას გან­ვი­ხი­ლავ­დით, რამ­დე­ნი და რო­მე­ლი კომ­პა­ნი­ე­ბი მუ­შა­ობ­დნენ ახა­ლი კო­რო­ნა­ვირუ­სის ვაქ­ცი­ნის შექ­მნა­ზე და რა პერ­სპექ­ტი­ვა არ­სე­ბობ­და კო­ვიდ­თან გა­სამ­კლა­ვებ­ლად, დღეს უკვე შეგ­ვიძ­ლია ვთქვათ, რომ ერთ-ერ­თმა ვაქ­ცი­ნამ წარ­მა­ტე­ბუ­ლად გა­ი­ა­რა ყვე­ლა მნიშ­ვნე­ლო­ვა­ნი გა­მოც­და - ეს გახ­ლავთ გერ­მა­ნუ­ლი BioNTech-ისა და ამე­რი­კუ­ლი Pfizer-ის ერ­თობ­ლი­ვად შექ­მნი­ლი ვაქ­ცი­ნა - BNT162b2. სა­ინ­ტე­რე­სოა, რა ფიქ­რობს კო­რო­ნა­ვირუ­სის ვაქ­ცი­ნა­სა და სა­ქარ­თვე­ლო­ში მის შე­მო­ტა­ნა­ზე, ასე­ვე, სხვა, გა­მოც­დის ფა­ზა­ში მყოფ ვაქ­ცი­ნებ­ზე აშშ-ის ქა­ლაქ ჰა­ნო­ვერ­ში მცხოვ­რე­ბი ქარ­თვე­ლი მეც­ნი­ე­რი, დორ­თმო­უ­თის კო­ლე­ჯის პრო­ფე­სო­რი ფრი­დონ შუ­ბი­თი­ძე. ბა­ტონ ფრი­დონს, ამე­რი­კა­ში და­ვუ­კავ­შირ­დით:

- ვაქ­ცი­ნა BNT162b2, რო­მე­ლიც, ფაქ­ტობ­რი­ვად, ამ თვის ბო­ლოს დამ­ტკიც­დე­ბა, რო­გორც გან­სა­კუთ­რე­ბულ მდგო­მა­რე­ო­ბა­ში გა­მო­სა­ყე­ნე­ბე­ლი სა­შუ­ა­ლე­ბა, და­ფუძ­ნე­ბუ­ლია იმა­ვე პრინ­ციპ­ზე, რა­საც ამე­რი­კის მე­ო­რე კომ­პა­ნია - "მო­დერ­ნა" და ამე­რი­კის ეროვ­ნუ­ლი ჯან­დაც­ვის ინ­სტი­ტუ­ტი ერ­თობ­ლი­ვად აკე­თებს. "მო­დერ­ნას" ვაქ­ცი­ნაც, ისე­ვე, რო­გორც "ფა­ი­ზერ"-"ბი­ონ­ტე­კის", და­ფუძ­ნე­ბუ­ლია "მე­სენ­ჯერ რნმ"-ზე (რი­ბო­ნუკ­ლე­ი­ნის მჟა­ვა­ზე) და ცნო­ბი­ლია, რო­გორც mRNA-1273. გა­ინ­ტე­რე­სებთ, ვაქ­ცი­ნამ BNT162b2 გა­მოც­დის სა­მი­ვე ეტა­პი რო­გორ გა­ი­ა­რა? პირ­ველ ეტაპ­ზე იგი 100-მდე ადა­მი­ან­ზე გა­მოს­ცა­დეს, მე­ო­რე ეტაპ­ზე მო­ნა­წი­ლე­ობ­და სხვა­დას­ხვა ასა­კი­სა და ჯგუ­ფის 1000-მდე ადა­მი­ა­ნი, ხოლო მე­სა­მე ეტაპ­ზე თა­ვი­დან 30 ათას ადა­მი­ან­ზე გა­მოს­ცა­დეს, მაგ­რამ კვლე­ვის მეტი სი­ზუს­ტის­თვის რა­ო­დე­ნო­ბა 43 ათა­სამ­დე გა­ზარ­დეს. ამ კვლე­ვით გა­მო­აქ­ვეყ­ნეს 94 ადა­მი­ან­ზე დაკ­ვირ­ვე­ბი­სა და პა­სუ­ხე­ბის გა­ა­ნა­ლი­ზე­ბის შე­დე­გი. ამით და­ას­კვნეს, რომ ვაქ­ცი­ნის ეფექ­ტი­ა­ნო­ბა 90%-ზე მე­ტია. თუმ­ცა სტა­ტის­ტი­კუ­რად მათ ამ შე­დე­გის გან­ვრცო­ბა შე­ეძ­ლოთ და ასეც მო­იქ­ცნენ. ასე­თი საპ­რო­ცენ­ტო მაჩ­ვე­ნე­ბე­ლი, მით უფრო, 6 თვე­ში შექ­მნი­ლი ვაქ­ცი­ნის­თვის, არის ძა­ლი­ან დიდი და, ზო­გა­დად, სხვა­დას­ხვა ტი­პის ვაქ­ცი­ნის გა­მოც­დის მაჩ­ვე­ნებ­ლებს თუ შე­ვა­და­რებთ, აქამ­დე მსგავ­სი შე­დე­გი მსოფ­ლი­ოს არ ახ­სოვს.

რო­დე­საც ამე­რი­კის ეროვ­ნულ­მა ჯან­დაც­ვის ინ­სტი­ტუტ­მა კომ­პა­ნი­ებს კო­რო­ნა­ვირუ­სის ვაქ­ცი­ნა შე­უკ­ვე­თა, მო­თხოვ­ნაც წა­უ­ყე­ნა: შექ­მე­ნით ვაქ­ცი­ნა, რომ­ლის ეფექ­ტი­ა­ნო­ბა 50% იქ­ნე­ბაო. "ფა­ი­ზე­რი­სა" და "ბი­ონ­ტე­კის" ვაქ­ცი­ნის ეფექ­ტი­ა­ნო­ბამ კი 90% უჩ­ვე­ნა. ბი­ო­ლო­გი­ა­ში ეს ძა­ლი­ან მა­ღა­ლი შე­დე­გია. ჩვე­უ­ლებ­რი­ვი გრი­პის ვაქ­ცი­ნის, რი­თაც ამე­რი­კა­ში მა­სობ­რი­ვად ხდე­ბა ვაქ­ცი­ნა­ცია, ეფექ­ტი­ა­ნო­ბა არის 60-70%. ვაქ­ცი­ნა­ცი­ის იდეა კი ის არის, რომ თუ იგი მო­სახ­ლე­ო­ბის 60-70-%-ს და­ი­ცავს, ვირუ­სის გავ­რცე­ლე­ბის სის­წრა­ფე და­იკ­ლებს და ამით ვირუ­სი მარ­თვა­დი გახ­დე­ბა. ამი­ტომ კო­რო­ნა­ვირუ­სის ვაქ­ცი­ნის გა­მოც­დის ეს პრო­ცენ­ტუ­ლი მაჩ­ვე­ნე­ბე­ლი თუ მთელ მო­სახ­ლე­ო­ბა­ზე გავ­რცელ­დე­ბა, აც­რე­ბის შემ­დეგ, ფაქ­ტობ­რი­ვად, ვირუ­სის გავ­რცე­ლე­ბა და ადა­მი­ა­ნე­ბის და­ა­ვა­დე­ბა/გარ­დაც­ვა­ლე­ბა მი­ნი­მუ­მამ­დე შემ­ცირ­დე­ბა. გა­მოჩ­ნდა უკვე კო­ვი­დის სამ­კურ­ნა­ლო პრე­პა­რა­ტე­ბიც, მათ შო­რის, რემ­დე­სი­ვი­რი, რო­მე­ლიც ამე­რი­კის წამ­ლი­სა და საკ­ვე­ბის ად­მი­ნის­ტრა­ცი­ამ უკვე და­ამ­ტკი­ცა და ამ მე­დი­კა­მენ­ტით ამე­რი­კა­ში უკვე მკურ­ნა­ლო­ბენ.

რამ­დე­ნი­მე დღის წინ კი­დევ ერთი ახა­ლი ან­ტი­ვირუ­სუ­ლი პრე­პა­რა­ტი Monoklonal antibody და­ამ­ტკი­ცეს, რო­გორც გან­სა­კუთ­რე­ბულ მდგო­მა­რე­ო­ბა­ში გა­მო­სა­ყე­ნე­ბე­ლი სა­შუ­ა­ლე­ბა 65 წლი­დან ზე­მოთ ასა­კი­სა და სხვა ავად­მყო­ფო­ბით და­ა­ვა­დე­ბუ­ლი ადა­მი­ა­ნე­ბის­თვის. და კი­დევ, ამ თვის ბო­ლოს ამე­რი­კუ­ლი კომ­პა­ნია "მო­დერ­ნა" და ამე­რი­კის ეროვ­ნუ­ლი ჯან­დაც­ვის ინ­სტი­ტუ­ტიც გა­მო­ი­ტა­ნენ თა­ვი­სი ვაქ­ცი­ნის შე­დე­გებს. მათ მე­სა­მე ეტა­პის გა­მოც­და 30 ათას მო­ხა­ლი­სე­ზე უკვე ჩა­ა­ტა­რეს. ალ­ბათ, ადა­მი­ა­ნე­ბის­თვი­საც სა­ინ­ტე­რე­სო იქ­ნე­ბა, ზო­გა­დად, მე­სა­მე ეტა­პის კვლე­ვის პრინ­ცი­პის ცოდ­ნა.

ასევე დაგაინტერესებთ

18:16 / 15-11-2020

"არცერთი არ დაინდო ვირუსმა, არც მარგო ბებო, არც დარეჯანი, არც პატიკო...“ - უმძიმესი ისტორია ოჯახზე, რომლის სამი წევრიც კორონავირუსმა იმსხვერპლა

09:37 / 16-11-2020

გაერთიანებული სამეფოს პრემიერ-მინისტრი, რომელმაც კორონავირუსი ერთხელ უკვე გადაიტანა, იზოლაციაში გადავიდა

პრო­ცე­სი ასე­თია: გარ­კვე­უ­ლი რა­ო­დე­ნო­ბის სხვა­დას­ხვა ჯგუ­ფი­სა და ასა­კის მო­ხა­ლი­სი­დან ნა­ხე­ვარს უკე­თე­ბენ რე­ა­ლურ ვაქ­ცი­ნას, ნა­ხე­ვარს - ფე­იკ­ვაქ­ცი­ნას, მა­რი­ლი­ან წყალს. მაგ­რამ ექი­მებ­მა, ვი­საც ეს პრე­პა­რა­ტე­ბი მის­ცეს, არ იცი­ან, კონ­კრე­ტუ­ლად ვის რას უკე­თე­ბენ, ვაქ­ცი­ნას თუ - წყალს. არც მო­ხა­ლი­სემ იცის, რა სი­თხე შე­უყ­ვა­ნეს ორ­გა­ნიზ­მში. ფლა­კო­ნებს სა­ხელ­წო­დე­ბა არ აწე­რია, მხო­ლოდ და­ნომ­რი­ლია. მარ­ტო ვაქ­ცი­ნის შემ­ქმნელ­მა მკვლე­ვარ­მა იცის, რო­მე­ლი რა არის. შემ­დეგ, კარ­გა ხნის გან­მავ­ლო­ბა­ში აკ­ვირ­დე­ბი­ან მო­ხა­ლი­სე­ებს, რომ­ლე­ბიც მოძ­რა­ო­ბენ, ხან თითო-ორო­ლა და­ინ­ფი­ცი­რე­ბულ­თან მოხ­ვდე­ბი­ან, ხან და­ინ­ფი­ცი­რე­ბის დიდი მაჩ­ვე­ნე­ბე­ლის ჯგუ­ფებ­თან მო­უ­წევთ ურ­თი­ერ­თო­ბა... ხან­გრძლი­ვი დაკ­ვირ­ვე­ბის შემ­დეგ და­ნომ­რი­ლი კო­დე­ბით მოხ­დე­ბა და­ინ­ფი­ცი­რე­ბულ მო­ხა­ლი­სე­თა იდენ­ტი­ფი­ცი­რე­ბა. მეც­ნი­ე­რე­ბი შე­დე­გებს ღრმად გა­ა­ა­ნა­ლი­ზე­ბენ და ამის შემ­დეგ გა­მოჩ­ნდე­ბა, რამ­დე­ნად ეფექ­ტი­ა­ნია კონ­კრე­ტუ­ლი წა­მა­ლი.

ამ­გვა­რი კვლე­ვით დად­გინ­და ვაქ­ცი­ნა BNT162b2-ის ეფექ­ტიც.

- სა­ქარ­თვე­ლო­ში სკეპ­ტი­კუ­რად უყუ­რე­ბენ ვაქ­ცი­ნებს. ბევ­რს ჩვე­უ­ლებ­რი­ვი გრი­პის სა­წი­ნა­აღ­მდე­გო აც­რის გა­კე­თე­ბი­საც ეში­ნია...

- მეც მეს­მის ხოლ­მე ადა­მი­ა­ნე­ბის­გან, არ გა­ვი­კე­თებ ვაქ­ცი­ნა­სო. მა­გა­ლი­თად, ჩემი ოჯა­ხის ხუ­თი­ვე წევ­რი ყო­ველ­წლი­უ­რად, ოქ­ტომ­ბერ-ნო­ემ­ბერ­ში ვი­კე­თებთ ხოლ­მე გრი­პის ვაქ­ცი­ნას. გა­სა­გე­ბია, არის 10, 20, 30-40 პრო­ცენ­ტიც კი, ვის­ზეც აც­რას არ აქვს შე­დე­გი, მაგ­რამ აქ მთა­ვა­რი ის არის, რომ ვაქ­ცი­ნა იწ­ვევს ეპი­დე­მი­ის გავ­რცე­ლე­ბის მკვეთ­რად შემ­ცი­რე­ბას. რო­დე­საც ვირუ­სი მდო­რედ ვრცელ­დე­ბა, ამ დროს ვირუ­სის წი­ნა­აღ­მდეგ არის არა მარ­ტო ვაქ­ცი­ნა, არა­მედ - სამ­კურ­ნა­ლო პრე­პა­რა­ტე­ბიც და ამ შემ­თხვე­ვა­ში, ექი­მე­ბის ჩა­რე­ვით მი­ნი­მუ­მამ­დეა შე­საძ­ლე­ბე­ლი და­ღუ­პულ­თა რი­ცხვის შემ­ცი­რე­ბა და მა­ღა­ლია გან­კურ­ნე­ბის შან­სი. ამას თუ და­ვუ­მა­ტებთ ვირუს­გა­და­ტა­ნილ ადა­მი­ა­ნებს, ვი­საც უკვე გა­აჩ­ნია ან­ტის­ხე­უ­ლე­ბი, ასე­ვე, სხვა ფაქ­ტო­რებ­საც, პლუს - მთე­ლი მსოფ­ლი­ოს მო­სახ­ლე­ო­ბის ერ­თი­ან ძა­ლის­ხმე­ვას, რაც ყვე­ლა დამ­ცა­ვი თუ სამ­კურ­ნა­ლო სა­შუ­ა­ლე­ბის გა­მო­ყე­ნე­ბით შე­ებ­რძო­ლე­ბა პან­დე­მი­ას, ვირუ­სი სა­ბო­ლო­ოდ და­მარ­ცხდე­ბა.

პირ­ვე­ლი ტალ­ღის შემ­დეგ, ნელ-ნელა ადა­მი­ა­ნე­ბი გა­ერ­კვნენ, რო­გორ და­ე­წყოთ ცხოვ­რე­ბა კო­ვიდ­თან ერ­თად. მათ ის­წავ­ლეს პირ­ბა­დე­ე­ბის გა­მო­ყე­ნე­ბა, მიხ­ვდნენ იმა­საც, რომ აუ­ცი­ლე­ბე­ლია, ბავ­შვებ­მა სკო­ლა­ში ია­რონ, ამი­ტომ შე­სა­ბა­მი­სი მი­მარ­თუ­ლე­ბე­ბი შე­ი­მუ­შა­ვეს. მა­გა­ლი­თად, ჩემი ბიჭი მე­ექ­ვსეკ­ლა­სე­ლია და მისი კლა­სი რამ­დე­ნი­მე ჯგუ­ფად არის და­ყო­ფი­ლი, მთე­ლი დღის გან­მავ­ლო­ბა­ში ყვე­ლა ვალ­დე­ბუ­ლია, პირ­ბა­დით იყოს. ასე­ვე, თი­თო­ე­უ­ლი ჯგუ­ფის წევ­რს უფ­ლე­ბა არ აქვს სხვა ჯგუ­ფის წევ­რებ­თან მი­ვი­დეს. იგი­ვე ხდე­ბა ოჰა­ი­ო­ში, ჩემი გო­გო­ნას კო­ლე­ჯშიც - ბოლო 3-4 თვის გან­მავ­ლო­ბა­ში ერთი შემ­თხვე­ვაც არ ჰქო­ნი­ათ, რად­გან ტე­რი­ტო­რი­ას არ ტო­ვე­ბენ. თუ ვინ­მე გა­დის, აუ­ცი­ლებ­ლად უნდა შე­ა­ტყო­ბი­ნოს ად­მი­ნის­ტრა­ცი­ას. უნი­ვერ­სი­ტე­ტებ­მა კი ისე­თი პრო­ტო­კო­ლი შე­ი­მუ­შა­ვეს, რომ მო­მენ­ტა­ლუ­რად ხდე­ბა აღ­მო­ჩე­ნა და მყის­ვე - იზო­ლი­რე­ბა.

სკო­ლის მოს­წავ­ლის მშო­ბე­ლი თუ მი­დის სად­მე, ვალ­დე­ბუ­ლია, მისი შვი­ლის სკო­ლას შე­ა­ტყო­ბი­ნოს და უკან დაბ­რუ­ნე­ბი­სას, ტეს­ტი გა­ი­კე­თოს ან ოჯა­ხის წევ­რებ­თან ერ­თად ორი კვი­რის გან­მავ­ლო­ბა­ში თვი­თი­ზო­ლა­ცი­ა­ში იყოს. ქა­ლა­ქი მო­ი­თხოვს, ყველ­გან პირ­ბა­დით იარო და, ფა­ტობ­რი­ვად, ამ პირ­ბა­დე­ებ­მა და დის­ტან­ცი­ურ­მა ურ­თი­ერ­თო­ბებ­მა ჩვენს შტატ­ში მი­ნი­მუ­მამ­დე და­იყ­ვა­ნა და­ა­ვა­დე­ბის და გარ­დაც­ვა­ლე­ბის შემ­თხვე­ვე­ბი.

მა­გა­ლი­თად, ახლა აქ, ამე­რი­კა­ში მო­დის უდი­დე­სი სა­ო­ჯა­ხო დღე­სას­წა­უ­ლი - მად­ლი­ე­რე­ბის დღე, რო­დე­საც ოჯა­ხე­ბი ერ­თმა­ნეთს სტუმ­რო­ბენ. სკო­ლი­დან, უნი­ვერ­სი­ტე­ტი­დან, ქა­ლა­ქი­დან მოგ­ვდის შე­ტყო­ბი­ნე­ბე­ბი, მოგვ­თხო­ვეს, გაგ­ვა­გე­ბი­ნეთ, აპი­რებთ თუ არა ქა­ლა­ქი­დან, შტა­ტი­დან ან ქვეყ­ნი­დან სად­მე წას­ვლას, რომ ვი­ცო­დეთ, ვინ იქ­ნე­ბა გა­სუ­ლი და რას ვე­ლო­დო­თო. იმა­საც გვე­უბ­ნე­ბი­ან, შე­ე­ცა­დეთ, არ­სად გა­და­ად­გილ­დე­თო, რად­გან ყვე­ლა­ზე მეტი გავ­რცე­ლე­ბის რის­კი სწო­რედ მად­ლი­ე­რე­ბის დღის გამო შე­იძ­ლე­ბა შე­იქ­მნას.

ყვე­ლა ვფიქ­რობთ, რომ ჯო­ბია, ისევ კომ­პი­უ­ტე­რით მი­ვუ­ლო­ცოთ ერ­თმა­ნეთს და მო­ვე­სიყ­ვა­რუ­ლოთ, ვიდ­რე ვნა­ხოთ ერ­თმა­ნე­თი და ვირუ­სის გავ­რცე­ლე­ბის სა­შიშ­რო­ე­ბა შევ­ქმნათ. მი­მაჩ­ნია, რომ ქარ­თველ­მა ექი­მებ­მა აქამ­დე გმი­რუ­ლად მო­იყ­ვა­ნეს თა­ვი­სი მო­ქა­ლა­ქე­ე­ბი, მაგ­რამ რა­ღაც ეტაპ­ზე, ალ­ბათ, მათ უნდა შე­ექ­მნათ სპე­ცი­ა­ლუ­რი სამ­სა­ხუ­რი, რომ­ლის წარ­მო­მად­გენ­ლე­ბიც ადა­მი­ა­ნებს გა­ე­სა­უბ­რე­ბოდ­ნენ ხოლ­მე. ვხე­დავ, რომ დღეს მათ რაც უნდა თქვან, ამას ხალ­ხი რა­ღაც­ნა­ი­რად პო­ლი­ტი­კას უკავ­ში­რებს და ეს ცუ­დია, ამი­ტომ თუნ­დაც ყვე­ლა კო­ვიდ­სა­ა­ვად­მყო­ფო­ში უნდა არ­სე­ბობ­დეს პრეს­სამ­სა­ხუ­რი, რომ­ლის წარ­მო­მად­გე­ნე­ლი ადა­მი­ა­ნებს ყვე­ლა­ფერ­ზე და­ე­ლა­პა­რა­კე­ბა. ვთქვათ, კვი­რა­ში 5-ჯერ ისა­უბ­როს პრეს­სამ­სა­ხუ­რის წარ­მო­მად­გე­ნელ­მა და კვი­რა­ში 1-2-ჯერ გა­მო­ვი­დეს ექი­მი, რო­მე­ლიც ამ სპი­კე­რის ნათ­ქვამს გა­ამ­ყა­რებს. თუ სპი­კე­რი ხალ­ხს ცრუ ინ­ფორ­მა­ცი­ას არ მი­აწ­ვდის, ადა­მი­ა­ნე­ბი მას მი­ენ­დო­ბი­ან.

- მოდი, კვლავ ვაქ­ცი­ნას და­ვუბ­რუნ­დეთ. შე­გიძ­ლი­ათ, თუნ­დაც ვა­რა­უ­დით, გვი­თხრათ, რო­დის შე­მო­ვა ვაქ­ცი­ნა BNT162b2 სა­ქარ­თვე­ლო­ში?

- უნდა გა­ით­ვა­ლის­წი­ნოთ, რომ უკვე რამ­დე­ნი­მე მი­ლი­ო­ნი შეკ­ვე­თაა, ამე­რი­კა­ში ჯერ 100 მი­ლი­ო­ნი უნდა შე­მო­ი­ტა­ნონ, შემ­დეგ, რო­გორც ვიცი - 500 მი­ლი­ო­ნი, გა­ზა­ფხუ­ლამ­დე. ევ­რო­პამ შე­უკ­ვე­თა 300 მი­ლი­ო­ნი, ია­პო­ნი­ამ და­ი­წყო 120 მი­ლი­ო­ნის შეკ­ვე­თა, მაგ­რამ არ­სე­ბობს აპა­რა­ტის გა­და­ტა­ნის ტექ­ნი­კუ­რი პრობ­ლე­მა. ვაქ­ცი­ნის ამ­პუ­ლე­ბი შე­ნა­ხუ­ლი უნდა იყოს მი­ნუს 80 გრა­დუს ცელ­სი­უ­სის ტემ­პე­რა­ტუ­რა­ზე. რო­გორც ვიცი, ასე­თი ინფრას­ტრუქ­ტუ­რა სა­ქარ­თვე­ლო­ში არ არ­სე­ბობს. ამი­ტომ სა­ქარ­თვე­ლო­ში ამ ინფრას­ტრუქ­ტუ­რის შექ­მნა­ზე ვი­ღა­ცამ უნდა იფიქ­როს. რო­დე­საც ჩვენს მარ­ტის ინ­ტერ­ვი­უ­ში ვთქვი, ვაქ­ცი­ნა ამ წლის ბო­ლოს იქ­ნე­ბა-მეთ­ქი, ალ­ბათ, ბევ­რს ეს შე­უძ­ლებ­ლად მო­ეჩ­ვე­ნა, მაგ­რამ ფაქ­ტია, დღეს უკვე ვაქ­ცი­ნა­ზე ვლა­პა­რა­კობთ. ახ­ლაც დარ­წმუ­ნე­ბუ­ლი ვარ, რომ, ალ­ბათ, ზა­ფხუ­ლის­თვის მო­სახ­ლე­ო­ბის ძა­ლი­ან დიდი ნა­წი­ლი მი­ი­ღებს ამ ვაქ­ცი­ნას და ყვე­ლა­ნი ჩვე­უ­ლებ­რივ ცხოვ­რე­ბას და­ვუბ­რუნ­დე­ბით. ვფიქ­რობ, სა­ქარ­თვე­ლოს ხე­ლი­სუფ­ლე­ბა სა­თა­ნა­დოდ იმოქ­მე­დებს. იცით, რომ სა­ქარ­თვე­ლო­ში აშშ-ის სა­ხელ­მწი­ფო მდი­ვა­ნი მაიკ პომ­პეო ჩა­მო­დის და, ალ­ბათ, მას­თან შეხ­ვედ­რის დრო­საც და­ა­ყე­ნე­ბენ სა­კითხს, რომ სა­ქარ­თვე­ლოს დახ­მა­რე­ბა სჭირ­დე­ბა. იმე­დია, მო­მა­ვა­ლი წლის და­სა­წყის­ში რამ­დე­ნი­მე ათა­სი - 100 ათა­სი ამ­პუ­ლა მა­ინც შე­მო­ვა სა­ქარ­თვე­ლო­ში.

ავ­ტო­რი: ირმა ხარ­ში­ლა­ძე