სუპერმარკეტები Wolt-ზე!

Wolt-ის აპლიკაციას სუპერმარკეტები დაემატა და მომხმარებელს ახლა უკვე სახლიდან გაუსვლელად სურსათის შეძენაც შეუძლია. ამ ეტაპზე Wolt-ის აპლიკაციით შეგიძლიათ შეიძინოთ პროდუქტები შემდეგი სუპერმარკეტებიდან:

• გუდვილი
• ევროპროდუქტი
• გასტრონომი
• ვეი მარტი
• ანტრეკოტი
• სოფლიდან
• აგრომენი

400-ზე მეტი დასახელების საკვები და პირველადი საჭიროების პროდუქტი Wolt-ზე უკვე ხელმისაწვდომია და ეს რიცხვი მუდმივად გაიზრდება, ისევე როგორც გაიზრდება აპლიკაციაში ჩართული სუპერმარკეტების რაოდენობაც. შესყიდვის პროცესს ონლაინ მხარდაჭერის სერვისი გაგიმარტივებთ, რომლის საშუალებითაც შეგიძლიათ მიიღოთ ნებისმიერ შეკითხვაზე მყისიერი პასუხი.

Wolt-მა სუპერმარკეტების სასწრაფო რეჟიმში დამატების გადაწყვეტილება ქვეყანაში არსებული ვითარების საპასუხოდ მიიღო.

“ჩვენ ვგეგმავდით ამ მიმართულების განვითარებას, მაგრამ არა ასე სწრაფად. არსებულ ვითარებაში კი ჩავთვალეთ, რომ ჩვენი მხრიდან მომხმარებლისთვის ამ დამატებითი სერვისის შეთავაზება ძალიან მნიშვნელოვანია, რადგან ჩვენ იმ გამონაკლის კომპანიებს მივეკუთვნებით, ვისაც, ერთის მხრივ აქვს ეკონომიკური საქმიანობის უფლება, მეორეს მხრივ კი, მზა ინფრასტრუქტურა იმისათვის, რომ ერთდროულად მაქსიმალურად ბევრი მომხმარებლის მოთხოვნა დავაკმაყოფილოთ და შევძლოთ ძალიან სწრაფად მივაწოდოთ არა მხოლოდ საკვები, არამედ სურსათი და პირველადი საჭიროების სხვა პროდუქციაც.”- განმარტავს Wolt საქართველოს გენერალური მენეჯერი ნატალია ხიზანიშვილი.

შეგახსენებთ, რომ Wolt-ში შეკვეთის განთავსება დილის 09:00 საათიდან 19:30 საათამდეა შესაძლებელი და ყველა შეკვეთის მიტანა უკონტაქტო მიტანის რეჟიმში ხორციელდება.

* * *

Wolt საკვების მიტანის ფინური კომპანიაა, რომელიც 2014 წელს, ჰელსინკიში დაარსდა. დღეს, Wolt-ის სერვისით სარგებლობა მსოფლიოს 22 ქვეყანასა და 75-მდე ქალაქშია შესაძლებელი. მათ შორისაა: კოპენჰაგენი, ჰიროსიმა, პრაღა, თელ-ავივი, ბუდაპეშტი, თბილისი და ბათუმი.

საქართველოში Wolt 2018 წლის მაისში შემოვიდა. დღეს, Wolt-ის აპლიკაციით კერძების გამოძახება თბილისის და ბათუმის 450-ზე მეტი რესტორნიდან, და, ახლა უკვე სუპერმარკეტებიდან, არის შესაძლებელი და მისი სერვისით, ყოველდღიურად, ათასობით მომხმარებელი სარგებლობს.

Covid-19-ით გამოწვეულ საგანგებო ვითარებას Wolt-მა არაერთი ცვლილებით უპასუხა: მიღებულ იქნა უსაფრთხოების გამკაცრებული ზომები, დაინერგა უკონტაქტო მიტანის სერვისი, გაიზარდა ხელმისაწვდომი რესტორნების რაოდენობა, დაემატა სურსათის მიტანის სერვისი სუპერმარკეტებიდან, და მრავალი სხვა. დეტალური ინფორმაცია იმ აქტივობების შესახებ, რასაც Wolt ახორციელებს Covid-19-ის გავრცელების თავიდან აცილების მიზნით, შეგიძლიათ იხილოთ განახლებად ბლოგპოსტში.

R