მნიშვნელოვანი ინფორმაცია
23
აპრილიდღის ზოგადი ასტროლოგიური პროგნოზი
ოთხშაბათი, მთვარის ოცდამეხუთე დღე დაიწყება 04:59-ზე, მთვარე 09:03-ზე გადავა თევზების ზოდიაქოში
ახალ საქმეებს ნუ წამოიწყებთ, მაგრამ დაწყებულები დაასრულეთ. კარგი დღეა ვაჭრობისთვის, სასამართლო საქმეებისთვის. არასასიამოვნო დღეა კონტაქტებისთვის, აკონტროლეთ თქვენი ემოციები. არ იკამათოთ და მოერიდეთ უსიამოვნო საუბრებს. კარგი დღეა მოგზაურობის დასაწყებად, მგზავრობისათვის. სხვა დღისთვის გადადეთ ქორწინება და ნიშნობა. მოერიდეთ ალკოჰოლსა და სიგარეტს. ამ დღის რთული ორგანოა ყურები, მოერიდეთ მათ გახვრეტას, ოპერაციას, გაწმენდას. არ გირჩევთ ოპერაციის ჩატარებას ღვიძლზე, ფეხებზე.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ოთახებში წვიმს... ტომოგრაფიის გასაკეთებლად პაციენტები სხვა კლინიკებში გადაჰყავდათ" - რატომ ვერ შეიქმნა ინფექციურ საავადმყოფოში სამუშაო პირობები?
17:07 / 21-08-2020
ინფექციური პათოლოგიისა და შიდსის ცენტრი შიდსითა და კორონავირუსით ინფიცირებულ პაციენტებს აღარ მიიღებს. ამის შესახებ მედიისთვის გუშინ გახდა ცნობილი.
რატომ მიიღო ინფექციური საავადმყოფოს ხელმძღვანელმა ასეთი რადიკალური გადაწყვეტილება - ამ კითხვაზე ოფიციალური პასუხი თენგიზ ცერცვაძეს ჯერჯერობით არ გაუცია, თუმცა საყოველთაოდ ცნობილია იმ უმძიმესი პირობების შესახებ, რაც ცენტრის სრულყოფილად ფუნქციონირებას შეუძლებელს ხდიდა.
იმას, რომ ინფექციური საავადმყოფოს წლების განმავლობაში მისი ფუნქციისთვის შეუსაბამო პირობებში უწევდა მუშაობა, არავინ უარყოფს. მათ შორის არც მოქმედი და არც - წინა ხელისუფლება. მიუხედავად ამისა, ცენტრის პრობლემის მოგვარება დღემდე ვერცერთმა მთავრობამ შეძლო.
საავადმყოფო, რომელმაც კორონავირუსთან წარმატებულ ბრძოლაში ლომის წვლილი შეიტანა, წლებია, იჯარით აღებულ შენობაში ფუნქციონირებს. ტერიტორია, სადაც ინფექციური საავადმყოფოს და შიდსის ცენტრის შენობაა განთავსებული, 2009 წელს გაიყიდა. ის კომპანია "ავერსი ფარმამ" შეიძინა, რის შემდეგაც ფართის მეპატრონე ინფექციურ საავადმყოფოს შენობის გარემონტების უფლებას არ აძლევს.
საავადმყოფოს თანმშრომლებმა ამის გამო საპროტესტო აქციაც გამართეს, სადაც მათ "ავერსის" მიერ კლინიკის სახურავის შეკეთების მიზნით ადმინისტრაციულ შენობასთან ჯებირების აღმართვა გააპროტესტეს. ელემენტარული პირობების არქონის გამო შეწუხებული ექიმები დაწესებულებაში არსებულ უმძიმეს მდგომარეობაზე საუბარს მედიასთან არ ერიდებოდნენ.
მათი მონათხრობით, ყოველი გაწვიმებისას სამუშაო ოთახებშიც ისევე წვიმს, როგორც - ღია ცის ქვეშ.
თავად კლინიკის ხელმძღვანელი თენგიზ ცერცვაძე წლების განმავლობაში ღიად და ხმამაღლა საუბრობდა ყველა იმ პრობლემის შესახებ, რომლის წინაშეც საავადმყოფო იდგა.
ცერცვაძის ნაამბობის მიხედვით, შენობის ავარიული მდგომარეობის გამო ზოგიერთ სამედიცინო პროცედურებს საერთოდ ვერ ვერ ატარებენ. მაგალითად, ვერ იყენებენ კომპიუტერული ტომოგრაფიის ორ ახალ აპარატს, რომელსაც სპეციფიკური უსაფრთხოების ნორმების მიხედვით მოწყობილი ოთახი სჭირდება.
მისივე თქმით, "კატეს" აპარატურა მათ საწყობში ინახება, პაციენტები კი, მათ შორის კოვიდინფიცირებულები, კომპიუტერული ტომოგრაფიის გასაკეთებლად სხვა კლინიკებში გადაჰყავდათ, რაც ცენტრისთვის დამატებითი ფინანსური ხარჯია, პაციენტისთვის კი - დისკომფორტი.
გუშინ საზოგადოებრივი მაუწყებლისთვის მიცემულ ინტერვიუში თენგიზ ცერცვაძემ მედიისთვის აქამდე უცნობი პარადოქსული ფაქტის შესახებაც ისაუბრა. ცერცვაძემ "პირველ არხს" უთხრა, რომ თებერვალში ჯანდაცვის სამინისტრომ, მისივე რეგულირების სამსახურის მიერ მომზადებული დასკვნის საფუძველზე, ინფექციურ საავადმყოფოს სავალდებულო სავენტილაციო სისტემის არქონის გამო, სასამართლოში უჩივლა.
"თებერვალში თვითონ სამინისტრომ, მისივე რეგულირების სამსახურის მიერ მომზადებული დასკვნის საფუძველზე, სასამართლოში გვიჩივლა. კურიოზული შემთხვევაა, სასამართლოში გვიჩივლა, რომ ცენტრს არ ჰქონდა სავალდებულო სავენტილაციო სისტემა. ანუ, სამინისტრომ სასამართლოში გვიჩივლა იმ ხარვეზისთვის, რომელი ხარვეზის გამოსწორებას ჩვენ მანამდეც და შემდეგაც თვითონ სამინისტროს ვთხოვდით", – განაცხადა ცერცვაძემ.
რატომ გახდა მოუგვარებელი პრობლემა ინფექციური საავადმყოფოსთვის შესაბამისი სამუშაო პირობების შექმნა - ამ კითხვაზეე პასუხი სახელმწიფო უწყებებში არ აქვთ.
AMBEBI.GE-მ ჯანდაცვის სამინისტროს კითხვებით მიმართა, თუმცა მათ ინფექციური საავადმყოფოს საკითხზე კომენტარის გაკეთებისგან დაუდგენელი ვადით შეიკავეს თავი.
"ამ საკითხზე კომენტარს არ ვაკეთებთ და არ ვიცი ზუსტად როდის გავაკეთებთ. როცა გადავწყვეტთ, გაგაგებინებთ" - განგვიცხადეს უწყებაში.
ჯანდაცვის ყოფილმა მინისტრმა მიმდინარე წლის მარტში მედიასთან ფაქტობრივად საჯაროო "აღსარება" გააკეთა და მოიბოდიშა იმის გამო, რომ ვერც მან შეძლო ინფექციური საავადმყოფოს პრობლემის მოგვარება.
"მე მართლაც ადამიანურად ძალიან ვწუხვარ და ეს დიდწილად ჩემი ბრალიც არის, რომ ამ წლების განმავლობაში, სანამ მინისტრად ვმსახურობდი, ვერ მოვახერხე ამ პრობლემის მოგვარება და მართლაც მძიმე ტვირთად მაწევს. შეიძლება ყველაზე დიდი ტვირთი ჩემი მინისტრობიდან სწორედ ეს იყოს" - განუცხადა სერგეენკომ ჟურნალისტებს.
მან იმ უშედეგო მცდელობებზეც ისაუბრა, რაც სახელმწიფოს მისი მინისტრობის პერიოდში ჰქონდა.
"ჩვენ რამდენიმე მცდელობა გვქონდა, რომ სხვადასხვა გადაჭრის გზები მოგვეძებნა ამ ინფრასტრუქტურის მოსაგვარებლად, მაგრამ სამწუხაროდ, ვერ მოვახერხე ამის გაკეთება. პირველი 2013-2014 წლების განმავლობაში იყო მცდელობა, რომ მოვლაპარაკებულიყავით იმ იურიდიულ დონეზე, იმ კონტრაქტით რაც არის გაფორმებული მეპატრონესა და სახელმწიფოს შორის და ვერ შევთანხმდით ამ დეტალებზე. ამის შემდეგ, გვქონდა მცდელობა, რომ იგივე ფართი მოგვეძებნა, სადაც იჯარით ავიღებდით, სახელმწიფო იქირავებდა და გადავიტანდით დაწესებულებას, სამწუხაროდ, ესეც ვერ მოხერხდა" - აღნიშნა სერგეენკომ.
რატომ ჩაიშალა ცენტრის პროექტირებისთვის გამოცხადებული ყველა ტენდერი - ამ კითხვაზე პასუხი ჟურნალისტების არაერთი მცდელობის მიუხედავად, პასუხისმგებელ უწყებას დღემდე არ გაუცია. პირველი ტენდერი ცენტრის პროექტირებისთვის ჯანდაცვის სამინისტრომ 2017 წელს გამოაცხადა. 266 949 ლარის ღირებულების ტენდერი ჩაიშალა.
მეორე საერთაშორისო ტენდერი , რომელიც მუნიციპალური განვითარების ფონდმა გამოაცხადა, მოულოდნელად შეწყდა. გამარჯვებულ კომპანიას ახალი შენობა 18 თვის განმავლობაში უნდა აეშენებინა. პროექტის დიზაინისთვის გამოყოფილი იყო 300 ათასი ევრო, მშენებლობისთვის კი - 6 მილიონი ევრო.
ამ ეტაპზე ბოლო დაპირება ინფექციურმა საავადმყოფომ 2019 წლის დეკემბრის ბოლოს, პანდემიამდე მიიღო. პრემიერ მინისტრი გიორგი გახარია თენგიზ ცერცვაძეს დაჰპირდა, რომ წლების განმავლობაში მოუგვარებელ პრობლემას მოაგვარებდა და ინფექციური საავადმყოფოსთვის სახელმწიფო ახალ შენობას გამოყოფდა.
დაპირებიდან რვა თვის თავზე პრობლემა კვლავ მოუგვარებელია, თუმცა იმედისმომცემი სიახლე იყო ჯანდაცვის მინისტრის გუშინდელი განცხადება, რომლის მიხედვითაც, მთავრობამ ცენტრისთვის ახალი შენობა შეიძინა.
"მთავრობამ ინფექციური საავადმყოფოსთვის ახალი შენობა შეიძინა, რომელიც 40 მილიონის ღირებულებისაა და ასევე მიმდინარეობს რემონტის საკითხის მოგვარება, რათა მათ მიეცეთ იმ პირობებში მუშაობის საშუალება, რომელიც ნებისმიერი ნორმალური კლინიკის ფუნქციონირებისთვის არის საჭირო", - აღნიშნა ეკატერინე ტიკარაძემ
მკითხველის კომენტარები /
9 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ემუქრება თუ არა საფრთხე ევროკავშირთან უვიზო მიმოსვლის შეჩერებას ?
კვირის კითხვადი სტატიები
მნიშვნელოვანი ინფორმაცია
მკითხველის რჩევით
საინტერესოა, რომ ჟურნალისტთაგან არავის მოსდის აზრად, რომ ავერსს კითხვები დაუსვას მაშინ, როცა ვისთვისაც ბაჩალიაშვილს გამარჯობა უთქვამს ან არც უთქვამს, ტელევარსკვლავი გახადეს...
სამაგიეროდ, ბორიას სტომატოლოგი ყოველდღე სალონში ზის და თმებს იყენებს! ამას ფული ხომ უნდა ბიუჯეტიდან! სად ცალია თქვენი ტომოგრაფიისათვის!