ალეკო, ლევანი და უკვე ობამაც გისმენთ !

პარტია "მოქალაქეების" ლიდერებმა, ალეკო ელისაშვილმა და ლევან იოსელიანმა რამდენიმე კვირის უკან დაიწყო კამპანია "ალეკო და ლევანი გისმენთ". ქალაქში გამოჩნდა საარჩევნო ბანერები, სადაც განათავსებულია ტელეფონის ნომერი, რომელსაც ალეკო ელისაშვილი და ლევან იოსელიანი პასუხობენ.

დღის განმავლობაში ისინი ასობით მოქალაქეს უსმენენ, მათ პრობლემებს ინიშნავენ და შესაძლებლობის და კომპეტენციის ფარგლებში, ეხმარებიან მათ.

გუშინ ცნობილი გახდა, რომ იგივე შინაარსის განცხადება გააკეთა, აშშ-ს ყოფილმა პრეზიდენდმა ობამამ.

“კარგი, მოდი ვცადოთ რაღაც ახალი. თუ იმყოფები შეერთებულ შტატებში, გამომიგზავნე მესიჯი ნომერზე 773-365-9687, მინდა, გავიგო, როგორ ხარ, რას ფიქრობ და როგორ აპირებ წელს ხმის მიცემას. მეც ხაზზე პერიოდულად ვიქნები, რომ გაგიზიაროთ ჩემი აზრები”. – სწორედ ეს ტექსტი დაწერა გუშინ ამერიკის ყოფილმა პრეზიდენტმა, ბარაკ ომაბამ საკუთარ ტვიტერზე.

R