!["როცა ადამიანს შეუძლია, პატიმარ ქალს [მზია ამაღლობელს] ცილისწამებით შეეხოს, არაკაცობაა" - ანდრო ჭიჭინაძე ირაკლი კობახიძეზე](https://cdn.ambebi.ge/media/__thumbs__/images/2025/04-24/chichinadze10-51179.webp)
მნიშვნელოვანი ინფორმაცია
24
აპრილიდღის ზოგადი ასტროლოგიური პროგნოზი
ხუთშაბათი, მთვარის ოცდამეექვსე დღე დაიწყება 05:06-ზე, მთვარე თევზებშია
საკმაოდ რთული დღეა. თავი შეიკავეთ ყოველგვარი კონფლიქტისგან. არ დაიწყოთ ახალი საქმეები. მოერიდეთ ფულის ხარჯვას; ვაჭრობაში არ მოტყუვდეთ. კარგი დღეა სწავლისა და გამოცდის ჩასაბარებლად. მოერიდეთ სამსახურის, საქმიანობის შეცვლას. უფროსთან კამათს. მგზავრობა და მივლინება სხვა დღისთვის გადადეთ. კარგია მსუბუქი ვარჯიში; საოჯახო საქმეების შესრულება. თავი შეიკავეთ მოწევისა და ალკოჰოლისგან. გაუფრთხილდით ფეხებს. არ გადაღალოთ, ჩაიცვით მოსახერხებელი ფეხსაცმელი. კარგია ტერფების მასაჟი.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"საქართველო ევროპის ერთადერთი ქვეყანაა, რომელიც შიმშილის ზონაში იმყოფება - ისევე, როგორც აფრიკის საჰარისა და აზიის ზოგიერთი სახელმწიფო" - მიხეილ სააკაშვილი
16:53 / 09-09-2020
უკრაინის პოპულარული ინტერნეტ-გამოცემის "გორდონის" («Гордон») მთავარმა რედაქტორმა ალესია ბაცმანმა რედაქციაში მიიწვია და ინტერვიუ ჩამოართვა საქართველოს ექსპრეზიდენტს, უკრაინის რეფორმების ეროვნული საბჭოს აღმასკომის თავმჯდომარეს მიხეილ სააკაშვილს. საუბარი 20 წუთს გაგრძელდა, იმსჯელეს საქართველოში და უკრაინაში შექმნილ ვითარებაზე, მიხეილ სააკაშვილის გეგმებზე და ა.შ.
გთავაზობთ ინტერვიუს იმ ნაწილის შემოკლებულ ვერსიას, რომელიც საქართველოს ეხება:
ალესია ბაცმანის კითხვაზე, რომელიც ექსპრეზიდენტის საქართველოში დაბრუნებას ეხება - როდის და როგორ მიიღეთ ეს გადაწყვეტილებაო, - მიხეილ სააკაშვილი პასუხობს:
- მე ჯერჯერობით არსად არ მივდივარ, კიევში ვრჩები. საქართველოში მალე ეროვნული საპარლამენტო არჩევნები გაიმართება. საქართველო დღეს კატასტროფულ სიტუაციაშია. ეს ევროპის ერთადერთი ქვეყანაა, რომელიც შიმშილის ზონაში იმყოფება - ისევე როგორც აფრიკის საჰარისა და აზიის ზოგიერთი სახელმწიფო. როცა მე ვიყავი პრეზიდენტი, ქვეყანაში ეკონომიკის მოცულობა ოთხჯერ გაიზარდა, უკანასკნელ წლებში კი შემცირდა... ანუ ასეთ რთულ სიტუაციაში მყოფი ქვეყანა უნდა გადავარჩინოთ, სწორედ ამიტომ დავთანხმდი პრემიერ-მინისტრობის კანდიდატურის შემოთავაზებაზე. იქნება გარკვეული გარდამავალი პერიოდი. მე არ ვიცი, ეს პერიოდი რამდენ ხანს გაგრძელდება. თუ პრემიერ-მინისტრის პოსტზე სხვა კანდიდატები არ იქნებოდნენ (და გაერთიანებულ ოპოზიციას მეტი არ ჰყავს), მე დავთანხმდი ვიყო გარდამავალი პერიოდის პრემიერ-მინისტრი. აი, ასეთი სიტუაციაა.
- როგორ შეიძლება განხორციელდეს, ტექნიკური თვალსაზრისით, თქვენი დანიშვნა პრემიერ-მინისტრად?
- შევხედავთ, თუ როგორ განვითარდება მოვლენები. არ მინდა, რომ ჩემს დანიშვნას თან უწესრიგობები ახლდეს... თავის დროზე ხელისუფლება მშვიდობიანად გადავეცი, მიუხედავად იმისა, რომ ახალ პოლიტიკურ ძალას მშვიდობიანი განზრახვები არ ჰქონდა. ჩვენ შევქმენით პრეცედენტი მთელი რეგიონისათვის - არჩევნებში გამარჯვებულს ხელისუფლება ზედმეტი შეხლა-შემოხლის გარეშე გადავეცით. შეიძლება ითქვას, რომ ჩვენ პრაქტიკულად სტაჟირება ჩავუტარეთ ახალი ხელისუფლების გამოუცდელ მინისტრებს, სანამ ისინი ხელისუფლებას ჩაიბარებდნენ. მე მშვიდად წავედი პრეზიდენტის პოსტიდან, თუმცა მანამდე მე მათთან ერთად კიდევ ერთი წელი ვიმუშავე. ამიტომაც არ მინდა ხელისუფლებაში, რომელიმე კაბინეტში ისევ მოსვლა რაღაც არეულობის, უწესრიგობის, შეხლა-შემოხლის და ექსცესების დახმარებით. იქნება არჩევნები, ხალხი ხმას მოგვცემს და როცა შესაბამისი სიტუაცია შეიქმნება, შევხედავთ ვითარებას და მშვიდად ვიმოქმედებთ.
- საქართველოში თქვენს წინააღმდეგ სისხლის სამართლის საქმეებია აღძრული...
- ჰო, რაღაც საქმეებია - ისევე როგორც უკრაინაში იყო რამდენიმე საკითხზე... როგორც კი ხელისუფლება შეიცვალა, ყველა საქმე დაიხურა. მათ ესმით, რომ ყველაფერი თეთრი ძაფით არის ნაკერი...
- როგორ შეგიძლიათ თქვენ, უკრაინის მოქალაქეს, საქართველოს პრემიერ-მინისტრის პოსტის დაკავება?
- თავის დროზე, როცა ოლიგარქი ბიძინა ივანიშვილი ხელისუფლებაში მოდიოდა, მას საფრანგეთის მოქალაქეობა ჰქონდა, თუმცა ამ გარემოებას მისთვის ხელი არ შეუშლია პრემიერ-მინისტრის პოსტის დაკავებაში. შევხედავთ სიტუაციას... ყველა შემთხვევაში საჭიროა, რომ საქართველოს პარლამენტი აირჩეს და შეიკრიბოს, რომ მან გადაწყვეტილება მიიღოს. თუ პარლამენტის წევრები გადაწყვეტენ, რომ მე უნდა ვიყო პრემიერ-მინისტრი რაღაც გარკვეული ვადის განმავლობაში, ეს მათი საქმეა და მიიღებენ კიდეც გადაწყვეტილებას. თავის დროზე ჩვენ ბიძინა ივანიშვილსაც, საფრანგეთის მოქალაქეს, ნება მივეცით საქართველოს პრემიერ-მინისტრი ყოფილიყო. ეს იურიდიული საკითხებია და ისინი მოგვარდება, მათ არ აქვთ გადამწყვეტი მნიშვნელობა, ამაში რაიმე სირთულე არ არის.
ჟურნალისტის კითხვაზე, აქვს თუ არა მას რაიმე უთანხმოება პრეზიდენტ ვლადიმერ ზელენსკისთან, იცის თუ არა პრეზიდენტმა მისი საქართველოში დაბრუნების სურვილის თაობაზე, მიხეილ სააკაშვილმა აღნიშნა, რომ პრეზიდენტთან მას არავითარი უთანხმოება არ აქვს: "ვლადიმერ ზელენსკისათვის საიდუმლო არ უნდა იყოს ჩემი სურვილი საქართველოში დაბრუნების შესახებ. უკრაინაში სხვა უამრავი პრობლემაც არის, რომ ახლა საქართველოში ჩემს დაბრუნებაზე არ იფიქრონ“, - განაცხადა მიხეილ სააკაშვილმა.
ავტორი: სიმონ კილაძე
მკითხველის კომენტარები /
5 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ნიუ ჯერსიში მასშტაბურ ტყის ხანძარს ებრძვიან
კვირის კითხვადი სტატიები
მნიშვნელოვანი ინფორმაცია
მკითხველის რჩევით
რა გახდა 1-2 მილიონი, მომეცით და ამ ოყლაყს სამუდამოდ დავადუმებ, სისულელეებს რომ როშავს.
ვინ ჩაგიჩუჩუნა ყურში,აქ ვარ და რაღაც გაღატაკებულებს ვერ ვხედავ და თუ ვინმე არის,ასეთები ყველგან არიან,ნებისმიერ ევროპის ქვეყანაში,ვისაც მუშაობა არ უნდა,ვისაც ხელში ლაფატკის ჭერა არ უნდა,იშიმშილოს,თუ ასე მდიდარია ევროპის ქვეყნები რატომ არის რომ სხვა ქვეყნებში გარბიან სამუშაოდ?ინგლისში ვიყავი რამოდენიმე წელიწადი და მთელი პრიბალტიკა,ხორვატია,რუმინეთი,ჩეხეთი,პოლონეთზე აღარაფერს ვამბობ არაფერს ,იქ არიან,რატომ?იმიტომ ხომ არა რომ ძალიან კარგი და მდიდრული ცხოვრებაა მათ ქვეყნებში?ამიტომ დაგვანებე თავი.ვისაც მუშაობა უნდა ის შიმშილით არ მოკვდება,მთელი სოფელი ქალაქში რომ არის ჩამოხიზნული,მიწაზე მუშაობა აღარავის არ უნდა,თბილისი კი ბეზრაზმერნი არ არის ამდენი ქაჯი ასაქმოს.