მნიშვნელოვანი ინფორმაცია
23
აპრილიდღის ზოგადი ასტროლოგიური პროგნოზი
ხუთშაბათი, მთვარის ოცდამეექვსე დღე დაიწყება 05:06-ზე, მთვარე თევზებშია
საკმაოდ რთული დღეა. თავი შეიკავეთ ყოველგვარი კონფლიქტისგან. არ დაიწყოთ ახალი საქმეები. მოერიდეთ ფულის ხარჯვას; ვაჭრობაში არ მოტყუვდეთ. კარგი დღეა სწავლისა და გამოცდის ჩასაბარებლად. მოერიდეთ სამსახურის, საქმიანობის შეცვლას. უფროსთან კამათს. მგზავრობა და მივლინება სხვა დღისთვის გადადეთ. კარგია მსუბუქი ვარჯიში; საოჯახო საქმეების შესრულება. თავი შეიკავეთ მოწევისა და ალკოჰოლისგან. გაუფრთხილდით ფეხებს. არ გადაღალოთ, ჩაიცვით მოსახერხებელი ფეხსაცმელი. კარგია ტერფების მასაჟი.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"გვითხრა, სიამოვნებით ვუერთდები თქვენს კამპანიასო" - თენგიზ ცერცვაძეს ისტორიულ-რომანტიკულ ფანტასტიკაში გადაიღებენ
12:45 / 27-08-2020
კორონავირუსის პანდემიის დროს სახლში გამოკეტილ არაერთ ადამიანს ახალი იდეები გაუჩნდა, რომელიც განახორციელა კიდეც, მაგალითად, რეჟისორმა ნიკოლოზ ხომასურძემ ფილმის სცენარი დაწერა, რომლის გადაღებაც უკვე დაიწყო.
"ამ სცენარისკენ პანდემიამ მიბიძგა და კარანტინში დავწერე, მინდოდა, ის განცდები გადმომეცა, რასაც ვგრძნობდით, რომელშიც ვცხოვრობდით, რასაც ვაკეთებდით, როგორ ველოდით საინფორმაციო გამოშვებებს... ურთულესი პერიოდი იყო - ადამიანები სხვადასხვა სივრცეში 14 დღით იყვნენ გამოკეტილი და საზოგადოებასთან კონტაქტი ეკრძალებოდათ. იყო საოცარი ემოციები და განცდები, რადგანაც იმაზეც ფიქრობდნენ, დაუდგინდებოდათ თუ არა კორონავირუსი...
ასე რომ, იმ ადამინების ყოფა მკაფიოდ წარმოვიდგინე და მათ ტყავში შევძვერი... პროექტს "გააზიარე სიყვარული“ დავარქვი", - აღნიშნავს ნიკოლოზ ხომასურიძე, ხოლო კითხვაზე - თუ რატომ სიყვარული? გვეუბნება, რომ ჩვენს საზოგადოებას სიყვარული და ურთიერთპატივისცემა აკლია, ამიტომ, აუცილებელია, ერთმანეთს სითბო, სიყვარული გავუზიაროთ. ნიკოლოზ ხომასურის თქმით, - ფილმი, რომელსაც გადაიღებს, მნახველს სიყვარულს შეაყვარებს, ამასთანავე, თავის სამშობლოს და მის ისტორიაზე კიდევ ერთხელ დააფიქრებს.
- კონკრეტულად რაზეა ფილმის სიუჟეტი?
- სიყვარულზე, კარანტინის პერიოდზე და დროში მოგზაურობაზე, ანუ ისტორიულ-რომანტიკული ფანსტასტიკაა... პირველი 20 წუთი სასტუმრო "მუზეუმში" უკვე გადავიღეთ...
ფილმის გმირები ერთმანეთს საფრანგეთში გაიცნობენ, საქართველოში დაბრუნდებიან და კარანტინში ხვდებიან. იმის გამო, რომ შეყვარებულები იმ პერიოდში ერთმანეთს ფიზიკურად ვეღარ ხვდებიან, ბიჭი სპეციალურ სუნთქვით ვარჯიშებს იწყებს, რომელსაც "კავკასიური იოგა" ჰქვია და ამას გოგოსაც ასწავლის. იმის გამო, რომ დროებით ვერ ხვდებიან, სუნთქვითი ვარჯიშების მეშვეობით დროსა და სივრცეში მოგზაურობენ, ხვდებიან წინა სააუკუნეებში. კონტაქტი უწევთ ისტორიულ პიროვნებებთან - დავით აღმაშენებელთან, გიორგი ჭყონდიდელთან, რუსთაველთან, ნიკო ფიროსმანთან, დავით სარაჯიშვილთან, ზაქარია ფალიაშვილთან, გალაკტიონთან, კლოდ მონესთან... 
ამ ადამიანებს ფილმის მთავარი გმირები ხან თვითონ განასახიერებენ, ხან მათი თანამედროვენი არიან. ილია ჭავჭავაძისა და ოლღა გურამიშვილის სიყვარულის ისტორიაც გვაქვს, რასაც პარალელურად, წყვილის ცხოვრება კარანტინის პერიოდში ენაცვლება... მერე ერთი ავადდება, მეორე - არა, ფინალი მძაფრდება, თუმცა ძალიან საინტერესოა და მაყურებლისთვის მოულოდნელიც, - გვიყვება რეჟისორი, რომელიც ფიქრობს, რომ პროექტი წლის ბოლომდე დასრულდება და მაყურებელს მისი ნახვის საშუალება ექნება.
მთავარ როლებს გიორგი გილიგაშვილი და ელისაბედ ბერიშვილი თამაშობენ.
"ელისაბედ ბერიშვილი კასთინგის დროს აღმოვაჩინე (ჯერჯერობით სკოლის მოსწავლეა, სკოლას გაისად ამთავრებს, რამდენიმე ვიდეორგოლში უკვე გადაღებულია). მათ პერსონაჟებს დავარქვი - ონია (რაჭის და ონის საპატივსაცემოდ) მეტრეველი და ქარი ჭელიძე, ამ როლს, როგორც ვთქვი, გიორგი გილიგაშვილი ასრულებს“.
- რა უჩვეულო სახელები ჰქვიათ?
- ეს სახელები იმიტომ შევარჩიე, რომ არავის რქმეოდა... თან, "ქარი" იმიტომ, რომ ფილმში ქარის ლეგენდის ეპიზოდიც გვაქვს. რეალურად კი, "ქარი" პიროვნებაა, რომელიც მოძრაობს დროსა და სივრცეში. თავისუფალი სულია, რომანტიკული, მეომარიც, როგორც გითხარით, რამდენიმე ისტორიულ გმირსაც აცოცხლებს. გიორგი გილიგაშვილს ვფიქრობ, ეს როლი ძალიან უხდება.
- როგორც შევიტყვე, აპირებთ, რომ ფილმში თენგზ ცერცვაძეც გადაიღოთ. იმედია, ის დროსა და სივრცეში არ იმოგზაურებს და რეალურად ბატონი თენგიზი იქნება...
- ფილმში ბატონ თენგიზის ეპიზოდები ჯერ არ გადაგვიღია, თუმცა ის ახლანდელ დროშიც იქნება და წარსულშიც. ბატონო თენგიზ, - ასე ოფიციალურად არ მიმართავენ, მაგრამ ნამდვილად თენგიზ ცერცვაძეა და არა სხვა. ფილმში მისი მონაწილეობით მინდა, ამ პროფესიონალი ადამიანის მიმართ ჩემი დამოკიდებულება, პატივისცემა გამოვხატო. საერთოდ, ქართველმა ექიმებმა ძალიან კარგად იმუშავეს, კარგად მართეს კარანტინის პერიოდი... თენგიზ ცერცვაძე, სხვა პროფესიონალთან ერთად, საოცარი პიროვნებაა, ეროვნული თვითშეგნების მქონე და დასაფასებელი კაცი. მისი ფილმში გამოჩენა იმ სინამდვილეს და პარალელურად ისტორიასაც ასახავს, რაც იმ პერიოდში ჩვენში ხდებოდა. ფილმი მხატვრულია, მაგრამ ცნობილი ექიმის გამოჩენა იმის დოკუმენტური დადასტურებაა, რაც ყველამ ერთად ცოტა ხნის წინ გამოვიარეთ, რაც მინდოდა, შემოქმედებაშიც აგვესახა. ეს არის პარალელები აწმყოსა და წარსულს შორის, ასევე ისიც, სამომავლოდ რა პერსპეტივა გვექნება.
- როდესაც როლი შესთავაზეთ, რა გიპასუხათ?
- იდეა ბატონ თენგიზს მოეწონა. მასთან კი გიორგი ბერიძემ, ინფექციური საავადმყოფოს პიარმა დამაკავშირა. ბატონი თენგიზის კაბინეტში შევხდით და სცენარი გავაცანით. გაირკვა, რომ თურმე შორიდან გვიცნობს და პატივს გვცემს, - ჩემი შემოქმედება მისთვის ნაცნობი ყოფილა. ასე რომ, სიამოვნებით ვუერთდები თქვენს კამპანიასო.
- უფრო კონკრეტულად რომ გვითხრათ, ისტორიული პიროვნებებს როლს ვინ ითამაშენენ?
- რაღაც მომენტში, როგორც ვთქვით, ისტორიული გმირები თვითონ არიან, რამდენიმე სცენაში - სხვები. დავით აღმაშენებელი, ნიკო ნიკოლაძე, კლოდ მონე, ილია - ეს როლები შეიძლება, გიორგი გილიგაშვილმა შეასრულოს, ელისაბედ ბერიშვილი ქალბატონების როლებს ითამაშებს, ლაშა კანკავა გიორგი ჭყონდიდელია, გიორგი მეგრელიშვილს ფიროსმანის როლი ექნება, გიორგი დარჩიაშვილი ადამ ფორაქიშვილი, ეკატერინე ფორაქიშვილის ძმა, ანუ დავით სარაჯიშვილის ცოლის ძმა, რუსთაველის როლზე დავით ჩალათაშვილს ვფქირობ, გალაკტიონი ირაკლი ჯაფარიძეა...
- დაფინანსება საიდან მოიპოვეთ?
- ამ ფილმს თავად მაყურებელი დააფინანსებს ისე, როგორც "ექვთიმეზე" მოხდა. უკვე დავიწყეთ აქტიური მხარდაჭერის კამპანიაც, მინდა, რომ წინასწარ მოვახდინოთ ბილეთების რეალიზაცია, ნებისმიერ ორგანიზაციას, სახელმწიფოს თუ კომერციულს შეუძლია, სურვილის შემთხვევაში, შემოგვიერთდეს. მოკლედ, მხარდამჭერებს ვიკრებთ და როგორც "ექვთიმე“" ნაწილ-ნაწილ გადავიღეთ, ამასაც ასე გადავიღებთ, ოღონდ, უფრო სწრაფად.
ასე რომ, ნებიმიერ მოქალაქეს, როგორც საქართველოში, ისე ქვეყნის გარეთ, შეუძლია, ამ მხარდაჭერის კამპანიაში ჩაერთოს და წინასწარ შეიძინოს 2 ბილეთი. ამას "ფეისბუკზე“" სპეციალურ ლინკზე შესვლით მოახერხებს. შემოგვიერთდნენ, რითაც მაყურებელი ფილმის შემქმნელი და მხარდამჭერი თვითონვე გახდება, რაც უსიამოვნო პროცესი სულაც არ არის.
მკითხველის კომენტარები /
2 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ემუქრება თუ არა საფრთხე ევროკავშირთან უვიზო მიმოსვლის შეჩერებას ?
კვირის კითხვადი სტატიები
მნიშვნელოვანი ინფორმაცია
მკითხველის რჩევით
გილოცავთ....ბილეთის ფასი?
,,ექვთიმე" ხომ გადაიღეთ შედევრი-სენტიმენტალურ-დაშაქრული. ეს ფილმიც ალბათ ისეთივე იქნება.