3 სააღდგომო კერძი და რჩევები მათ მოსამზადებლად

ძალიან მალე საქართველოში სააღდგომო სამზადისი დაიწყება. ამ დღესასწაულს ადამიანები მთელი გულით ელიან და ხშირად მთელ თავიანთ დროსა და ენერგიას ახარჯავენ. ლამაზი გაფორმებები, წითლად შეღებილი კვერცხები, უგემრიელესი პასკა და ხასხასა მწვანე ჯეჯილი, ჩაქაფული კი ბევრისთვის აღდგომის განუყოფელი ნაწილია.

პასკა

პასკის დამზადება სააღდგომო სამზადისის ერთ-ერთი ყველაზე ხანგძლივი პროცესია. აუცილებელია, რომ ყველა ინგრედიენტი მაქსიმალურად ხარისხიანი იყოს. სანამ ცომის მზადებას შეუდგებით, აუცილებლად გაცერით ფქვილი - ასე მას ჰაერი შეერევა და ცომიც ფაფუკი იქნება. თუ გსურთ, რომ ქიშმიში მთელ სიმაღლეზე განაწილდეს, მაშინ ცომში ჩამატებამდე, ჩაყარეთ რაიმე თასში და შეურიეთ 2 სუფრის კოვზი ფქვილი. პასკის უფრო ყვითელი შეფერილობისთვის, კვერცხის გულებს დაუმატეთ ერთი კოვზი მარილი, ან წინა დღით ზაფრანას დაასხით ადუღებული წყალი და ერთი დღით გააჩერეთ, შემდეგ ეს ნაზავი დაუმატეთ ცომში.

ცომი პასკისთვის მინიმუმ 3-ჯერ უნდა ამოვიდეს: პირველად საფუარიანი მასა ამოდის, შემდეგ მოზელილი ცომი, ბოლოს კი - ფორმებში მოთავსებული ცომი. 1 კგ-ზე ნაკლები მასის კულიჩი ცხვება 30 წთ; 1 კგ-იანი - 45 წთ; 1, 5 კგ-იანი - 1 სთ, ხოლო 2 კგ-იანი - 1, 5 სთ.

ხარისხიანი ფქვილის, ქიშმიშის, ცუკატების და სხვა დანარჩენი ინგრედიენტების ონლაინ შეძენა სახლიდან გაუსვლელად ამ ლინკზეა შესაძლებელი.

სააღდგომო დღესასწაულისთვის მზადებას დიდი დრო მიაქვს, თუ პასკის გაკეთებას სახლში ვერ ახერხებთ, შეგიძლიათ ონლაინ მისი შეკვეთა. Momitane.ge-ს კურიერი კი მას სახლში მოგართმევთ.

წითელი კვერცხი

აღდგომის სიმბოლო წითელი კვერცხია. თუ გსურთ, რომ კარგი წითელი ფერი მიიღოთ, დაგჭირდებათ ენდრო, ხახვის ფურცლები, 1 სუფრის კოვზი მარილი და ძმარი. ამ ნაზავს თუ საღებავსაც დაუმატებთ, მკვეთრ წითელ შეფერილობას მიიღებთ.

თუმცა, ბოლო პერიოდში განსაკუთრებით აქტუალური სხვადასხვაფრად შეღებილი კვერცხია. უამრავ ოჯახში კვერცხს, პასტელური ფერების სხვადასხვა შეფერილობას აძლევენ. ამ შედეგის მიღწევა საღებავითაა შესაძლებელი.

შესაღებად ძალიან დიდი ზომის კვერცხებს ნუ აირჩევთ. საშუალო და ოდნავ მომცრო კვერცხს უფრო გამძლე ნაჭუჭი აქვს. შეღებვამდე კვერცხი მოათავსეთ ცივ წყალში 6–7 საათის განმავლობაში. ასე დასკდომის რისკი მცირდება. თუ ხარშვისას 1 სადილის კოვზ მარილს ჩაყრით, კვერცხების დასკდომის შანსი კიდევ უფრო შემცირდება. მოხარშვის შემდეგ ქვაბი ცეცხლიდან გადმოდგით, მაგრამ კვერცხს ნუ ამოიღებთ. კიდევ 15-20 წუთი გააჩერეთ და შემდეგ ამოიღეთ, გადაავლეთ ცივი წყალი და ზეთიანი ბამბით გააპრიალეთ.

საღი კვერცხისა და ხარისხიანი საღებავების სახლიდან გაუსვლელად შეძენა, შეგიძლიათ MoMitane.ge-ის ონლაინ სუპერმარკეტში.

ჩაქაფული

სააღდგომო სუფრის ერთ-ერთი მნიშვნელოვანი ნაწილი ჩაქაფულია. ძალიან ბევრი ამ კერძს განსაკუთრებულ მნიშვნელობას ანიჭებს და ტრადიციულად ამზადებს სპეციალურად ამ დღესასწაულისთვის. ჩაქაფულის გაკეთება კი ადვილი საქმე ნამდვილად არაა, რადგან ამ დროს უამრავი ნიუანსის გათვალისწინებაა საჭირო.

ჩაქაფულის დამსამზადებლად უმჯობესია მოზრდილი ხბოს ან ბატკნის ხორცის გამოყენება. თუმცა, უმეტესად ჩაქაფულს მაინც დეკეულის ან ჩვეულებრივი ძროხის ხორცით აკეთებენ. ჩაქაფული ზომიერად ცხიმიანი და ძვლიანი ხორცით მზადდება. თუ მაინც უცხიმო ხორცი არჩიეთ, მომზადებისას კარაქი დაუმატეთ.

ბევრი ცდილობს, დაკონსერვებულ ტყემალს თავი აარიდოს და ჩაქაფულში აუცილებლად ცოცხალი ტყემალი გამოიყენოს. ცოცხალს მართლაც უკეთესი არომატი აქვს, მაგრამ უნდა შეამოწმოთ, კურკა გამაგრებული აქვს თუ არა. თუ კურკა ჯერ კიდევ რბილია, ხარშვისას ის გაიხსნება და მისი მწარე გემო ჩაქაფულსაც "უკბენს". ამას კი ისევ დაკონსერვებული ტყემალი ჯობია.

ჩაქაფულისთვის ხარისხიანი ხორცის, ღვინის და სხვა ნებისმიერი ინგრედიენტების შეძენა უკვე სახლიდან გაუსვლელადაც არის შესაძლებელი MoMitane.ge-ის ონლაინ სუპერმარკეტში.