მნიშვნელოვანი ინფორმაცია
24
აპრილიდღის ზოგადი ასტროლოგიური პროგნოზი
ხუთშაბათი, მთვარის ოცდამეექვსე დღე დაიწყება 05:06-ზე, მთვარე თევზებშია
საკმაოდ რთული დღეა. თავი შეიკავეთ ყოველგვარი კონფლიქტისგან. არ დაიწყოთ ახალი საქმეები. მოერიდეთ ფულის ხარჯვას; ვაჭრობაში არ მოტყუვდეთ. კარგი დღეა სწავლისა და გამოცდის ჩასაბარებლად. მოერიდეთ სამსახურის, საქმიანობის შეცვლას. უფროსთან კამათს. მგზავრობა და მივლინება სხვა დღისთვის გადადეთ. კარგია მსუბუქი ვარჯიში; საოჯახო საქმეების შესრულება. თავი შეიკავეთ მოწევისა და ალკოჰოლისგან. გაუფრთხილდით ფეხებს. არ გადაღალოთ, ჩაიცვით მოსახერხებელი ფეხსაცმელი. კარგია ტერფების მასაჟი.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"დამნაშავე ვარ, მაგრამ რასაც წერენ, ყველაფერი სიმართლეს არ შეესაბამება" - რას ყვება ინფიცირებული სპორტსმენი, რომლის გამოც, ათობით ადამიანი კარანტინში მოხვდა
11:10 / 06-04-2020
სპორტსმენი, რომელსაც რამდენიმე დღის წინ ახალი კორონავირუსი დაუდასტურდა, განცხადებას ავრცელებს. მკლავჭიდელი გიორგი ღვინჯილია ახალი ამბების სააგენტო "ლაივპრესს" თავად დაუკავშირდა და განცხადების გავრცელება სთხოვა.
მოგვიანებით, "ფეისბუქის" გვერდზე Tsalenjikha • წალენჯიხა სპორტსმენის ვიდეომიმართვაც გავრცელდა:
გთავაზობთ გიორგი ღვინჯილიას განცხადებას:
"მოგესალმებით, მე ვარ ის სპორტსმენი, სამეგრელოში რომ ვიყავი. პირველ რიგში დიდი ბოდიში მინდა მოვუხადო ყველა იმ ხალხს, ვინც ჩემს გამო კარანტინშია და ნერვიულობენ. ვლოცულობ ყოველდღე, რომ მათ არაფერი დაუდგინდეთ. ვიცი, დამნაშავე ვარ და ჩემს საქციელს არანაირი გამართლება არ აქვს და მე ყველანაირი სასჯელის ღირსი ვარ, მაგრამ რასაც წერენ და გადმოცემენ, ყველაფერი სიმართლეს არ შეესაბამება.
28-29 მარტს გავჩერდი ჩემი მეგობრის ოჯახში, წალენჯიხის რაიონში, სოფელ ლიაში, ვისთანაც 20 მარტს მჭიდრო კონტაქტი მქონდა თბილისში. ვიყავი ზუგდიდში ერთ ოჯახში 1 საათით და ვიყავი წალენჯიხის რაიონის კიდევ ერთ სოფელში საფლავზე, სადაც ჩემს დანახვაზე მეზობელმა შემიპატიჟა სახლში.
საერთო ჯამში კონტაქტი მქონდა 16 ადამიანთან. აქედან მჭიდრო კონტაქტი 4 ადამიანთან. ვიცავდი მაქსიმალურად დისტანციას და ვერიდებოდი ახლო კონტაქტს ყველასთან. არ ვყოფილვარ ჩხოროწყუს რაიონში გავლითაც. არ ვარ რუსეთის მოქალაქე და საერთოდ, ცხოვრებაში ნამყოფი არ ვარ იქ. არ გადმოვსულვარ აფხაზეთიდან. არ მაქვს მოგზაურობის ისტორია.
ვერც წარმომედგინა, რომ ინფიცირებული ვიყავი. არ გამაჩნდა არანაირი სიმპტომი საერთოდ. თბილისში ჩამოსვლის მეორე დღეს, 31 მარტს მეგობარმა დამირეკა, რომელთანაც კავშირი მქონდა 16 მარტს და მითხრა, რომ იმყოფება საავადმყოფოში და ელოდება ტესტის პასუხს. პირველ აპრილს დაუდგინდა კორონავირუსი. მე ეგრევე დავრეკე კონტაქტებთან და ისინი მოექცნენ თვითიზოლაციაში. 3 აპრილს მეც დამიდგინდა COVID-19...
ვესაუბრე ყველა შესაბამის ორგანოს კონტაქტების დადგენაზე. აღვნიშნა სამეგრელო-ზემო სვანეთის ორგანოების კარგ მუშაობას. თითქმის 1 საათში ყველა კონტაქტი დადგენილი იყო და ამზადებდნენ კარანტინში გადასაყვანად. 4 პირი, ვისთანაც ყველაზე ახლო კონტაქტი მქონდა, შეამოწმეს COVID-19-ზე, არცერთს არ დაუდასტურდა.
დღეს მეათე დღეა კონტაქტიდან და არცერთ კარანტინში მყოფ პირს არ აღენიშნება სიმპტომები. ცუდი ფაქტი ის არის, რომ ყველა კონტაქტის პირადი ინფორმაცია გასაჯაროვდა. ყველას სახელი გვარი, მამის სახელი და მისამართები დაიდო ინტერნეტში პოსტის სახით. ათასობით ხალხმა ნახა და ანათემას გადასცა ისინი. მე ჩემს თავს არ ვდარდობ, იმ ხალხს რას ერჩოდნენ, ვინც ისედაც მძიმე ფსიქოლოგიურ მდგომარეობაშია?
ღმერთმა დაგიფაროთ, მაგრამ ხვალ შეიძლება თქვენ აღმოჩნდეთ მსგავს სიტუაციაში. ყველას მოვუწოდებ ჩემს მწარე მაგალითზე, დარჩით სახლში. იყავით ფრთხილად. მოერიდეთ ყველანაირ კონტაქტს. არავინ არ ვართ დაზღვეულები.
შეიძლება სიმპტომები არ გქონდეს და ვიყოთ ინფიცირებული, როგორც ჩემ შემთხვევაში. უღრმესი მადლობა მედ პერსონალს და ყველა იმ უწყებას, ვინც ჩვენს კეთილდღეობაზე ზრუნავს... გვფარავდეთ უფალი", - აცხადებს სპორტსმენი წაიკითხეთ ვრცლად livepress.ge-ზე
მკითხველის კომენტარები /
43 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ნიუ ჯერსიში მასშტაბურ ტყის ხანძარს ებრძვიან
კვირის კითხვადი სტატიები
მნიშვნელოვანი ინფორმაცია
მკითხველის რჩევით
16 მარტი,3 აპრილი,ანუ 14 დღე კარანტინი არასაკმარისია...
წუხილი გვიანია, დარჩი სახლში ნიშნავს სახლში დარჩენას!!!!