მნიშვნელოვანი ინფორმაცია
13
აპრილიდღის ზოგადი ასტროლოგიური პროგნოზი
ორშაბათი, მთვარის მეჩვიდმეტე დღე დაიწყება 22:48-ზე, მთვარე მორიელშია
კარგი დღეა ფინანსური საკითხების მოსაგვარებლად, ახალი საქმეების დასაწყებად. ვაჭრობა, უძრავ ქონებასთან დაკავშირებული საკითხების მოგვარება. შეხვედრების, ურთიერთობისა და მხიარულების დღეა. მოერიდეთ საქმეების გარჩევას. უფროსთან კონტაქტი კარგს არაფერს მოგიტანთ. კარგი დღეა მოგზაურობის დასაწყებად, საქმიანობის, სამსახურის შესაცვლელად. კარგი დღეა ქორწინებისთვის, ნიშნობისთვის. დაუშვებელია ქირურგიული ოპერაციის ჩატარება სასქესო ორგანოებზე, მსხვილ ნაწლავზე, შარდის ბუშტზე. მატულობს ვენერიული დაავადებების რისკი. მოსალოდნელია ტრავმები, ქირურგიული ჩარევის ალბათობა.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
რამდენი პაციენტი იმართება დღეს აპარატზე და არის თუ არა სისტემა მზად სასუნთქი აპარატების თვალსაზრისით - რა განაცხადა ეკატერინე ტიკარაძემ
14:47 / 19-10-2020
"დღეს საქართველოში გვყავს მხოლოდ 34 პაციენტი, რომელიც აპარატზე იმართება",- განაცხადა ჯანდაცვის მინისტრმა ეკატერინე ტიკარაძემ მთავრობის ადმინისტრაციაში, ჟურნალისტებთან, საკოორდინაციო საბჭოს სხდომის დასრულების შემდეგ.
როგორც მან აღნიშნა, სასუნთქი აპარატების კუთხით, ჯანდაცვის სისტემა მომზადებულია, თუმცა, მნიშვნელოვანია ადამიანური რესურსიც, ამიტომ, მინისტრი მოსახლეობას მოუწოდებს, რეკომენდაციები დაიცვას.
"საქართველოში არის საკმარისი სასუნთქი აპარატი და გარდა იმისა, რომ ის საკმარისი იყო ჯერ კიდევ თებერვალში, სახელმწიფომ მაინც შეისყიდა უახლესი აპარატები, რომლებიც უფრო მეტად ეფექტურად მართავენ კოვიდს, ჩვენ უკვე ასზე მეტი აპარატი გვაქვს შეძენილი და ეს აპარატები გადანაწილებულია მთელი საქართველოს მასშტაბით, სადაც იმართებიან მძიმე პაციენტები. აქვე მინდა დავძინო, რომ დღეს საქართველოში გვყავს მხოლოდ 34 პაციენტი, რომელიც აპარატზე იმართება.
ზოგადად, კოვიდის პროტოკოლით არ არის რეკომენდირებული და მხოლოდ უკიდურეს შემთხვევაში გადაგვყავს ჩვენ პაციენტები მართვით სუნთქვაზე. აქედან გამომდინარე, ეს არ არის ის საკითხი, რომელზეც შეიძლება დაისვას გარკვეული კითხვები, ჯანდაცვის სისტემა ამ მხრივ არის მზად, მაგრამ მნიშვნელოვანია ადამიანური რესურსიც.
მნიშვნელოვანია, რომ ჩვენმა მოქალაქეებმა კვლავ გამოიჩინონ მაღალი სოციალური პასუხისმგებლობა, ატარონ პირბადე, დაიცვან ჰიგიენური ნორმები და სოციალური დისტანცია", - განაცხადა მინისტრმა.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ქარიშხალი ამერიკის შეერთებულ შტატებში - უცხოური მედიების ცნობით, სტიქიურ მოვლენას, სულ მცირე, 24 ადამიანის სიცოცხლე ემსხვერპლა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
