24
აპრილიდღის ზოგადი ასტროლოგიური პროგნოზი
საქართველოს ყველა მოქმედ ტაძარში 12:00 საათისთვის ზარები დარეკავს. აღნიშნულის შესახებ საქართველოს საპატრიარქომ გუშინ განაცხადა.
ზარები დაირეკა ასევე სამების საკათედრო ტაძარში, სადაც საკვირაო წირვას პატრიარქის მოსაყდრე მეუფე შიო აღავლენს.
საპატრიარქო მრევლს მოუწოდებს ყოველ დილით ნაკურთხი წყალი დალიონ და თავი შეიკავონ საზღვარგარეთ ვიზიტებისგან.
"გუშინ საქართველოს საპატრიარქომ გაავრცელა წერილი და მოუწოდა დედა ეკლესიამ მის შვილებს დაიცვან ექიმების რეკომენდაციები, უსაფრთხოება და ასევე მოუწოდა, რომ 12 საათისთვის ყველა მოქმედ ტაძარში დაირეკოს ზარები და ითქვას სამი ლოცვა "მამაო ჩვენო", "მოწყალებისა კარი განგვიღე", "ღვთისმშობელო ქალწულო". ასევე რეკომენდაციაა ასეთი, რომ ყველამ ყოველ დილით დალიოს ნაკურთხი წყალი და ასხუროს. ასევე მოუწოდა რომ თავი შეიკავონ საზღვარგარეთ ვიზიტებისგან, თუნდაც ეს მომლოცველობითი სახის იყოს. ზიარების წესზე ითქვა ის, რომ არ შეიცვლება ერთი კოვზით ზიარების წესი, რადგან ეს არის საუკუნოვანი ტრადიცია და ეს დადგენილება არა მარტო საქართველოს ეკლესიამ, საბერძნეთის ეკლესიამაც მიიღო. მხოლოდ შეიცვლება ის, რომ ზიარების შემდგომ ერთჯერადი ჭიქებით დალევს მრევლი "სიტკბოებას" ან იმ ჭიქებით რასაც მრევლი მოიტანს. მსგავსი გადაწყვეტილება ადრე არ მახსენდება", - განაცხადა ჟურნალისტებთან საუბრისას სამების საკათედრო ტაძრის მღვდელმა, იოანე მჭედლიშვილმა.
ასევე მან აღნიშნა, რომ როგორც სამების საკათედრო ტაძარში, ასევე ყველა მოქმედ ტაძარში სადეზინფექციო სამუშაოები ჩატარდა და რეკომენდაციების შესაბამისად ეს სამუშაოები შესაძლოა კიდევ განხორციელდეს.
შეგახსენებთ, პატრიარქის გადაწყვეტილებით, 15 მარტიდან, ყოველ კვირა დღეს 12:00 საათზე ყველა ტაძარში ზარები დაირეკება. ამის შესახებ საქართველოს საპატრიარქოს მიერ გავრცელებულ განცხადებაშია ნათქვამი.
განცხადებაში ასევე აღნიშნულია, რომ წირვის შემდეგ, სასურველია, მოძღვრებმა ლიტანიობა შეასრულონ და ეკლესიის მიმდებარე ტერიტორიას ნაკურთხი წყალი აპკურონ.
ამასთან, უწმინდესის თხოვნაა, რომ ყველა მორწმუნემ ყოველდღიურად წაიკითხოს ყოვლადწმინდა ღვთისმშობლის დაუჯდომელი, ხოლო სასულიერო პირებმა კორონავირუსით დაავადებულებისთვის ილოცონ.
„სასულიერო პირებს ვთხოვთ, გამორჩეულად ილოცონ კორონა ვირუსით დაავადებულთათვის და მათთვის, ვინც თავდაუზოგავად შრომობს დასნეულებულთა გამოსაჯანმრთელებლად.
წირვის შემდეგ, კი, სასურველია, მოძღვრებმა შეასრულონ ლიტანიობა და ნაკურთხი წყალი ასხურონ ეკლესიის მიმდებარე ტერიტორიასა და ქუჩებს.
სრულიად საქართველოს კათოლიკოს-პატრიარქმა მიიღო გადაწყვეტილება, რომ, ვიდრე ქვეყანაში რთული მდგომარეობაა, კვირა დღიდან, 15 მარტიდან, ყოველ კვირა დღეს, 12:00 სთ-ზე, ყველა ტაძარში (სასურველია უცხოეთში არსებულ ქართულ ეკლესიებშიც ამ დროსვე) დაირეკოს ზარები და ერთად ვთქვათ ლოცვები: „მამაო ჩვენო“, „ღვთისმშობელო ქალწულო“ და “მოწყალებისა კარი განგვიღე,“ ხოლო ვინც არ იქნება ეკლესიაში, სადაც არის, იქიდან შემოუერთდეს იმავე ლოცვით, რათა ერთობითა და ერთსულოვნებით შევავედროთ უფალს მთელი მსოფლიო, საქართველო და ჩვენი ოჯახები.
ამასთან, მისი უწმინდესობისა და უნეტარესობის თხოვნაა, ყოველმა მორწმუნემ ყოველდღიურად წაიკითხოს ყოვლადწმინდა ღვთისმშობლის დაუჯდომელი, - "ზესთამბრძოლისა ჩემისათვის,“ რომელსაც არაერთგზის უხსნია ხალხი დიდი განსაცდელისგან.
მოგიწოდებთ, შევეწიოთ ერთმანეთს ნებისმიერი სიძნელის გადასალახად, ვიყოთ მიმტევებელნი და გამოვიჩინოთ ქრისტიანული სიყვარული და ზრუნვა; „ურთიერთარს სიმძიმე იტჳრთეთ და ესრეთ აღასრულეთ სჯული იგი ქრისტესი“.
ღვთისმშობელი დედა შეეწიოს ჩვენს ქვეყანას, თითოეულ თქვენგანს და რწმენამ ღვთისამ განამტკიცოს ერი,“ - ნათქვამია საპატრიარქოს განცხადებაში.
ლარიც აკურთხეთ, ერთხელ, რა იქნება!
პარლამენტიც აუცილებლად უნდა აკურთხონ.