დაცარიელებული დახლები "კარფურში" - რა ხდება ქვეყნის ყველაზე დიდ ჰიპერმარკეტში (ფოტოები)

უკვე ორი დღეა, რაც სოციალურ ქსელში ვრცელდება ფოტოები, სადაც ჰიპერმარკეტ "კარფურის" დაცარიელებული დახლებია გადაღებული. როგორც ირკვევა, ძირითადად მოთხოვნა პირველადი მოხმარების საკვებ პროდუქტებზეა, მათ შორის არის ბურღულეული, რძის პროდუქტები, ბოსტნეული და სხვა, ასევე ჰიგიენური საშუალებებზე. ხალხის განსაკუთრებული რაოდენობა დიღომში მდებარე "კარფურში" შეინიშნება.

მაღაზიებში, სუპერმარკეტებსა და ჰიპერმარკეტებში ხალხის განსაკუთრებული რაოდენობა ქვეყანაში ახალი კორონავირურის გამოჩენის შემდეგ შეინიშნება.

როგორც ცნობილია, საქართველოში კორონავირუსის პირველი შემთხვევა ორი კვირის წინ დაფიქსირდა და ამ ეტაპზე დაინფიცირებულთა რაოდენობა 30-ს აღწევს. მათგან 2 უკავშირდება ირანში მოგზაურობის ისტორიას, 1 ესპანეთში, დანარჩენი ყველა პირდაპირ ან ირიბად დაკავშირებულია იტალიასთან.

• რა კომენტარი გააკეთეს "ნიკორას" და "გუდვილის" დირექტორებმა პრემიერთან შეხვედრის შემდეგ

გთავაზობთ დიღომში მდებარე "კარფურში" გადაღებულ ფოტოებს, რომელიც ჩვენმა ჟურნალისტმა ადგილზე ცოტა ხნის წინ გადაიღო