მნიშვნელოვანი ინფორმაცია
23
აპრილიდღის ზოგადი ასტროლოგიური პროგნოზი
ოთხშაბათი, მთვარის ოცდამეხუთე დღე დაიწყება 04:59-ზე, მთვარე 09:03-ზე გადავა თევზების ზოდიაქოში
ახალ საქმეებს ნუ წამოიწყებთ, მაგრამ დაწყებულები დაასრულეთ. კარგი დღეა ვაჭრობისთვის, სასამართლო საქმეებისთვის. არასასიამოვნო დღეა კონტაქტებისთვის, აკონტროლეთ თქვენი ემოციები. არ იკამათოთ და მოერიდეთ უსიამოვნო საუბრებს. კარგი დღეა მოგზაურობის დასაწყებად, მგზავრობისათვის. სხვა დღისთვის გადადეთ ქორწინება და ნიშნობა. მოერიდეთ ალკოჰოლსა და სიგარეტს. ამ დღის რთული ორგანოა ყურები, მოერიდეთ მათ გახვრეტას, ოპერაციას, გაწმენდას. არ გირჩევთ ოპერაციის ჩატარებას ღვიძლზე, ფეხებზე.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ამბობდა, რომ თუ თავის დახსნას ვეცდებოდი, მოვკვდებოდი" - ახალგაზრდა ქალი ტრაილერის მძღოლს გაუპატიურების მომზადებაში ადანაშაულებს
19:58 / 28-10-2020
ახალგაზრდა ქალი, ტრაილერის მძღოლს გაუპატიურების მომზადებაში ადანაშაულებს. საქმე ეხება 9 ოქტომბერს ხაშურის საავტომობილო გზაზე მომხდარ ფაქტს. რესპოდენტი AMBEBI.GE-ს ანონიმურად უყვება მომხდარის შესახებ და ამბობს, რომ ტრაილერის 28 წლის მძღოლმა მას სქესობრივი კავშირის დამყარება სთხოვა და როდესაც უარი მიიღო, მოკვლით დაემუქრა.
"შუადღის 12 საათი იქნებოდა. ზესტაფონში ავტოსტოპით მივდიოდი, გავაჩერე ტრაილერის მძღოლი, რომელიც მიდოდა რუსთავში. შეთანხმებისამებრ თბილისში უნდა ჩავეყვანე. ხაშურამდე ყველაფერი ნორმალურად მიდიოდა, გავიცანთ ერთმანეთი, "ფეისბუქზეც" დავმეგობრდით. ხაშურში ვთხოვე, წყლის დასალევად გაეჩერებინა. თავად ჩავიდა და წყლის მაგივრად მოიტანა ორი ქილა ლუდი. ერთი თვითონ დალია და მეორე მე შემომთავაზა. ძალიან მწყუროდა, ამიტომ წყლის სურვილის მოსაკლავად რაც საჭირო იქნებოდა, იმდენი დავლიე.
შემდეგ გზა განვაგრძეთ. ავტობანზე, შესასვლეთან, გააჩერა და ამოიღო მარიხუანა. მეც შემომთავაზა. თავიდან უარი ვუთხარი, რადგან ჩემზე რთულად მოქმედებს მოსაწევი. იგი მარწმუნებდა, რომ არაფერი არ იყო შერეული და თუ არ მომეწონებოდა, აღარ გამეგრძელბინა მოწევა. საბოლოოდ, მეც მოვწიე, მაგრამ ძალიან ცოტა რაოდენობთ, გავსინჯე ფაქტობრივად. გზა რომ განვაგრძეთ, მოწევიდან 10 წუთში, დამიწყო საუბარი სექსზე და შემომთავაზა სექსით დავკავებულიყავით. ამას პირდაპირ ასე სიტყვა-სიტყვით არ მეუბნებოდა, მიმანიშნებდა.
უარი ვუთხარი. მითხრა, რომ თუ არ მინდოდა, ძალას არ დამატანდა, მაგრამ მაინც აგრძელებდა შემოთავაზებას. ვთხოვე ავტომობილის გაჩერება, რამაც მასში აგრესია გამოიწვია. ფიზიკურად არ შემხებია, მაგრამ ფსიქოლოგიურად ძალადობდა. მეუბნებოდა, რომ მანქანის კარი ისე იყო ჩაკეტილი, რომ მას მძღოლის გარდა ვერავინ გააღებდა.
მიხსნიდა, რომ თუ ვიყვირებდი ხმას მაინც ვერავინ გაიგებდა და თუ თავის დახსნას ვეცდებოდი, მაშინ მოვკვდებოდი. ძალიან ავნერვიულდი, შემეშინდა და შევეცადე "ფეისბუქის" მეშვეობით მეგობართან გავსულიყავი კონტაქტზე. მოვახერხე მიწერა და ახსნა, რომ დახმარება მჭირდებოდა. ის დაუკავშირდა 112-ს, რის შემდეგაც ოპერატორმა დამირეკა და ისე მესაუბრებოდა, თითქოს მეგობარს ვესაუბრებოდი, რათა ეჭვი არ შეეტანა მძღოლს, რომელიც ჩემს გვერდით იჯდა. კონკრეტულ შეკითხვებს მისვამდა ლოკაციის დასადგენად და მე მხოლოდ "კის" და "არას" ვპასუხობდი. შემდეგ როდესაც მიხვდა რომ პოლიცია მოგვიახლოვდა, ისევ დამირეკეს და მთხოვეს მძღოლისთვის გადამეცა მობილური. პოლიციელმა მას მოუწოდა, რომ გაეჩერებინა ავტომობილი და ჩამოვესვი. ასეც მოიქცა. დაახლოებით 3-4 წუთში მოვიდა პოლიცია და ავუხსენი ყველაფერი" - ჰყვება რესპოდენტი.
როგორც თავად ამბობს, მიუხედავად იმისა, რომ სამართალდამცავებს გადასცა მძღოლის იდენტიფიცირებისთვის საჭირო ინფორმაცია, მძღოლს არავინ დადევნებია.
"გამიკვირდა ისიც, რომ არ დაედევნენ მაშინვე. მე ხომ მათ მივეცი სრულყოფილი ინფორმაცია ამ ბიჭზე, მანქანის სერიიდან დაწყებული, მძღოლის დაბადების თარიღით დამთავრებული.
ასევე, მივაწოდე ინფორმაცია, რომ მძღოლი არაფხიზელ მდგომარეობაში მართავდა ავტომობილს. მიუხედავად ამისა, მთელი სამი დღის განმავლობაში ეს ადამიანი თავისუფლად გადაადგილდებოდა. მხოლოდ 12 ოქტომბერს დამიბარეს ამოცნობაზე. ახლაც თავისუფლად გადაადგილდება და მე მეშინია, სადმე არ დამხვდეს. რომ ვუჩივლე, ამის გამო, შური არ იძიოს" - ამბობს გოგონა, რომლის ინტერესებსაც არასამთავრობო ორგანიზაცია "საფარი" იცავს.
"საფარში" ამბობენ, რომ პროკურატურამ გამოძიება მხოლოდ თავისუფლების უკანონო აღკვეთის მუხლით დაიწყო, მიუხედავად იმისა, რომ სსკ-ში არსებობს მუხლი გაუპატიურების მომზადების შესახებ.
ორგანიზაციის ადვოკატი თამარ ლუკავა AMBEBI.GE-სთან საუბარში აცხადებს, რომ ქალი დაზარალებულად ცნეს, თუმცა მხოლოდ თავისუფლების უკანონო აღკვეთის ნაწილში. ხოლო გაუპატიურების მომზადების მიმართულებით, როგორც ადვოკატი ამბობს, უწყებას არანაირი საგამოძიებო მოქმედებები არ ჩაუტარებია.
"დღეს გავეცანით საქმის მასალებს და საგამოძიებო მოქმედებები არ ტარდება გაუპატიურების მომზადების კუთხით. ზოგადად, პროკურატურა ძალიან ცდილობს ასეთი ტიპის დანაშაულზე გამოძიების დაწყებას თავი აარიდოს, რითაც ხელს უწყობს მავნე პრაქტიკის დამკვიდრებას. საერთოდ, რთულია სქესობრივი დანაშაულის ტიპის საქმეებში მტკიცებულების მოპოვება, პროკურატურა ასეთ საქმეებზეც ხელმძღვანელობს იმ საერთო დასაბუთების სტანდარტით, რაც ზოგადად სისხლის სამართლის დანაშაულებზე მოქმედებს.
ვგულისხმობ ორი პირდაპირი მტკიცებულების არსებობის აუცილებლობას. ასეთ სპეციფიურ საქმეში, როდესაც სახეზე არ არის დასრულებეული დანაშაული და საუბარია გაუპატიურების მომზადებაზე, ძალიან იშვიათია საქმეში არსებობდეს ასეთი პირდაპირი მტკიცებულებები - შემსწრე, ან აუდიო-ვიდეო ჩანაწერები და ა.შ. ამ დროს მნიშვნელოვანია დაზარალებულის მიერ მიცემული ჩვენება და იმის გათვალისწინება, თუ ადასტურებს ამ ჩვენებას სხვა პირი. ამ კონკრეტულ საქმეში, არსებობს დაზარალებული გოგონას მეგობრის ჩვენება, რომელსაც დაუკავშირდა დაზარალებული და დახმარება სთხოვა. რაც შეეხება სამართალდამცავთა დამოკიდებულებას სქესობრივი დანაშაულების გამოძიების მიმართ, სისტემაში ჯერ კიდევ არსებობს ამ მხრივ ცნობიერების პრობლემა. მიუხედავად იმისა, რომ მათ ტრენინგები ხშირად უტარდებათ.
ეს ყველას არ ეხება, მაგრამ ჯერ კიდევ არიან სისტემაში ისეთი პოლიციელები, რომლებიც თითს იშვერენ მსხვერპლისკენ, ადანაშაულებენ მას და დასცინიან კიდეც. რატომ არ დაედევნა საპატრულო პოლიციის ეკიპაჟი მძღოლს?! მით უფრო, რომ ეს მძღოლი იყო ნარკოტიკული და ალკოჰოლური თრობის ქვეშ. მათ ხომ ჰქონდათ ყველა საჭირო ინფორმაცია იმისათვის, რომ ეს ტრაილერის მძღოლი დაეკავებინათ?! ფაქტია, რომ ამ საქმეში სამართალდამცავებმა გამოიჩინეს გულგრილი დამოკიდებულება და ეს არა რის პირველი შემთხვევა" - აცხადებს ადვოკატი.
მკითხველის კომენტარები /
14 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ემუქრება თუ არა საფრთხე ევროკავშირთან უვიზო მიმოსვლის შეჩერებას ?
კვირის კითხვადი სტატიები
მნიშვნელოვანი ინფორმაცია
მკითხველის რჩევით
დამტკიცება გაუჭირდება, რადგან არც ფიზიკურად შეხებია და ნარკოტიკზე და ლუდზეც უარი არ უთქვამს,რადგან ასე იყო მძღოლმა იფიქრა ალბათ, რომ სექსზეც თანახმა იქნებოდა და ძალადობა რო სდომნოდა ძალას იხმარდა კიდეც, ფეისბუქზეც დამეგობრებია, ასე, რომ ძ ნელია დამტკიცება.
მშვენიერი სცენარია ფილმისთვის.