!["როცა ადამიანს შეუძლია, პატიმარ ქალს [მზია ამაღლობელს] ცილისწამებით შეეხოს, არაკაცობაა" - ანდრო ჭიჭინაძე ირაკლი კობახიძეზე](https://cdn.ambebi.ge/media/__thumbs__/images/2025/04-24/chichinadze10-51179.webp)
25
აპრილიდღის ზოგადი ასტროლოგიური პროგნოზი
ყველა მძღოლი ცდილობს, ავტომობილის ძრავზე იზრუნოს, რათა მისი ექსპლუატაციის ვადა გაახანგრძლივოს დამისი შეკეთება არ მოუწიოს.
ავტომობილის ძრავი მაღალ წნევასა და ტემპერატურაზე მუშაობს, რის გამოც, ზეთის ვარგისიანობა მცირდება და გარკვეული პერიოდის შემდეგ, მისი შეცვლა გვიწევს. ზეთის ვარგისიანობის გასვლის შემდეგ, ძრავის კომპონენტებს შორის იზრდება ცვეთა, რაც ხელს უშლის ძრავის ეფექტურად მუშაობასდა აზიანებს მას.
თანამედროვე მწარმოებლები განსაკუთრებულ ყურადღებას აქცევენ ავტომობილის ეკოლოგიურობას, როცა ხვეწენ ძრავის დინამიკურობას, სისწრაფეს, ეფექტურობასა და გამძლეობას. შედეგად, გარემო მინიმალურად ბინძურდება. ყველა ჩამოთვლილი კომპონენტი რომ შევინარჩუნოთ, აუცილებელია, ძრავში ხარისხიანი ზეთი ჩავასხათ და რაც მთავარია, დროულად შევცვალოთ ის.
როგორც ხარისხიანობისა და სისწრაფის, ისე ეკოლოგიურობის მისაღწევად, ერთ-ერთი ყველაზე პოპულარული მიდგომაა ძრავის მოცულობის შემცირება და ტურბინების ინტეგრირება (turbocharging). ძრავის ცილინდრების მოცულობის შემცირებით, ძრავი ხდება უფრო ეფექტური და მსუბუქი. შესაბამისად, ამგვარ ძრავზე მომუშავე ავტომობილი მოქნილი და კომპაქტურია.
გამონაბოლქვის შემცირებაზე ორიენტირებულმა თანამედროვე ძრავებმა მძღოლებს ახალი პრობლემა შეუქმნა - ზეთის შეთხელების პროცესის დაჩქარება. შედეგად ძრავის კომპონენტები ცვდება და ნალექი (ჭუჭყი) გროვდება. ასეთ დროს ავტომობილის ძრავი ნაადრევად გამოდის მწყობრიდან. სწორედ ამიტომ არის ასეთი მნიშვნელოვანი ხარისხიანი საავტომობილო ზეთის გამოყენება.
უხარისხო ზეთის გამოყენებას ავტომობილი ადვილად გამოყავს მწყობრიდან. გთავაზობთ 6 ყველაზე გავრცელებულ პრობლემას, რასაც უხარისხო ძრავის ზეთი იწვევს:
ნადების სწრაფად წარმოქმნა
ძრავის სისუფთავე უმნიშვნელოვანესია მისი ეფექტურად ფუნქციონირებისთვის. უხარისხო ზეთი მალე წარმოქმნის ნადებს და იწვევს ცვეთასა და კოროზიას. აუცილებელია შევინარჩუნოთ ძრავის სისუფთავე და არჩევანი ხარისხიან ზეთზე შევაჩეროთ. ასე ავტოსერვისის ხარჯებსაც დავზოგავთ და ავტომობილიც უკეთ იმუშავებს.
მეტი საწვავის მოხმარება
ძრავში შემავალ მოძრავ კომპონენტებს შორის ხახუნის შემცირება ნიშნავს ენერგიის ნაკლებ გაფლანგვასა და საწვავის ეკონომიას - ამის საწინდარი კი ავტომობილის ხარისხიანი ზეთის გამოყენებაა. ნაკლები საწვავის მოხმარება კი ფინანსური ხარჯების შემცირებასა და ნაკლებ გამონაბოლქვს ნიშნავს.
ძრავში შემავალ მოძრავ კომპონენტებს შორის ხახუნის ზრდას ნალექის დაგროვება იწვევს. როგორც აღვნიშნეთ, ნადები თავის მხრივ, განპირობებულია უხარისხო ზეთის გამოყენებით.
ძრავის კომპონენტების სწრაფად ცვეთა
ძრავის კომპონენტების ცვეთას ყველა მოძრავ ავტონაწილს შორის ხახუნის ზრდა იწვევს. უხარისხო ზეთი ძრავის ცვეთად ნაწილებს სათანადოდ ვერ იცავს.
ისეთი ხარისხიანი საავტომობილო ზეთები, როგორიცაა მაგალითად, TOTAL, ძრავში ცვეთას ამცირებენ. ისინი ყველა მოძრავ ავტონაწილს ზეთის უწყვეტი ფენით იცავენ, შესაბამისად, ძრავის კომპონენტებს შორის ხახუნი მცირდება. ამასთანავე, შემცირებული ხახუნი ტემპერატურის ზრდას აფერხებს.
დიდი რაოდენობით დამაბინძურებელი ნაწილაკების წარმოქმნა
უხარისხო საავტომობილო ზეთი არათუ ძრავის სისუფთავის შენარჩუნებას ვერ უზრუნველყოფს, არამედ გარემოშიც მეტი დამაბინძურებელი ნაწილაკის გავრცელებას უწყობს ხელს. მწარმოებლები ცდილობენ, მაქსიმალურად ეკოლოგიური ზეთები შექმნან. ფრანგული მწარმოებელი TOTAL-ის ზეთები 100%-ით მორგებულია გარემოსთან დაკავშირებულ რეგულაციებს და მისი მოხმარების შედეგად, გარემოში ნაკლები მომწამლავი ნივთიერება ვრცელდება.
წარმადობის შემცირება
დაბალი ხარისხის ზეთებში შეთხელების პროცესის შემანელებელი კომპონენტი გათვალისწინებული არ არის ან ამ ფაქტორს მინიმალური ყურადღება ექცევა, როცა TOTAL კვარცის ART (Age Resistance Technology) ტექნოლოგია აძლიერებს მოლეკულურ კავშირს, რათა თავიდან ავირიდოთ ზეთის შეთხელება და ნადების დაგროვება. ამასთან ის ახანგრძლივებს ძრავის სიცოცხლეს.
ტემპერატურის არაეფექტურად რეგულირება
ცივ ამინდში ზეთები მეტად ბლანტდება. დაბალი ხარისხის ზეთი შესაძლოა იმდენად გასქელდეს, რომ ავტონაწილებში თავისუფლად ვეღარ გადაადგილდეს, რამაც შეიძლება ძრავი მწყობრიდან გამოიყვანოს. ამგვარი შემთხვევების თავიდან ასაცილებლად, ცნობილი მწარმოებლების (მაგალითად, TOTAL-ის) ტექნოლოგია ძლიერი ყინვის დროსაც კი ინარჩუნებს სიბლანტის დაბალ მაჩვენებელს.
ცხელ ამინდში კი პირიქით - ზეთი უფრო თხელდება. დაბალი ხარისხის საცხებ-საპოხმა საშუალებებმა შესაძლოა, ძრავა ვერ დაიცვან, რადგან არასაკმარისი სიბლანტის გამო, ყველა მამოძრავებელი კომპონენტის დაფარვას ვერ შეძლებენ. TOTAL-ის ზეთები კი ყველაზე ცხელ დღეებშიც კი ინარჩუნებს სიბლანტის ოპტიმალურ დონეს და ძრავში სწორად ნაწილდება.
