მნიშვნელოვანი ინფორმაცია
14
აპრილიდღის ზოგადი ასტროლოგიური პროგნოზი
ორშაბათი, მთვარის მეჩვიდმეტე დღე დაიწყება 22:48-ზე, მთვარე მორიელშია
კარგი დღეა ფინანსური საკითხების მოსაგვარებლად, ახალი საქმეების დასაწყებად. ვაჭრობა, უძრავ ქონებასთან დაკავშირებული საკითხების მოგვარება. შეხვედრების, ურთიერთობისა და მხიარულების დღეა. მოერიდეთ საქმეების გარჩევას. უფროსთან კონტაქტი კარგს არაფერს მოგიტანთ. კარგი დღეა მოგზაურობის დასაწყებად, საქმიანობის, სამსახურის შესაცვლელად. კარგი დღეა ქორწინებისთვის, ნიშნობისთვის. დაუშვებელია ქირურგიული ოპერაციის ჩატარება სასქესო ორგანოებზე, მსხვილ ნაწლავზე, შარდის ბუშტზე. მატულობს ვენერიული დაავადებების რისკი. მოსალოდნელია ტრავმები, ქირურგიული ჩარევის ალბათობა.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
რას წერს რუსული მედია გიორგი შაქარაშვილის გარდაცვალების საქმეზე?
10:54 / 11-07-2020
19 წლის ფეხბურთელის გიორგი შაქარაშვილის ტრაგედიის გარშემო საზოგადოებრივი ინტერესი საქართველოს ფარგლებსაც გასცდა. რუსული და სხვა პოსტსაბჭოთა ქვეყნების მედია, ასევე ინტერნეტმომხმარებლები აქტიურად მსჯელობენ მომხდარის შესახებ და საქმის სავარაუდო სცენარებსაც განიხილავენ.
"ქუჩის გარჩევებს ახალგაზრდა ადამიანების სიცოცხლე ისევ ეწირება..." - ასე ეხმაურება 19 წლის ფეხბურთელის ჯერ კიდევ დაუდგენელ ვითარებაში დაღუპვის ამბავს გამოცემა nor.ge. ავტორის თქმით, ეს არის მძიმე მემკვიდრეობა, რომელიც პოსტსაბჭოთა ქვეყნებს ერგოთ და ბოლომდე თავი ვერ დააღწიეს.
korrespondent.net-ის ცნობით, მეგობრებთან პიკნიკს 19 წლის ფეხუბრთელის სიცოცხლე შეეწირა.
"მეგობრის დაბადების დღეზე მომხდარი უთანხმოება სასიკვდილო დაპირისპირებაში გადაიზარდა. ახალგაზრდა ფეხბურთელმა, რამდენიმე ადამიანთან ერთად, იქაურობა დატოვა, მას შემდეგ ის არავის უნახავს... 4-დღიანი ძებნის შემდეგ, რომელშიც 70-მდე მაშველი მონაწილეობდა, მისი ცხედარი მდინარეში იპოვეს" – წერს გამოცემა.
"მეგობრებთან პიკნიკს შეწირული ახალგაზრდა ფეხბურთელის ამბავი, რომლის გარშემოც ქართველი საზოგადოება ყველა დეტალის გამოაშკარავებას ითხოვს... მათივე მოსაზრებით, 17 ეჭვმიტანილის დაკავება საკმარისი არ არის, კითხვები არსებობს, რომელსაც პასუხები უნდა გაეცეს" - ასე ეხმაურება lenta.ru საქართველოში მომხდარ ტრაგედიას.
"მეგობრებთან პიკნიკზე მომხდარ გაუგებრობა ახალგაზრდა ფეხბურთელის სიკვდილით დასრულდა - რა გაირკვევა მდინარეში ნაპოვნი ბიჭის ბურუსით მოცული სიკვდილის გარშემო?.." - წერს კიდევ ერთი რუსული გამოცემა rusvesna.su. მათი ცნობით, ქართული მედია ცდილობს გაარკვიოს, რა ვითარებაში აღმოჩნდა ბიჭი მდინარესთან, მას შემდეგ, რაც მან კონფლიქტის შემდეგ, წვეულება დატოვა.
ამბავს, რომელმაც მთელი საქართველო შეძრა, არა მხოლოდ რუსული მედია, არამედ რუსი ინტერნეტმომხმარებლებიც აქტიურად განიხილავენ:
"მუშაობს საქართველოს პროკურატურაც, მაგრამ კითხვებს ტოვებს, რომელსაც პუნქტებად ჰყოფენ და ნაკლებად სანდო ვერსიებად განიხილავენ ჟურნალისტები და საზოგადოების აქტიური წევრები, რაც ნიშნავს, რომ ისინი სახელმწიფოს ყველა შესაბამის ინსტიტუტს რენდგენში ატარებენ. მივესალმები ასეთ დამოკიდებულებას და ვისურვებდი ჩვენთანაც ყოფილიყოს, კიდევ უფრო მეტი დოზით..." - წერს ინტერნეტმომხმარებელი ვლად ცარსკი.
"რეზონანსული შემთხვევის მიმართ კრიტიკული დამოკიდებულება ყოველთვის ამართლებს ისეთ ქვეყნებში, რომელსაც მართლმსაჯულების მხრივ მძიმე მემკვიდრეობა ხვდა წილად. ეს თითქმის ყველა პოსტსაბჭოთა ქვეყანას ეხება. ძალიან სამწუხაროა, რომ სიმართლის პოვნა ბრძოლით გვიწევს, მაგრამ ზოგ ქვეყანაში ესეც ვერ ხერხდება..." - წერს ინტერნეტმომხმარებელი ვალენტინა ბრაგინეცი.
"დეტალები არ ვიცი, თუმცა ვიცი, რომ საზოგადოებას საფუძვლიანი ეჭვები და კითხვები აქვს და ცდილობენ, ყველაფერზე ამომწურავი პასუხი მიიღონ. მნიშვნელობა არ აქვს, აქტიურობს თუ არა ოჯახი. ეს ნიშნავს, რომ ისინი გამოძიების მაქსიმალურად გამჭირვალედ ჩატარებას ითხოვენ, რაც დემოკრატიის ნიშანია... რუსეთში, განსაკუთრებით კი, ჩრდილოეთ კავკასიის რეგიონში, ასეთი და უარესი ამბები ისე მოხდებოდა, ხმას ვერავინ ამოიღებდა ან ყველაზე დიდი, ოჯახი გააპროტესტებდა, თუკი დასაკარგი არაფერი ექნებოდათ", - მიაჩნია ელენა პარცკის.
"ძალიან ვწუხვარ ახალგაზრდა სიცოცხლის გამო, რომელიც ალბათ სრულიად გაუაზრებელ, იმპულსურ და ზედმეტად ახალგაზრდულ დაპირისპირებას მოჰყვა. დიდი ალბათობით, ვერც ერთმა გაიაზრა კონფლიქტის შედეგი. თუმცა, რასაც ვხვდები, ქართველ საზოგადოებას სურს, ყველა მონაწილე დამსახურებულად დაისაჯოს, მისი სოციალური მდგომარეობის მიუხედავად.
ჩვენ ვართ ქვეყნები, სადაც დემოკრატია და სახელმწიფოს ინსტიტუტები თუნდაც ასეთი ტრაგედიებით, სისხლით, გავლენიანი თუ უბრალო ოჯახების შვილების მიმართ გამოყენებული შერჩევითი სამართლის, მისი შედეგებით გამოწვეული თანმხლები პროცესებისას იწერება. ახლა საქართველოს სასამართლო სისტემა კიდევ ერთ, ძალიან მძიმე გამოცდას გადის, ვნახოთ რა გაირკვევა საქმის გარშემო და საით წავა პროცესები ქვეყანაში" - წერს ანია ტიანი.
მკითხველის კომენტარები /
20 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ქარიშხალი ამერიკის შეერთებულ შტატებში - უცხოური მედიების ცნობით, სტიქიურ მოვლენას, სულ მცირე, 24 ადამიანის სიცოცხლე ემსხვერპლა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
Postsabchota memkvidreoba- zusti natkvamia. Umravlesoba mavne chveva swored sabchota kavshiridan moyveba saqartvelos- korupcia, nepotizmi, mkvlelebis gavleniani mfarvelebi.