"აღნიშნული პირი იყო კოვიდგამოჯანმრთელებული" - რა გახდა რუსთავში 21 წლის ახალგაზრდის გარდაცვალების მიზეზი
სამედიცინო უზრუნველყოფისა და გამოძახებათა მართვის დეპარტამენტის უფროსის, ამირან გოგიტიძის განცხადებით, ქალაქ რუსთავში 21 წლის მამაკაცის გარდაცვალების სავარაუდო მიზეზი გულის უეცარი გაჩერება გახდა.
მისივე თქმით, მამაკაცი კორონავირუსისგან გამოჯანმრთელებული იყო.
"აღნიშნული პირი იყო კოვიდგამოჯანმრთელებული, 3 ოქტომბერს იგი მოთავსდა საკარანტინე სივრცეში კოვიდინფიცირებულთან კონტაქტის გამო, საკარანტინე პერიოდის გასვლის შემდეგ მოხდა მისი "პისიარ“ ტესტირება და დაუდგინდა კოვიდინფექცია.
შემდგომში კოვიდსასტუმროში მასზე ექიმი მეთვალყურეობდა, პროტოკოლით განსაზღვრული ვადის შემდეგ 25 ოქტომბერს გაწერეს. აღნიშნული პირი გამოჯანმრთელებული იყო და მას არ დაკრძალავენ პროტოკოლის მიხედვით.
დღეს იგი გარდაცვლილი ნახეს საცხოვრებელი სახლის ეზოში ასრულებდა სამუშაოებს, გარდაცვალების სავარაუდო მიზეზი ამ ეტაპზე მიიჩნევა გულის უეცარი გაჩერება. თუმცა აღნიშნულთან დაკავშირებით მიმდინარეობს მოკვლევა", - განაცხადა გოგიტიძემ.
შეგახსენებთ, რუსთავში 21 წლის ახალგაზრდა გარდაიცვალა, რომელმაც კოვიდსასტუმრო გუშინ დატოვა. ის ანსამბლ "თუთარჩელას" წევრი იყო.
"მშობლებისთვის უთქვამს, ფილტვები მტკივა და თბილისში უნდა წავიდეო" - რას ამბობენ ბადრი ესებუას ნათესავები
„საპარტნიორო ფონდის“ მოგებამ აუდიტორული დასკვნის მიხედვით, 70.9 მილიონილარი შეადგინა
