"გრიგოლ ვაშაძე შეუძლოდ არის და სახლშია... მთელი ეს დღეები აქციებზე იყო" - გიორგი ბარამიძე

"მე როგორც ვიცი, გრიგოლ ვაშაძე შეუძლოდ არის და სახლშია" - ასე უპასუხა "ნაციონალური მოძრაობის" წევრმა გიორგი ბარამიძემ "რუსთავი 2"-ის ეთერში, ჟურნალისტების კითხვას, რატომ არ ჩანს "ნაციონალური მოძრაობის" თავმჯდომარე.

მისი ინფორმაციით, ვაშაძესთან პარტიის წევრებს კომუნიკაცია გუშინ ჰქონდათ.

"სამწუხაროა, რომ გრიგოლ ვაშაძის ამ განცხადებამ დიდი ვნებათაღელვა გამოიწვია პირველყოვლისა ჩვენს მხარდამჭერებში, რომლებმაც ზუსტად იციან ჩვენი პოზიცია. ის, რომ პარლამენტში შესვლას "ნაციონალური მოძრაობა" არ აპირებს. თუ მოლაპარაკებებზეა საუბარი, ამ შემთხვევაში საუბარი უნდა იყოს ხელახალ არჩევნებზე. სხვა რამის განხილვა წარმოუდგენელია. სამწუხაროა, რომ ბატონმა გრიგოლმა ისეთი ტიპის განცხადება გააკეთა, რომელიც საელჩოების წარმომადგენლებისთვის გასაგები იყოს, მაგრამ ფართო მასებისთვის განსამარტი გახდა.

მე ვფიქრობ ყველაფერი მოგვარდა მას შემდეგ, რაც მან განმარტება გააკეთა. მე როგორც ვიცი, ის შეუძლოდ არის და სახლშია. მთელი ეს დღეები აქციებზე იყო. დეტალებს აღარ მივყვები. ბოლოს კომუნიკაცია გუშინ გვქონდა" - აღნიშნა ბარამიძემ.

შეგახსენებთ, რომ სააგენტო "ნიუპოსტმა" "ნაციონალური მოძრაობის" თავმჯდომარის გრიგოლ ვაშაძის სახელით მიმართა გაავრცელა, რომლის მიხედვით, ვაშაძე მოლაპარაკების მაგიდასთან დასხდომასა და ქუჩის საკონონმდებლო ორგანოს ტრიბუნით ჩანაცვლებაზე საუბრობს. ამასთან, პარტიის პრესსამსახურში აცხადებენ, რომ მათ აღნიშნული განცხადების შესახებ არ იციან და მის ავთენტურობას ვერც დაადასტურებენ და ვერც უარყოფენ.