მნიშვნელოვანი ინფორმაცია
23
აპრილიდღის ზოგადი ასტროლოგიური პროგნოზი
ხუთშაბათი, მთვარის ოცდამეექვსე დღე დაიწყება 05:06-ზე, მთვარე თევზებშია
საკმაოდ რთული დღეა. თავი შეიკავეთ ყოველგვარი კონფლიქტისგან. არ დაიწყოთ ახალი საქმეები. მოერიდეთ ფულის ხარჯვას; ვაჭრობაში არ მოტყუვდეთ. კარგი დღეა სწავლისა და გამოცდის ჩასაბარებლად. მოერიდეთ სამსახურის, საქმიანობის შეცვლას. უფროსთან კამათს. მგზავრობა და მივლინება სხვა დღისთვის გადადეთ. კარგია მსუბუქი ვარჯიში; საოჯახო საქმეების შესრულება. თავი შეიკავეთ მოწევისა და ალკოჰოლისგან. გაუფრთხილდით ფეხებს. არ გადაღალოთ, ჩაიცვით მოსახერხებელი ფეხსაცმელი. კარგია ტერფების მასაჟი.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ყველაზე მდიდარი პოპულარული ქართველი ქალები - ფული, კარიერა და მდიდარი მშობლები...
21:46 / 26-08-2020
ისინი არასოდეს ყოფილან კონკიები, მათ დაბადებიდანვე საინტერესო ცხოვრება ჰქონდათ. ზოგიერთ მათგანს მდიდარი მემკვიდრეობა და პოპულარული ოჯახისშვილობა დაბადებიდან ერგო. გაგაცნობთ ყველაზე მდიდარ ქართველ ქალებს, რომლებიც დღეს სერიოზულ კაპიტალს ფლობენ...
ია ფარულავა
ია ფარულავა რამდენიმე წლის წინ ამბობდა, რომ მისი შემოსავლის წყარო ძირითადად სატელევიზიო კონტრაქტებია, თუმცა მსახიობი ღარიბი არასოდეს ყოფილა. ფარულავას რამდენიმე უძრავი ქონება აქვს, მათ შორის ბანკის მიერ მილიონ დოლარად შეფასებული სახლი აბანოთუბანში, რომელიც პოპულარულ სასტუმროდ აქცია.
ასევე აქვს ბინა ყაზბეგის ქუჩაზე, რომელიც 85 ათას დოლარად არის შეფასებული და ორსართულიანი სახლი ნუცუბიძეზე, რომლის ღირებულებაც 250 000 დოლარს შეადგენს. ფარულავა შემოსავლებს არ აკონკრეტებს, თუმცა მხოლოდ მის გარდერობში უამრავი ძვირფასი ბრენდის კაბაა, თითოეულის საბაზრო ღირებულება რამდენიმე ათას დოლარს შეადგენს.
თიკა კანდელაკი
თბილისში დაბადებული რუსი ტელეწამყვანი და ბიზნესლედი თინა კანდელაკი, ამჟამად ფედერალური სპორტული ტელეარხის "Матч ТВ"-ს გენერალური პროდიუსერია და ფლობს საკუთარ კოსმეტიკური ბრენდ AnsaLigy-ს. თინას აქვს ასევე მოსკოვში საკუთარი სახელობის ქართული რესტორანი - "თინათინი"...
კანდელაკი რუსეთში ერთ-ერთი ყველაზე მაღალანაზღაურებადი ტელეწამყვანი და პროდიუსერია. მისი მოსკოვური აპარტამენტი 400 კვ. მეტრი ფართის და დუპლექსის ტიპის საცხოვრებელია პანორამული ფანჯრებით. რაც შეეხება ორსართულიან ფეშენებელურ სახლს "რუბლიოვკაზე" - "ოცნების სახლის" მშენებლობა სამი წელი მიმდინარეობდა და მას თავად კანდელაკი ხელმძღვანელობდა.
რესტორანი „თინათინი“ მოსკოვის პრესტიჟულ უბანში მდებარეობს და ის მდიდრების საყვარელი თავშეყრის ადგილია, სადაც სტუმრებს ხაჭაპურით, ხინკლით, გებჟალიით, ფხალეულისა და სხვა ქართული კერძების დაგემოვნება შეუძლიათ. მაგალითად, ხაჭაპურის ფასი დაახლოებით 8 დოლარის ფარგლებშია, ერთი ცალი ხინკალი კი 2 დოლარამდე ღირს.
მაკა ასათიანი
დიზაინერი და უბრალოდ ძალიან პოპულარული ქართველი ქალი მაკა ასათიანი ტელეკომპანია "მაესტროს" 25%-იანი წილის მფლობელი გახლდათ. ის ასევე ფლობდა აქციებს "მერსედესის" სადილერო კომპანია შპს "აკასა" და შპს "ნოღელაში".
წლების წინ მაკას ბიზნესსაქმიანობა სამოდელო სააგენტოს დაფუძნებით დაიწყო. კარგა ხანს მამის, კახი ასათიანის კუთვნილ კომპანიას - "აირზენასაც" ხელმძღვანელობდა. მაკა ასათიანის მეუღლის, კოტე გოგელიას ქონება, არაოფიციალური მონაცემებით, 50 მილიონი დოლარია. გოგელია-ასათიანის წყვილი შვეიცარიაში ცხოვრობს.
ქეთა თოფურია
რუსული ჯგუფის "ა-სტუდიოს" ქართველი სოლისტი, ქეთა თოფურია რუსული ბაზარზე ერთ-ერთი ყველაზე ძვირადღირებული მომღერალია, რომელმაც საკუთარი კარიერით უდიდესი კაპიტალი დააგროვა. ქეთას ყოფილი ქმარი მილიონერი ებრაელი ბიზნესმენი ლევ გეიხმანი გახლდათ, რომელთან გაშორების შემდეგაც ქონების რა ნაწილი ერგო მომღერალს საიდუმლოა.
ორი წლის წინ დაასრულა წყნეთში საკუთარი ვილის მშენებლობა თოფურიამ. ბოლო წლების განმავლობაში ის ყოველ ზაფხულს წყნეთში ჩამოდიოდა და მისი ქალიშვილი ოლივია იქ ატარებდა ძირითად დროს. როგორც ჩანს, სწორედ ეს გახლდათ მიზეზი, რომ საკუთარი სახლი საყვარელ ადგილას ჰქონოდა.
ქეთი მელუა
დიდ ბრიტანეთში მოღვაწე ცნობილი ქართველი მომღერალი, ქეთი მელუა, უცხოური მედიის ინფორმაციით 20 მილიონი დოლარის მფლობელია. ქუთაისში დაბადებული მელუა ბელფასტში გაიზარდა და მისი სასცენო დებიუტი 2003 წელს შედგა. პირველი ალბომის გამოშვების შემდეგ კი ბრიტანეთში საუკეთესო ქალი შემსრულებლის სტატუსი მოიპოვა.
სოფიკო შევარდნაძე
ძვირადღირებული და გავლენიანი ტელე და რადიოწამყვანი სოფიკო შევარდნაძე, ამჟამად რუსეთში ცხოვრობს და მოღვაწეობს. როგორც ერთ-ერთ ინტერვიუში აღნიშნა ყოველთვის ოცნებობდა სასტუმროში ცხოვრებაზე და ახლა მისი ბინა ნამდვილად ჰგავს სასტუმროს. მდიდარი ჟურნალისტის სახლი მოსკოვის ისტორიულ უბანში მდებარეობს და 1914 წელს არის აშენებული.
1920-იან წლებში აქ ცნობილი ლიტერატურული კლუბი ფუნქციონირებდა, სადაც რეგულარულად დადიოდნენ ბულგაკოვი, ტოლსტოი და სხვანი. საქართველოს მეორე პრეზიდენტის შვილიშვილი თბილისში დაიბადა და უზრუნველი ბავშვობა პარიზში გაატარა. ნიუ-იორკში უმაღლესი განათლების მიღების შემდეგ, მცირე ხანს ბოსტონში მუშაობდა, 2006 წლიდან კი მოსკოვში დაიწყო ცხოვრება.
ანუკი არეშიძე
ანუკი არეშიძე ძალოვანი სტრუქტურის თანამშრომლისა და ექიმის ოჯახში დაიბადა. გოგონას ბედნიერი ბავშვობა ჰქონდა, ოცნებობდა მოდელობაზე, რომელიც თინეიჯერობაში აისრულა, თუმცა, მალე საქართველოში ერთ-ერთ ყველაზე პოპულარულ ბიჭზე გათხოვდა. კახი კალაძე მაშინ კარიერის პიკზე იყო და ფეხბურთელს უამრავი ქართველი გოგონა ეტრფოდა.
ხშირად ვრცელდებოდა ჭორები, რომ კალაძე, რომელიმე მოდელზე იყო შეყვარებული, თუმცა საბოლოოდ იტალიაში ერთ-ერთი სააგენტოს მიერ მიწვეული დამწყები მოდელი მალე საზოგადოებაში საცოლის სტატუსით გამოაჩინა. ანუკის საქართველოში უკვე იცნობდნენ, თუმცა მოდელმა კარიერაზე უარი თქვა და იტალიაში ტანსაცმლის დიზაინი შეისწავლა.
დღეს ანუკი საკუთარ სამოდელო ხაზს და მაღაზიებს ფლობს. გარდა იმისა, რომ ოფიციალური მილიონერის ცოლია, მისი შემოსავალი საკმაოდ შთამბეჭდავია, რადგან „ანოუკის“ ტანსაცმელი, საქორწინო კაბები და ფეხსაცმელი ათასობით ლარი ღირს.
მკითხველის კომენტარები /
17 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ემუქრება თუ არა საფრთხე ევროკავშირთან უვიზო მიმოსვლის შეჩერებას ?
კვირის კითხვადი სტატიები
მნიშვნელოვანი ინფორმაცია
მკითხველის რჩევით
მაკა რა ქალიაა
ერთი გამაგებინეთ, შევარდნაძის შვილიშვილი რომ გაიქცა, რაში ადგას საქართველოს, ასევე ყველა ის, ვინც შეძლებულები, დღეს საზღვარგარეთაა. ესენი დაბრუნდებიან და ააშენებენ საქართველოს? ხომ ატყობთ, ქურდიც არ ბრუნდება, აბა პამპერსების შემცვლელებთ გინდათ საქართველოს აღორძინება? და ესენი კიდევ, ქედმაღლურად გვიყურებენ საქართველოში მყოფ ქართველებს. კარგით რა, ამასაც რომ ვერ ხედავთ, ცუდათა გაქვთ საქმე.