მნიშვნელოვანი ინფორმაცია
13
აპრილიდღის ზოგადი ასტროლოგიური პროგნოზი
კვირა, მთვარის მეთექვსმეტე დღე დაიწყება 21:28-ზე, მთვარე 17:54-ზე გადაბრძანდება მორიელში
მშვიდობიანი საქმეები წარმატებით დასრულდება. კაპიტალდაბანდებებს მოერიდეთ. კარგი დღეა იურიდიული საკითხების მოსაგვარებლად, სასამართლო პროცესების დასაწყებად; შემოქმედებითი საქმიანობისთვის. გარშემო მყოფებთან ურთიერთობისას გამოიჩინეთ ტაქტი. უფროსს მნიშვნელოვან საკითხებზე საუბრისთვის ნუ შეხვდებით; წვრილ-წვრილი საკითხები მოაგვარეთ. კარგი დღეა დასვენების, მოგზაურობის, ფიზიკური დატვირთვისა და საოჯახო საქმეების შესრულებისთვის. მოერიდეთ ალკოჰოლის მიღებას, მოწევას; ცხარე და ცხიმიან საკვებს; ცხოველური საკვების მიღებას. ნებადართულია თევზი და სოკო. მოიმატებს სტრესული და სარისკო ქმედებების რაოდენობა.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ის კლინიკაში ფსიქოლოგიურ მკურნალობას გადის, მისი 10-ვე შვილი სოხუმშია" - იულია სუსლიაკის ადვოკატი
12:11 / 24-10-2019
ტრეფიკინგში ბრალდებული უკრაინის მოქალაქის იულია სუსლიაკის ადვოკატის ზურაბ თოდუას განცხადებით, მისი დაცვის ქვეშ მყოფს ფსიქოლოგები დახმარებას ამ დრომდე უწევენ.
როგორც „ინტერპრესნიუსთან“ საუბარში თოდუა აცხადებს, იულია სუსლიაკს ფსიქოლოგიური დახმარება მას შემდეგ დასჭირდა, რაც მან პენიტენციური დაწესებულება დატოვა.
ზურაბ თოდუას განმარტებით, სუსლიაკის ათივე შვილი ახლა მამასთან, ოკუპირებულ ტერიტორიაზე - სოხუმში იმყოფებიან.
„იულია სუსლიაკი ევროპის ერთ-ერთ კლინიკაში მკურნალობს, მას ფსიქოლოგიურ დახმარებას უწევენ. აღნიშნული ციხიდან გამოსვლის შემდეგ დასჭირდა.
რაც შეეხება მის შვილებს, ისინი სოხუმში, მამასთან იმყოფებიან. ბავშვები იქ რუსეთის გავლით ბებიებმა ჩაიყვანეს. აქვე მინდა აღვნიშნო, რომ გასაჩივრებული მაქვს ადმინისტრაციული აქტი, რომლის თანახმადაც, იულია სუსლიაკს საქართველოში შემოსვლის უფლება არ მისცეს. სუსლიაკის საზღვრის კვეთასთან დაკავშირებული სასამართლო პროცესი საქრთველოში 18 დეკემბერს გაიმართება. ველოდები, რომ ამის შემდეგ იულია სუსლიაკი საქართველოში ჩამოსვლას შეძლებს და აფხაზეთში თავის შვილებთან გადავა. სუსლიაკის საქმის გამოძიება საქართველოში არ მიმდინარეობს. ის სრულიად უკანონოდ უკრაინის სამართალდამცავ ორგანოებს გადაეცა, სადაც ჩემი ინფორმაციით, არანაირი გამოძიება არ მიმდინარეობს“, - განაცხადა თოდუამ.
ცნობისთვის, თბილისის საქალაქო სასამართლომ იულია სუსლიაკი 19 ივლისს გაათავისუფლა.
სუსლიაკი 25 აპრილს, ქუთაისის ერთ-ერთ საავადმყოფოში დააკავეს. შინაგან საქმეთა სამინისტროს ინფორმაციით, იულია სუსლიაკი საქართველოში 10 მცირეწლოვან ბავშვთან ერთად რუსეთიდან 2019 წლის 8 აპრილს ჩამოვიდა და აფხაზეთის ოკუპირებულ ტერიტორიაზე გადასვლას აპირებდა. საგამოძიებო უწყებაში აცხადებენ, რომ დოკუმენტაციის მიხედვით, 10-ვე ბავშვი იულია სუსლიაკის შვილია და მის გვარს ატარებს, თუმცა მცირეწლოვნებიდან 4 დაბადებულია 2017 წელს, რამაც სამართალდამცველებს ტრეფიკინგის ეჭვი გაუჩინა.
გამოძიება ორი ან მეტი არასრულწლოვნით ვაჭრობის (ტრეფიკინგი) ფაქტზე, საქართველოს სსკ-ის 143-ე 2-პრიმა მუხლის მე-3 ნაწილის „გ“ ქვეპუნქტით მიმდინარეობდა. დანაშაული 14-დან 17 წლამდე ვადით თავისუფლების აღკვეთას ითვალისწინებს.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ქარიშხალი ამერიკის შეერთებულ შტატებში - უცხოური მედიების ცნობით, სტიქიურ მოვლენას, სულ მცირე, 24 ადამიანის სიცოცხლე ემსხვერპლა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
