"პატრიარქის ავტორიტეტის განადგურების კამპანია ივანიშვილის მომზადებულია" - სააკაშვილი ეკლესიაში განვითარებულ მოვლენებზე
საქართველოს ექს-პრეზიდენტი მიხეილ სააკაშვილი საქართველოს მართლმადიდებლურ ეკლესიაში მიმდინარე პროცესებს ეხმაურება და ამ მოვლენებში პირდაპირ ადებს ხელს "ქართული ოცნების" ლიდერს, ბიძინა ივანიშვილს.
"ზუსტი ინფორმაცია მაქვს, რომ ყველაფერი რაც ხდება, არის პირადად ივანიშვილის მიერ ჩაფიქრებული, მომზადებული, ორკესტრირებული კამპანია პატრიარქის ავტორიტეტის განადგურების და მისი გადაყენების.
ეკლესიაში, რა თქმა უნდა, ბევრი პრობლემა არსებობს, მაგრამ ივანიშვილს პრობლემების გამძაფრება და არა მოგვარება სურს, რათა ბოლომდე მოახდინოს ყველა ინსტიტუტის უზურპაცია.
განსაკუთრებით მას შემდეგ, რაც შარშან ეკლესიამ პრინციპული პოზიცია დაიჭირა საქართველოს ნარკოპლანტაციად არგადაქცევის საკითხში და საპრეზიდენტო არჩევნების წინ ივანიშვილმა ის კიდევ მეტად ჩათვალა თავისთვის საფრთხედ, რომელიც ნებისმიერ მომენტში შეიძლება შეუტრიალდეს.
ახლა სვავს სურს ორი კურდღლის დაჭერა - ერთის მხრივ, პატრიარქის მოშორება და მეორეს მხრივ, ამ ყველაფრის ნაციონალებისთვის შეტენვა" - წერს მიხეილ სააკაშვილი "ფეისბუქის" ოფიციალურ გვერდზე.
ანტიკვარული ჭაღები, ხალიჩები და საათები - რამდენი დახარჯა სალომე ზურაბიშვილმა რეზიდენციის მოსაწყობად
"პიკეტირება გაგრძელდება" - რას გეგმავენ "სირცხვილიას" ორგანიზატორები და როგორ არიან აქციის დაშლის შედეგად დაშავებულები
