13
აპრილიდღის ზოგადი ასტროლოგიური პროგნოზი
დიდთოვლობის გამო, ბახმაროში ვერტმფრენის სადგომი ანგარი ჩაინგრა, რომელმაც ტურისტების გადასაყვანი ვერტმფრენი მოიყოლია. როგორც AMBEBI.GE-ს ადგილობრივმა განუცხადა, ანგრის ჩანგრევის შედეგად არავინ დაშავებულა. მისივე თქმით, ვერტმფრენის სადგომის შეკეთება ვერ ხერხდება, ვინაიდან ბახმაროში დაახლოებით, 3-მეტრამდე თოვლია.
"დაზიანდა ვეტმფრენი. არ ვიცი შეკეთდება თუ რა. ეს არ არის სამგზავრო ვეტმფრენი. იგი გერმანულმა კომპანიამ სასრიალო, ადგილობრივი დანიშნულებისთვის ჩამოიყვანა და ტურისტებს ემსახურება. სადღაც მილიონნახევარი ღირს, როგორც ვიცი. თუ არ შეკეთდა ალბათ ახალს ჩამოიყვანენ, რადგან ის აუცილებელი საჭიროებისთვისაა. ბახმაროში რამე გადაუდებელი რომ მოხდეს, უცხოელი ტურისტები სწორედ ამ ვეტმფრენით სარგებლობენ" - განუცხადა AMBEBI.GE -ს ბახმაროს მკვიდრმა.
გელა გიორგაძე ამბობს, რომ წელს პირველად კურორტს ქართველი ტურისტებიც სტუმრობენ. მისი თქმით, მეხუთე წელია იქ მხოლოდ გერმანელი და ჩეხი დამსვენებლები ჩადიან.
"ბახმაროში ზამთარში ადრე მხოლოდ მეტეოროლოგები რჩებოდნენ და იმათგან ვიცოდით, თუ რა ოდენობის თოვლი მოდიოდა. პირველი წელია, რაც ქართველი დამსვენებლები არიან აქ. ისე მეხუთე წელია კოტეჯებს გერმანელ და ჩეხ ტურისტებზე ვაქირავებთ... გაუკვალავ თოვლში სრიალზე გიჟდებიან. ჩამოფრინდებიან ქუთაისის აეროპორტიდან, დახვდებიან იქ ქართველი გიდები და ასევე ვეტმფრენით მოჰყავთ ბახმაროში. სამანქანო გზა კარგა ხანია არ არის. სპეციალური ტექნიკით, თოვლმავლებით გადავაადგილდებით. მე საოჯახო სასტუმრო მაქვს აქ და წელს პირველად დავრჩი. რაც შეეხებათ უცხოელებს, მათთვის გაუკვალავ თოვლში სრიალი სხვა ადრენალინია... ძალიან უხარიათ და მოსწონთ ამხელა თოვლი“ - ამბობს გელა გიორგაძე.
