როგორ შევარჩიოთ პარკეტი?

რემონტის დროს იატაკის საფარის შერჩევა ერთ-ერთ მნიშვნელოვან და საპასუხისმგებლო საკითხად შეიძლება მივიჩნიოთ, ვინაიდან სწორედ მისი სტილი, დიზაინი, ფერი, სტრუქტურა და შემადგენლობა განსაზღვრავს ოთახის და მთლიანად სახლის განწყობილების და სიმყუდროვის დონეს.

რა თქმა უნდა, იატაკის შერჩევისას, ნატურალური ხის პარკეტს კონკურენტი არ ჰყავს და არჩევანი პარკეტზე დაუფიქრებლადაც კი შეგვიძლია შევაჩეროთ. განსაკუთრებით მაშინ, როდესაც ჩვენთვის, ხარისხისა და ჯანმრთელობის საკითხები ერთ-ერთი გადამწყვეტია.

მოდერნისტული სტილის, მდიდრული, დახვეწილი, გემოვნებიანი პარკეტის შერჩევა კი თბილისში, „გალერეა დემასში“ მშრალი ხიდის მიმდებარედ შეგიძლიათ.

ადგილი სადაც, თქვენი მისაღები ოთახის, საძინებლის, საკლასო თუ საოფისე ოთახებისთვის, მაღალი ხარისხის, ევროპული, კერძოდ კი გერმანული, ლიტვური და ხორვატიული მუხის ნატურალური ხის პარკეტების ფართო არჩევანია სხვადასხვა ფერისა და დიზაინის მიხედვით.

გასათვალისწინებელია, რომ პარკეტი, იატაკის საფარის სხვა ალტერნატივებთან შედარებით უფრო ძვირი სიამოვნებაა, თუმცა უნდა აღინიშნოს, რომ იგი ჯანმრთელობისთვის სასარგებლოა, ოთახში სითბოს მეტად ინარჩუნებს და სწორი მოვლის და სწორი დაგების შემთხვევაში იგი 40-50 წელიც კი ძლებს.

პარკეტის შერჩევისას, ყურდღება აუცილებლად უნდა გავამახვილოთ თუ რომელი ხის მასალისგანაა ის დამზადებული. მაგალითად, რთულად მოსავლელია კაკლის ხე, რადგან რბილია და მძიმე ნივთების გადაადგილებისას, შესაძლოა მარტივად დავაზიანოთ. მარტივად ემჩნევა მაგალითად ცხიმის ლაქები და დალაქავებული ადგილების გაწმენდა რთულია.

ერთ-ერთ საუკეთესო პარკეტის მასალად შეგვიძლია მუხა დავასახელოთ. ის გამძლეც არის და ვიზუალურადაც ეფექტური და ლამაზია. თუმცა, აუცილებლად გაითვალისწინეთ, რომ მუხის პარკეტთან ერთად, არაა რეკომენდირებული რომ კარ-ფანჯარა, კარი და სხვა ხის ავეჯიც მუხის შეარჩიოთ, ვინაიდან თავისებური სუნისა და სიმძიმის გათვალისწინებით, სახლში დაძინებაც კი რთული აღმოჩნდეს.

„გალერეა დემასის“ ასორტიმენტი ბრაშირებული, ანუ სპეციალური მეტალის ჯაგრისით დამატებით დამუშავებული მოხვეწილი ხის ზედაპირის მქონე პარკეტებსაც აერთიანებს. ასეთი მეთოდით დამუშავებული იატაკი პრაქტიკულ საექსპლუატაციო თვისებებს იძენს. დროთა განმავლობაში მას ნაკლებად ეტყობა ლაქები, ჭუჭყი და რაც მთავარია ნაკაწრები.

ცვეთისადმი და კაწვრისადმი მედეგობის თვალსაზრისით, ერთ-ერთი მნიშვნელოვანი ფაქტორი ზედაპირის ლაკითა და ზეთით დამუშავებაა. იატაკის დამუშავების ბოლო ეტაპია მისი დაფარვა ლაქით, ზეთით და ცვილით. სწორედ ამაზეა დამოკიდებული, რამდენად დიდხანს გაძლებს იატაკი. ლაქი იცავს იატაკს მტვრისა და ჭუჭყისაგან, ანიჭებს პარკეტს ლამაზ ვიზუალურ ელფერსა და სიპრიალეს, გამოკვეთაგვს ხის სტრუქტურას.

მიუხედავად იმისა, რომ ზეთით ან ცვილით დაფარული ზედაპირი გაცილებით მალე მოითხოვს განახლებას, ზეთი და ცვილი ეკოლოგიურად უფრო სუფთაა ვიდრე ლაკი და იატაკსაც უფრო ნატურალურ და თბილ ელფერს აძლევს.

„გალერეა დემასში“ ნებისმიერ არჩევანში თავისუფალი ხართ ...

გაითვალისწინეთ, რომ თუკი იატაკის ქვეშ გათბობის მილების გაყვანას აპირებთ, ყურადღება პარკეტის იატაკის გათბობასთან თავსებადობაზეც უნდა გაამახვილოთ, ისევე როგორც პარკეტის ნესტგმძლე გაჯერებასთან, რადგან წინააოღმდეგ შემთხვევაში ხის პარკეტი შეიძლება გაიბეროს, გამოშრეს, გასკდეს და მისი ვადაზე ბევრად ადრე გამოცვლა მოგიწიოთ.

https://gallerydemasi.ge/ ტელ: +995 322 999 901

(R)