!["როცა ადამიანს შეუძლია, პატიმარ ქალს [მზია ამაღლობელს] ცილისწამებით შეეხოს, არაკაცობაა" - ანდრო ჭიჭინაძე ირაკლი კობახიძეზე](https://cdn.ambebi.ge/media/__thumbs__/images/2025/04-24/chichinadze10-51179.webp)
მნიშვნელოვანი ინფორმაცია
24
აპრილიდღის ზოგადი ასტროლოგიური პროგნოზი
ხუთშაბათი, მთვარის ოცდამეექვსე დღე დაიწყება 05:06-ზე, მთვარე თევზებშია
საკმაოდ რთული დღეა. თავი შეიკავეთ ყოველგვარი კონფლიქტისგან. არ დაიწყოთ ახალი საქმეები. მოერიდეთ ფულის ხარჯვას; ვაჭრობაში არ მოტყუვდეთ. კარგი დღეა სწავლისა და გამოცდის ჩასაბარებლად. მოერიდეთ სამსახურის, საქმიანობის შეცვლას. უფროსთან კამათს. მგზავრობა და მივლინება სხვა დღისთვის გადადეთ. კარგია მსუბუქი ვარჯიში; საოჯახო საქმეების შესრულება. თავი შეიკავეთ მოწევისა და ალკოჰოლისგან. გაუფრთხილდით ფეხებს. არ გადაღალოთ, ჩაიცვით მოსახერხებელი ფეხსაცმელი. კარგია ტერფების მასაჟი.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"პატრიოტთა ალიანსის" ნაჩუქარი ხატი აფხაზებმა ენგურთან დატოვეს - "სახლებიც დაგებრუნებინათ ქართველებისთვის, სადაც მშვენივრად ცხოვრობთ"
15:29 / 06-09-2020
ღვთისმშობლის ხატი, რომელიც "პატრიოტთა ალიანსის" წევრებმა რუსეთის მიერ ოკუპირებულ აფხაზეთში მდებარე ილორის წმინდა გიორგის სახელობის ტაძარს აჩუქეს, აფხაზებმა მდინარე ენგურზე მდებარე საოკუპაციო ხაზთან დატოვეს.
ამ ფაქტის ამსახველი ვიდეოკადრები ე.წ. ვეტერანთა ორგანიზაციის მომხრეებმა სოციალურ ქსელში გაავრცელეს. კადრებში ჩანს, თუ როგორ გამოაქვთ ტაძრიდან ხატი ოპოზიციური პარტია "არუაას" წარმომადგენლებს, რომლებიც ბოლო დღეებია დაუღალავად აკრიტიკებენ ე.წ. ადგილობრივ ხელმძღვანელობას, ქართულ მხარესთან საიდუმლო მოლაპარაკებებისა და მათი ვიზიტის გამო.
ცნობისთვის, ილორის ტაძარი წლების წინ რუსმა რესტავრატორებმა თეთრად გადაღებეს და ე.წ. ხახვისთავა გუმბათი დაადგეს. 2013 წელს, მაშინდელმა ე.წ. პრეზიდენტმა ალექსანდრე ანქვაბმა ტაძრისთვის სასწრაფოდ ძველი იერსახის დაბრუნების ბრძანება გასცა, თუმცა, დღემდე არაფერი შეცვლილა. თავის დროზე, ამ ფაქტს აფხაზურ საზოგადოებაშიც ხმაური მოჰყვა, თუმცა დროებით. ახლა კი, ამ ვიდეოს გავრცელების შემდეგ, ეს თემაც ხელახლა წამოიწია.
აფხაზეთში ხატის ჩაბრძანებამ ე.წ. ხელმძღანელობაშიც გამოიწვია დაძაბულობა. სიტუაციის განმუხტვისთვის, ე.წ. პრეზიდენტის მრჩეველი, ლაშა საკანია გადადგა, თუმცა ამან არ უშველა - ლამის "სამშობლოს ღალატში" დაადანაშაულეს. თანამდებობის დატოვებამდე, 26 აგვისტოს ასლან ბჟანიას მრჩეველმა განაცხადა, რომ ქართველი პოლიტიკოსების სტუმრობა იყო ჰუმანიტარული აქცია ილორის ეკლესიისთვის ხატის გადაცემის მიზნით, რომლის საფუძველიც მოსკოვიდან წამოსული თხოვნა გახდა.
ილორის ტაძრიდან ხატის გამობრძანებას აფხაზეთში აზრთა სხვადასხვაობა მოჰყვა. ინტერნეტმომხმარებელთა ნაწილი (რომლებიც აზრებს Абхаз Авто-ს "ფესიბუქ გვერდზე" ცვლიან) მიიჩნევს, რომ ხატის დაბრუნება სწორი საქციელია, რადგან ქართველებისგან არანაირი საჩუქრის აღება არ ღირს, "ვიდრე აფხაზეთის დამოუკიდებლობას არ აღიარებენ". თუმცა, არიან ისეთებიც, ვინც მიიჩნევს, რომ ეკლესიაში პოლიტიკა არ არსებობს. მათი თქმით, ხატის დაბრუნება სრულიად გაუმართლებელი, ველური საქციელია.
"საეჭვო დაფინანსების მქონე ქართველი პოლიტიკოსების საიდუმლო ვოიაჟი, რომელმაც ქვეყანაში დაძაბულობა და დაპირისპირება გამოიწვია, გაუმართლებელია, თუმცა ხატის დაბრუნება ბევრად დააზარალებს აფხაზეთს, ვიდრე მათი აფხაზეთში ჩამოსვლა. ამ ფაქტს ფართო გამოხმაურება მოჰყვება და ჩვენი საქციელი არ იქნება კარგი კუთხით წარმოჩენილი - ეს იქნება აღქმული, როგორც ვიწრო ნაციონალიზმი და ქრისტიანული რელიგიის მიმართ უპატივცემულო დამოკიდებულება.
შეგვეძლო, ხატი დაგვებრძანებინა სადმე დაცულ ადგილას და ყველაფერი ამით დასრულდებოდა. ახლა კი, ათასობით ადამიანი, რუსეთიდან, საქართველოდან, სომხეთიდან გაიგებს ამ ამბის შესახებ და შედეგად მივიღებთ იმას, რომ მსოფლიო აღგვიქვამს არაქრისტიან ნაციონალებად", - წერს ასტამურ კაკალია.
"რატომ წარმოაჩენთ ისე, თითქოს ეს იყოს ნამდვილი ხატი, რომელსაც მადლი ახლავს თან და მისი დაბრუნება ცოდვაა. პირიქით, მისი დატოვება იქნებოდა ცოდვა და არავითარ შემთხვევაში არ ვეთანხმები, რადგან მტრისგან მიღებული არაფერი მინდა", - წერს რიმა ხაშბა, რომელსაც იქვე გასცეს პასუხი.
"უნდა დაებრუბინათ აბა რა, რანაირი ცოდვა ეს არის?! უბრალოდ აქვე ერთ რამეს შეგახსენებთ, როდესაც ხატი დაუბრუნეთ ქართველებს, იქვე სახლებიც დაგებრუნებინათ, რომლებშიც დღემდე მშვენივრად ცხოვრობთ, ის ლოგინებიც დაგებრუნებინათ, რომლებშიც გძინავთ, მაგრამ არა, ეს არ მიგაჩნიათ ცოდვად და საერთოდაც, სულაც არ გიშლით ხელს ჭეშმარიტ ქრისტიანებს", - წერს ეკატერინე ლასურია ხიშბას პასუხად.
"ჩვენ ყოველთვის ასეთები ვიყავით, თუ ამ ბოლოს გავხდით?! რა შუაშია ქართველები, ხატია, ვისი ნაჩუქარიც არ უნდა იყოს. ღმერთო, გვაპატიე ეს ცოდვა", - წერს ლარა ხუფორია.
არსებული ინფორმაციით, მას შემდეგ, რაც ინტერნეტში ხატის ტაძრიდან გამობრძანების კადრები გავრცელდა, ოჩამჩირეში რამდენიმე ადამიანი შეიკრიბა და ეს გადაწვეტილება გააპროტესტა.
მკითხველის კომენტარები /
72 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ნიუ ჯერსიში მასშტაბურ ტყის ხანძარს ებრძვიან
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ინაშვილის შერიგებული არ გაიშვას. რა მადლით და რწმენითაც დააწერინეს და ჩაიტანეს ეგ ხატი ისეთივე შედეგი მოყვა.რაში ჭირდებათ აბხაზებს ინაშვილი?! რუსებთან ისედაც მაგაზე უკეთესი ურთიერთობა აქვთ და საქართველოში და მითუმეტეს დასავლეთში ინაშვილი სასაცილო არარაობაა. აბხაზებს ჩვენი რამე თუ მოწონთ და სამომავლოდ შერიგების მიზეზი თუ გახდება ისევ ჩვენი დასავლეთთან ინტეგრაციის გზაზე წარმატებებია და მაგის მტერია ინაშვილი. შესაბამისად ქართველებისაც და აბხაზებისაც. და ეს პაკაზუხობა კიდე სწორედაც რო არის რწმენის შეურაწყოფა, რასაც ეს ვითომ პატრიოტები ჩადიან. რაც მოხდა ეგეც სწორედაც რომ უფლის და ყოვლადწმინდა ღვთისმშობლის ნებით მოხდა თორე ნუთუ ვინმეს სწამს და ამავე დროს ფიქრობს რომ სხვაგვარად შეიძლება მომხდარიყო.
მასხარა ინაშვილს ხატის ჯავრი ქონდა რაა. მილიონები გამოიტანა ალბათ!