საქართველოს ნაკრების ფეხბურთელს კორონავირუსი დაუდასტურდა

საქართველოს ეროვნული საფეხბურთო ნაკრების ფეხბურთელს, ზურიკო დავითაშვილს, რომელიც ვოლგოგრადის "როტორში" თამაშობს, კორონავირუსი დაუდასტურდა. ინფორმაციას ამის შესახებ რუსული მედია ავრცელებს.

დავითაშვილის ტესტის პასუხი დღეს გახდა ცნობილი. აღსანიშნავია, რომ კლუბში კორონავირუსით 10 ფეხბურთელია დაინფიცირებული და მათ შორის დავითაშვილის გარდა, კიდევ ორი ქართველი - ბექა მიქელთაძე და ნიკა ყიფიანი.

კლუბში კორონავირუსით ინფიცირებულთა რაოდენობის ზრდის გამო მე-7 ტურის შეხვედრა ჩაიშალა, თუმცა იმ დროისთვის დავითაშვილი განაცხადში იყო და არ იცოდნენ, თუ კორონავირუსით იყო ინფიცირებული.

"როტორის“ყველა მოთამაშის ტესტის შედეგი ცნობილი დღეს გახდა. აღსანიშნავია, რომ დავითაშვილმა სექტემბრის დასაწყისში საქართველოს ეროვნულ ნაკრებში "ერთა ლიგის" მატჩები ჩაატარა.