27
აპრილიდღის ზოგადი ასტროლოგიური პროგნოზი
სირიის პირველ ლედის დამასკოში, სამხედრო ჰოსპიტალში მკერდის კიბოს ოპერაცია ჩაუტარდა, ABC News-ის ცნობით, ოპერაციამ წარმატებით ჩაიარა.
პრეზიდენტის ადმინისტრაციის მიერ გავრცელებული ინფორმაციით, ასმა ასადი ავთვისებიან სიმსივნეს ებრძვის. დეტალური ინფორმაცია ოპერაციის შესახებ, ჯერჯერობით, არ ვრცელდება.
ასმას დიაგნოზის შესახებ გასული წლის ზაფხულში გახდა ცნობილი. როგორ წესი, სირიის პრეზიდენტის ოჯახის წევრების ჯანმრთელობის მდგომარეობაზე ინფორმაცია ძალიან იშვიათად ვრცელდება.
ასმა ასადი 43 წლისაა, მისი ოჯახი ცენტრალური სირიიდან არის, თუმცა პირველი ლედი ლონდონში დაიბადა და გაიზარდა. მას საკმაოდ წარმატებული კარიერა ჰქონდა საბანკო სექტორში, რომელიც 2000 წელს ბაშარ ასადის გამო შეწყვიტა. წყვილს სამი შვილი ჰყავს.
