მნიშვნელოვანი ინფორმაცია
13
აპრილიდღის ზოგადი ასტროლოგიური პროგნოზი
კვირა, მთვარის მეთექვსმეტე დღე დაიწყება 21:28-ზე, მთვარე 17:54-ზე გადაბრძანდება მორიელში
მშვიდობიანი საქმეები წარმატებით დასრულდება. კაპიტალდაბანდებებს მოერიდეთ. კარგი დღეა იურიდიული საკითხების მოსაგვარებლად, სასამართლო პროცესების დასაწყებად; შემოქმედებითი საქმიანობისთვის. გარშემო მყოფებთან ურთიერთობისას გამოიჩინეთ ტაქტი. უფროსს მნიშვნელოვან საკითხებზე საუბრისთვის ნუ შეხვდებით; წვრილ-წვრილი საკითხები მოაგვარეთ. კარგი დღეა დასვენების, მოგზაურობის, ფიზიკური დატვირთვისა და საოჯახო საქმეების შესრულებისთვის. მოერიდეთ ალკოჰოლის მიღებას, მოწევას; ცხარე და ცხიმიან საკვებს; ცხოველური საკვების მიღებას. ნებადართულია თევზი და სოკო. მოიმატებს სტრესული და სარისკო ქმედებების რაოდენობა.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"არ გაგვაფრთხილეს, რომ სასწრაფოდ საკეისრო იყო საჭირო! შემზარავია, როდესაც ამას საოპერაციო მაგიდაზე იგებ" - რას ყვებიან გარდაცვლილი ჩვილის მშობლები
16:30 / 08-09-2020
13 აგვისტოს, გაგუას კლინიკაში ახალშობილი გარდაიცვალა. ჩვილი 47 დღის განმავლობაში მართვით სუნთქვაზე იმყოფებოდა. ექიმების მიერ დასმული დიაგნოზის მიხედვით, ბავშვის მდგომარეობის დამძიმება პლაცენტის ცენტრალური აცლით იყო გამოწვეული, რაც თავის მხრივ არაერთი მძიმე ტრავმის განვითარების საფუძველი გახდა. მათ შორის ჟანგბადის მწვავე უკმარისობისა და თავის ტვინში განვითარებული სისხლჩაქცევების.
გარდაცვლილი ბავშვის დედა გაგუას კლინიკის ექიმებს გულგრილობაში ადანაშაულებს. ანა გელაშვილი მიიჩნევს, რომ მისი შვილის გარდაცვალება დიდწილად ექიმების გულგრილმა დამოკიდებულებამ გამოიწვია. შვილმკვდარმა დედამ სოციალურ ქსელში პოსტი გამოაქვეყნა, რომელშიც დეტალურად ყვება საკუთარი ტრაგედიის შესახებ.
"დილით ადრე 28 ივნისს მე გამეღვიძა მუცლის ძლიერი მჭრელი ტკივილისგან, მქონდა გულისრევა, ზურგზე ცივი ოფლი მასხამდა. გზად სამშობიაროსკენ, ჩემმა ქმარმა გიორგიმ დარეკა კლინიკაში და გააფრთხილა, რომ მე ცუდად ვიყავი და მათთან მივდიოდით. კლინიკამდე გზას ორიოდე წუთი დაჭირდა და ჩვენ დილის 7:35-ზე უკვე კლინიკაში ვიყავით. ექიმმა დამადო მუცელზე დოპლერი, მაგრამ ჩვეული გულისცემის ხმა ვერ გაიგო. შემდგომ დაიწყო უცნაურობა: იმის ნაცვლად, რომ ბავშვი გადაერჩინათ, დამსვეს სიცხის გასაზომად, შემდგომ გამიშვეს ანალიზების ჩასაბარებლად, რომ დავბრუნდი მთხოვეს ჩანთიდან ამომეღო ყველა საბუთი: პასპორტი, სკრინინგის შედეგები, სურათები, კვლევები - და აუჩქარებლად დაიწყეს ამ საბუთების გროვის ასლების გადაღება. დრო მიდიოდა, ტკივილი იზრდებოდა. ექიმმა დაურეკა ტელეფონით ექოსკოპისტს, რომ იგი ჩამოსულიყო მიმღებში. ხუთი-ათი წუთი გავიდა, ჩამოვიდა ექოსკოპისტი, დიდხანს ატარებდა მუცელზე ექოსკოპიის ხელსაწყოს და პარალელურად ჩემთვის გაუგებრად ქართულ ენაზე განიხილავდა რაღაცას ექიმთან ერთად. მე არ მესმოდა რაზე იყო საუბარი და ამიტომ ვკითხე ყველაფერი რიგზეა თუ არა, მაგრამ არაფერი უპასუხიათ. წამოვდექი მაგიდიდან და ჩამოვჯექი
მიმღებ განყოფილებაში მოლოდინის რეჟიმში. გამოვიდა ექიმი და გააგზავნა გიორგი სადღეღამისო აფთიაქში ელასტიურ ბინტებზე. მის ხმაში არ შეინიშნებოდა მღელვარება ან სიჩქარე, ამიტომ მე და ჩემი მეუღლე მშვიდად ვიყავით, რადგანაც გვეგონა, რომ ყველაფერი რიგზეა, უბრალოდ, უნდა მოვითმინოთ.
გიორგი წავიდა აფთიაქში, მე დავრჩი და ველოდებოდი. დრო ძალიან იწელებოდა, მეუღლე დაბრუნდა ბინტით, მე გამოვიცვალე ტანსაცმელი საშინაოთი, გადამიხვიეს ფეხები და წამიყვანეს საოპერაციოში. უბრალოდ წარმოიდგინეთ: არც მე, არც მეუღლე არ გაგვაფრთხილეს იმის შესახებ, რომ სასწრაფოდ საკეისროა საჭირო! ძალიან შემზარავია, როდესაც ამას იგებ უკვე საოპერაციო მაგიდაზე. გიორგიმ გაიგო ამის შესახებ უკვე მას შემდეგ, რაც ოპერაცია დასრულდა და მე მას მივწერე მოკლე ტექსტური შეტყობინება", - წერს ანა გელაშვილი.
მისი მონათხრობის მიხედვით, ექიმების მიერ გატარებული სამედიცინო ღონისძიებები დაგვიანებული იყო.
"მითხრეს, რომ მქონდა პლაცენტის ცენტრალური აცლა - მძიმე მდგომარეობა, რომლის შემთხვევაშიც თუ დროულად არ მოხდა რეაგირება, ჟანგბადის უკმარისობის გამო კვდება ნაყოფი და ხანდახან სისხლის დაკარგვის გამო დედაც.
"ასფიქსიის მძიმე შედეგები" - ხელებს შლიდნენ ექიმები. აი, ამ მომენტში გახდა ნათელი, თუ რამდენად მნიშვნელოვანი იყო ზუსტად ის დაკარგული 40 წუთი, რომელიც უგზოუკვლოდ გაქრა კლინიკაში ჩემი მკურნალობის ისტორიიდან.
ჩვენ ვართ "არასასურველი შემთხვევა", ბავშვი რომ დაბადებულიყო მკვდარი, მაშინ შეიძლებოდა თქმა: "ჩვენ ყველაფერი გავაკეთეთ რაც შეგვეძლო"“, ასეთ შემთხვევაში მგონია, რომ გულგრილობია / გაუფრთხილებლობას და გარდაცვალებას შორის კავშირს ვერ დავამტკიცებდი. მაგრამ ბავშვი დაიბადა ცოცხალი, ანუ დაკარგული დრო იყო ძალიან კრიტიკულად მნიშვნელოვანი! შეიძლებოდა ბავშვის სიცოცხლე გადარჩენილიყო!“ - წერს ანა გელაშვილი.
გადაცვლილი ჩვილის მამა AMBEBI.GE -სთან აცხადებს, რომ საავადმყოფოს სამედიცინო პერსონალმა, დოკუმენტები გააყალბა. კერძოდ, არასწორად მიუთითა სამედიცინო ღონისძიებების გატარების დრო, რათა ექიმების ოპერატიულობა წარმოჩენილიყო.
"ჩვენ გამოვითხოვეთ დოკუმენტაცია, სადაც დრო არის შეცვლილი. საბუთების თანახმად ბავშვი ამოიყვანეს 8:18-ზე, სინამდვილეში ჩვენი სამშობიაროში მისვლის დრო შეცვლილია და დაფიქსირებულია არა 7:35, არამედ 8:10. ეს ალბათ იმიტომ გააკეთეს, რომ საკუთარი ოპერატიულობა წარმოეჩინათ. დაფიქსირებული ხომ უნდა იყოს სატელეფონო ზარი რეალურად როდის განხორციელდა და ჩვენ როდის შევედით კლინიკაში. ზარსა და ჩვენს იქ მისვლას შორის იმხელა სხვაობაა მათი დოკუმენტების მიხედვით, რაც ფიზიკურად ვერ დაგვჭირდებოდა, რადგან იქვე ახლოს ვცხოვრობთ, დაახლოებით 5 წუთის სავალზე. რა საჭიროა საბუთების ფალსიფიკაცია, თუ დასამალი არაფერი აქვთ? ასევე, არ არის შენახული ექოსკოპიის სურათები, რომელიც იყო გადაღებული მიმღებში მისვლის დროს. გაქრა ვიდეო ჩანაწერები, თუ როდის მივედით ჩვენ კლინიკაში. მაგრამ თუ კი მართლა ასეთი ვითარება იყო, პლაცენტის ცენტრალური აცლა, რატომ დაკარგეს დრო და გამაგზავნეს ბინტებზე? ძალიან გამიკვირდა, რომ ამხელა კერძო კლინიკაში ბინტი არ იყო", - გვეუბნება გიორგი გელაშვილი.
გარდაცვლილი ბავშვის მშობლებმა კლინიკის წინააღმდეგ საჩივარი პროკურატურაში შეიტანეს. საქმე სსსკ-ის 116-ე მუხლით არის აღძრული, რაც გაუფრთხილებლობით სიცოცხლის მოსპობას გულისხმობს.
კლინიკის მიერ გატარებული სამედიცინო ღონისძიებების მართებულობას სწავლობს ჯანდაცვის სამინისტროს სამედიცინო რეგულირების სააგენტო, სადაც აცხადებენ, რომ მიმდინარეობს საქმის მოკვლევა.
მომხდარის შესახებ უფრო მეტი დეტალის გარკვევის მიზნით AMBEBI.GE გაგუას კლინიკას დაუკავშირდა. სამედიცინო დაწესებულება მოკლე, ოფიციალური კომენტარით შემოიფარგლა.
"მოქმედი კანონმდებლობით პაციენტის ჯანმრთელობის შესახებ ინფორმაციის გაცემის უფლება კლინიკას არ აქვს, გაგუას კლინიკა მუშაობს საერთაშორისო სტანდარტებით და ტარდება ყველა საჭირო ღონისძიება პაციენტების უსაფრთხოებისთვის. კონკრეტული შემთხვევის კვლევაში ჩართულია ჯანდაცვის სამინისტროს სამედიცინო საქმიანობის რეგულირების სააგენტო, გატარდება შესაბამისი ღონისძიებები", - აცხადებენ კლინიკაში.
მკითხველის კომენტარები /
11 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ქარიშხალი ამერიკის შეერთებულ შტატებში - უცხოური მედიების ცნობით, სტიქიურ მოვლენას, სულ მცირე, 24 ადამიანის სიცოცხლე ემსხვერპლა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
შემზარავია
განუკითხაობა, საკადრისად რო დაისჯებიან მერე იქნებ სხვამ არ გაბედოს, მარა სად არის პატრონი?