დეპუტატი ნინო წილოსანი, რომელსაც კორონავირუსი დაუდგინდა, მკურნალობას სახლში აგრძელებს
პარლამენტის უმრავლესობის წევრი, ნინო წილოსანი, რომელსაც კორონავირუსი დაუდგინდა, მკურნალობას სახლში აგრძელებს.
როგორც წილოსანმა „ინტერპრესნიუსს“ განუცხადა, ამ დროისთვის მსუბუქი სიმპტომები აღენიშნება.
„თავს ნორმალურად ვგრძნობ, მსუბუქი სიმპტომები მაქვს, მკურნალობას სახლში გავდივარ. ჩემი შვილი საერთოდ უსიმპტომოა. სამწუხაროდ, როგორც მოგვიანებით გავიგე, რამდენიმე კოვიდინფიცირებულთან მქონია ეს დღეები კონტაქტი, შესაბამისად, ზუსტად ვერ გეტყვით, ვინ არის ინფიცირების წყარო. მიუხედავად იმისა, რომ შეხვედრებზე მუდმივად პირბადით და დისტანციით ვიყავი, ერთეულ შემთხვევაში მიწევდა ურთიერთობა საკმაოდ ახლო დისტანციით და ასევე, ხშირად მოქალაქეებს უკეთიათ ნაჭრის პირბადეები, რომელიც საუკეთესო დაცვის საშუალება არ არის“, - განაცხადა წილოსანმა.
ცნობისთვის, 19 ოქტომბერს პარლამენტის უმრავლესობის წევრს, ნინო წილოსანს კორონავირუსი დაუდგინდა.
თბილისის რესპუბლიკური საავადმყოფო დღეიდან მხოლოდ კორონავირუსით ინფიცირებულ პაციენტებს მიიღებს
გაქრა თუ არა თერმომეტრი აფთიაქებიდან და რას აცხადებენ სააფთიაქო ქელებში? - "მსოფლიოში არსებული პანიკიდან გამომდინარე, თერმომეტრს ყველა იძენს"
