მნიშვნელოვანი ინფორმაცია
13
აპრილიდღის ზოგადი ასტროლოგიური პროგნოზი
კვირა, მთვარის მეთექვსმეტე დღე დაიწყება 21:28-ზე, მთვარე 17:54-ზე გადაბრძანდება მორიელში
მშვიდობიანი საქმეები წარმატებით დასრულდება. კაპიტალდაბანდებებს მოერიდეთ. კარგი დღეა იურიდიული საკითხების მოსაგვარებლად, სასამართლო პროცესების დასაწყებად; შემოქმედებითი საქმიანობისთვის. გარშემო მყოფებთან ურთიერთობისას გამოიჩინეთ ტაქტი. უფროსს მნიშვნელოვან საკითხებზე საუბრისთვის ნუ შეხვდებით; წვრილ-წვრილი საკითხები მოაგვარეთ. კარგი დღეა დასვენების, მოგზაურობის, ფიზიკური დატვირთვისა და საოჯახო საქმეების შესრულებისთვის. მოერიდეთ ალკოჰოლის მიღებას, მოწევას; ცხარე და ცხიმიან საკვებს; ცხოველური საკვების მიღებას. ნებადართულია თევზი და სოკო. მოიმატებს სტრესული და სარისკო ქმედებების რაოდენობა.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ლოკდაუნს“ თუ არ გამოვიყენებთ, ისე ახალი შემთხვევების ზრდის მართვა ძნელია" - თენგიზ ცერცვაძე
18:46 / 26-10-2020
ინფექციური პათოლოგიის, შიდსისა და კლინიკური იმუნოლოგიის სამეცნიერო პრაქტიკული ცენტრის დირექტორის, თენგიზ ცერცვაძის განცხადებით, კორონავირუსით ინფიცირებული პაციენტების მომსახურებაში შეფერხებები არის.
როგორც მან "პალიტრანიუსის“ გადაცემა "დღის ნიუსრუმში" განაცხადა, ეს გამოიხატება იმაში, რომ მოქალაქეებს ტესტების პასუხები ზოგჯერ დაგვიანებით მიეწოდება, ასევე არის შემთხვევები, როდესაც გვიანდება მათი კონტაქტი ექიმთან, ან სასწრაფო დახმარების სამსახურთან.
თუმცა, როგორც თენგიზ ცერცვაძე განმარტავს, სხვა ქვეყნებთან შედარებით, საქართველოში ასეთ შემთხვევებს სისტემური ხასიათი არ აქვს.
"არის თუ არა შეფერხებები ჩვენთან პაციენტების მომსახურებაში? შეფერხებები უეჭველად არის. ეს ეხება იმას, რომ ზოგჯერ დაგვიანებით მიეწოდება ტესტების პასუხები მოქალაქეებს, ზოგჯერ გვიანდება მათი კონტაქტი ექიმთა, ან თუნდაც სასწრაფო დახმარების სამსახურთან, მათ შორის ზოგჯერ ტელეფონით. ზოგჯერ, მათ უწევთ ლოდინი ჰოსპიტალიზაციაზე, მაგრამ მოდით, შევადაროთ სხვა ქვეყნებს. ჩვენთან ამას არ აქვს სისტემური ხასიათი და არ არის ძალიან დრამატული.
დრამატული იყო ჩვენთან სულ 2-3 კვირის მანძილზე, აჭარაში, როცა სექტემბრის შუა რიცხვებში ხარვეზი და ჩავარდნა იყო. ახლა პასუხების დაგვიანება არ აღემატება ერთ-ორ დღეს. ექიმთან კონტაქტის დაგვიანება არ აღემატება რამდენიმე საათს, ჰოსპიტალიზაცია ხდება იმავე, ან მაქსიმუმ მეორე დღეს. თუ შევადარებთ სხვა ქვეყნებს, საფრანგეთს, იტალიას, გერმანიას, დიდ ბრიტანეთს, რა ხდებოდა იქ, პასუხები იგვიანებდა არა ერთი დღით, არამედ რამდენიმე დღით, ზოგჯერ რამდენიმე კვირითაც“, - განაცხადა ცერცვაძემ.
მისი თქმით, შექმნილი ეპიდემიოლოგიური ვითარებიდან გამოსასვლელად ორი გზა არსებობს, ან მკაცრი შეზღუდვების დაწესება, ან ახალი შემთხვევების ზრდის მართვა.
"და ბოლოს, რა გზით ვიაროთ? ორი გზა გვაქვს, რომ წავიდეთ. ერთი - დავუბრუნდეთ ჩაკეტვებს, კარანტინს და იმ ღონისძიებებს, რომელიც ერთხელ უკვე გამოვცადეთ გაზაფხულზე და რომელსაც ქვეყნების უმრავლესობა განიხილავს. მათ ნაწილობრივი "ლოკდაუნები“ უკვე შემოიღეს. ჩვენი მთავრობა ჯერჯერობთ ამაზე უარს ამბობს და მეორე, უარი ვთქვათ "ლოკდაუნზე“, ამით შეგნებულად წავიდეთ გაზრდილ რაოდენობაზე, რადგან "ლოკდაუნს“ თუ არ გამოვიყენებთ, ისე ახალი შემთხვევების ზრდის მართვა ძნელია.
მართალია, ინტენსიური ღონისძიებები და წერტილოვანი პრევენციული ღონისძიებები ტარდება, მაგრამ მაინც ძნელია "ლოკდაუნის“ გარეშე ინფიცირების ამ დიდი რაოდენობის მოკლე დროში შემცირება. მთელი დარტყმა თავის თავზე უნდა აიღოს სახელმწიფომ, კლინიკურმა სექტორმა. ეს გაზრდილი რაოდენობა ისე უნდა ვმართოთ, მოსახლეობას არ შეექმნას დისკომფორტი, თუნდაც იმ დოზით, რომელიც თუნდაც დღეს ექმნება დაგვიანებების სახით, რომ სიკვდილიანობა ძალიან დაბალი იყოს“, - განაცხადა ცერცვაძემ.
მკითხველის კომენტარები /
11 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ქარიშხალი ამერიკის შეერთებულ შტატებში - უცხოური მედიების ცნობით, სტიქიურ მოვლენას, სულ მცირე, 24 ადამიანის სიცოცხლე ემსხვერპლა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
მთავრობას არ უნდა შეზღუდვებიო, იმიტო რო ამომრჩევლის ეშინია, და დანარჩენ ხალხს საქმეს უფუჭებენ ამითი რადგან გაუარესდება ვითარება ესე!
ქონდათ დრო მოსამზადებლად და ვერ გამოიყენეს.
რომ გვაშინებენ,ნოემბერში 4000- მდე პაციენტი გვეყოლება დღეშიო,აბა როგორ გაუმკლავდებიან?
დღეს სასწრაფოს ვერ ვიძახებთ,ოჯახის ექიმი ტელეფონით სვამს დიაგნოზს,ხშირ შემთხვევაში არასწორს,საავადმოფოებში და კლინიკებში კოვიდის აკიდების საშიშროებაა.
რა ვქნათ?ვისი იმედი გვქონდეს?