მნიშვნელოვანი ინფორმაცია
13
აპრილიდღის ზოგადი ასტროლოგიური პროგნოზი
კვირა, მთვარის მეთექვსმეტე დღე დაიწყება 21:28-ზე, მთვარე 17:54-ზე გადაბრძანდება მორიელში
მშვიდობიანი საქმეები წარმატებით დასრულდება. კაპიტალდაბანდებებს მოერიდეთ. კარგი დღეა იურიდიული საკითხების მოსაგვარებლად, სასამართლო პროცესების დასაწყებად; შემოქმედებითი საქმიანობისთვის. გარშემო მყოფებთან ურთიერთობისას გამოიჩინეთ ტაქტი. უფროსს მნიშვნელოვან საკითხებზე საუბრისთვის ნუ შეხვდებით; წვრილ-წვრილი საკითხები მოაგვარეთ. კარგი დღეა დასვენების, მოგზაურობის, ფიზიკური დატვირთვისა და საოჯახო საქმეების შესრულებისთვის. მოერიდეთ ალკოჰოლის მიღებას, მოწევას; ცხარე და ცხიმიან საკვებს; ცხოველური საკვების მიღებას. ნებადართულია თევზი და სოკო. მოიმატებს სტრესული და სარისკო ქმედებების რაოდენობა.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"მახსოვს, როგორ გვიმტკიცებდნენ ნიკა რურუა და ნინო კალანდაძე, რა ვქნათ, ეს აზერბაიჯანის ტერიტორიააო" - ისტორიკოსები დავით გარეჯის საქმეზე
20:16 / 07-10-2020
პროკურატურის მიერ აზერბაიჯანთან საზღვრის შეთანხმების საქმეზე სახელმწიფო კომისიის ყოფილი წევრების, ივერი მელაშვილისა და ნატალია ილიჩოვას დაკავებას ისტორიკოსები ეხმაურებიან.
გიორგი ოთხმეზური Ambebi.ge -სთან საუბარში კომისიის მუშაობის საეჭვო გარემოებებზე საუბრობს და მიიჩნევს, რომ მათი დაკავება საფუძველს მოკლებული არ არის.
"ძალიან საეჭვო გარემოებებში მუშაობდა ეს კომისია. დაზუსტებით არ ვიცი ვინ რა დააშავა, გამოძიება დაადგენს ამას, მაგრამ ერთი რამ შემიძლია დანამდვილებით გითხრათ - ამ კომისის მუშაობის ფარგლებში, 2011 წელს, აზერბაიჯანელმა მესაზღვრეებმა გადაკეტეს უდაბნოსკენ მიმავალი გზა.
თუ ვინმეს არ ახსოვს, შემიძლია გავახსენო - როგორ იდგნენ ბატონი ნიკა რურუა და ქალბატონი ნინო კალანდაძე და როგორ გვიმტკიცებდნენ, რა ვქნათ ბატონო, ეს არის აზერბაიჯანის ტერიტორია, როგორც ტაო-კლარჯეთია თურქეთის, ისე უდაბნოს მონასტერი არის აზერბაიჯანის შემადგენლობაშიო, რაც არის ყოვლად დაუშვებელი.
სახელმწიფოებრივი შეთანხმება მაშინ ამაზე ვერ შედგა, რადგან გარეჯის მონასტრის ბერებმა ერთი ამბავი ატახეს. ამ კომისიის დიდი დანაშაული იქნება, თუ მან გამოიყენა ისეთი რუკები, სადაც უდაბნოს მონასტერი აზერბაიჯანის ტერიტორიაზეა მოქცეული. წინა ხელისუფლების დროს რასაც ეტყოდნენ, არ გააკეთებდნენ და რაც მოუვიდოდათ, კარგად მოგეხსენებათ.
ეჭვი მაქვს, რომ მათ წინა ხელისუფლებამ უბრძანა ამის გაკეთება და ისინიც დათანხმდნენ. რაც შეეხება ამ სადაო ტერიტორიას, ყველა ასპექტში, ისტორიული იქნება, კულტურული, რელიგიური თუ პოლიტიკური, დავით გარეჯი არის საქართველოს ტერიტორია", - ამბობს ისტორიკოსი.
პროკურატურა დაკავებულებს ედავება, რომ მათ რუკის ალბომებში სახელმწიფო საზღვრის გავლებისას განზრახ გამოიყენეს ისეთი კარტოგრაფიული მასალა, რომელიც ისტორიულად და სამართლებრივად არ ემყარებოდა და არ ასახავდა საქართველოს სახელმწიფოს რეალურ პოზიციას მის კუთვნილ ტერიტორიებთან დაკავშირებით.
უწყების მტკიცებით, მიუხედავად იმისა, რომ დაკავებულებს მთელი საქმიანობის პერიოდში, გააჩნდათ 1937-1938 წლების 1:200 000-იანი მასშტაბის ტოპოგრაფიული რუკის დედანი, საქართველოს სამთავრობო კომისიის წევრებს უმალავდნენ ინფორმაციას აღნიშნულის თაობაზე, რათა არ მოეხდინათ მისი გამოყენება საზღვრების დელიმიტაციის პროცესში.
პროკურატურაში აცხადებენ, რომ აღნიშნული რუკის დედანი გამოძიების მიერ სასამართლოს განჩინების საფუძველზე ნატალია ილიჩოვას სამუშაო კაბინეტში იპოვეს. კიდევ ერთი ბრალდება საქმეში კარტოგრაფების ჩართვას შეეხება. პროკურატურის ვერსიით: ბრალდებულები ვალდებული იყვნენ ჩაეტარებინათ გეოდეზიური და კარტოგრაფიული სამუშაოები, მოეძიებინათ შესაბამისი რუკები და სხვა მასალები, ამის საფუძველზე კი საქართველოს საზღვრის ამსახველი რუკის ალბომები შეედგინათ. ამის საწინააღმდეგო კი მათ არ ჩაატარეს აუცილებელი კვლევები და პროცესში არ ჩართეს კარტოგრაფიის დარგის სპეციალისტები.
ისტორიკოსი მიხეილ ბახტაძე ამბობს, რომ მისი ინფორმაციით, კვლევების პროცესში არც ისტორიკოსები იყვნენ ჩართულები, რაც დაუშვებელი იყო.
"კარტოგრაფებმა უნდა შეაფასონ, რომელი რუკა უნდა გამოვიყენოთ, 1938 წლის, თუ უფრო გვიანდელი. თუ ამ კომისიას კარტოგრაფები არ ჰყავდა ჩართული ამ საკითხებში, ეს არის ძალიან დიდი შეცდომა. ამ საკითხებს კარტოგრაფის გარდა ვერავინ გაარკვევს.
როგორ შეიძლება ისაუბრო საზღვრის დემარკაციაზე, თუ არ ჰკითხე აზრი კარტოგრაფებს, რომლებიც ამ რუკას შეაფასებენ. მე ვიცი, რომ კომისიის წევრებს ისტორიკოსები არ ჰყავდათ ჩართული ამ სამუშაოებში და თუ კარტოგრაფებიც არ იყვნენ, ეს წარმოუდგენელია. ამ სპეციალისტების გარეშე როგორ შეიძლება იმუშაო რუკაზე“ - აცხადებს AMBEBI.GE -სთან მიხეილ ბახტაძე.
მკითხველის კომენტარები /
67 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ქარიშხალი ამერიკის შეერთებულ შტატებში - უცხოური მედიების ცნობით, სტიქიურ მოვლენას, სულ მცირე, 24 ადამიანის სიცოცხლე ემსხვერპლა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ოთხმეზურიდან და მისი ყოფილი მეუღლე მარიკა ლორთქიფანიძისგან ბევრი ისტორიის ფალსიფიკაცია ახსოვს ერს, მათ შორის ისიც რომ მათ ძალიან კარგად იცოდნენ, რომ პეტრე გრუზინსკი ბაგრატიონი არ იყო, მაგრამ ყური არ გაიბერტყეს (პირიქით) სვეტიცხოველში სანამ არ დაასაფლავეს თავს იკლავდნენ ,,,,, მათ კისერზე ბევრი საქართველოს ისტორიის ცოდვაა. მხოლოდ იმ პერიოდისთვის და იმ ხელისუფლებისთვის მოქმედებდნენ/მოქმეფდებენ როგორც საჭირო იყო. ძალიან ცუდია ამის თქმა რომ გვიწევს მაგრამ უნდა ვთქვათ,,,,,,
ერთი რუკა იყო მხოლოდ და ისიც იმ რუს ქალს ჰქონდა?
რაღაც ბუნდოვანი სიტუაციაა. "договорняк"- ს ჰგავს. ვნახოთ აბა თუ დაგვიბრუნა აზერბაიჯანმა ეს ტერიტორია ამ რუკის საფუძველზე.
შეიძლება კი დააბრუნოს რუკის უმისოდაც, თუ ყარაბაღის ომი მოიგო.