მნიშვნელოვანი ინფორმაცია
3
მაისიდღის ზოგადი ასტროლოგიური პროგნოზი
შაბათი, მთვარის მეშვიდე დღე დაიწყება 09:50-ზე, მთვარე ლომში გადაბრძანდება 15:36-ზე
ისეთი საქმეები წამოიწყეთ, რომლებსაც დღესვე დაასრულებთ და სხვა დროისთვის არ გადადებთ. მნიშვნელოვანი გადაწყვეტილებების მიღება სხვა დროისთვის გადადეთ.
ფინანსური ოპერაციების დაგეგმვასა და უძრავი ქონების ყიდვა-გაყიდვას არ გირჩევთ.
კარგი დღეა მსხვილი საყიდლებისთვის. კარგი დღეა შემოქმედებითი საქმიანობისთვის, სწავლისა და გამოცდების ჩასაბარებლად. უფროსთან და თანამდებობის პირებთან ნებისმიერ საქმეს მარტივად მოაგვარებთ. კარგი დღეა ფიზიკური ვარჯიშებისა და საოჯახო საქმეების შესასრულებლად. ზომიერება გმართებთ საკვებსა და სასმელში. მოერიდეთ გულის გადაღლას; ოპერაციებს გულსა და ზურგზე. შესაძლოა შეგაწუხოთ რადიკულიტმა.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ვინ და რატომ მფარველობს წულუკიანს?!
19:50 / 11-06-2018
უკვე ერთი კვირაა, არასამთავრობო ორგანიზაციები და სამოქალაქო საზოგადოება იუსტიციის მინისტრის თეა წულუკიანის გადადგომას ამაოდ ითხოვენ. მაშინ, როცა ქვეყანაში არაერთი სამთავრობო ცვლილება განხორციელდა და არაერთი მინისტრი გაუშვეს სახლში თუ პორტფელი შეუცვალეს, წულუკიანი (სერგეენკოსთან ერთად) ის იშვიათი გამონაკლისია, რომელიც აღნიშნულ თანამდებობას "ოცნების" ხელისუფლებაში მოსვლის დღიდან იკავებს.
ვინ მფარველობს წულუკიანს?! - ეს კითხვა ქვეყანაში ბოლო დროს განვითარებულმა მოვლენებმა აქტუალური კიდევ ერთხელ გახადა და თან მაშინ, როცა წულუკიანის მიერ დაშვებული შეცდომები, არც ისე ცოტაა.
კულუარული ინფორმაციით, იუსტიციის მინისტრის გადაყენების სურვილი უკვე დიდი ხანია პრემიერ გიორგი კვირიკაშვილსაც აქვს. ჯერ კიდევ მაშინ, როცა წულუკიანი დეკრეტულ შვებულებაში გავიდა, იყო საუბარი, რომ იგი მინისტრის კაბინეტში აღარ დაბრუნდებოდა. თუმცა, როგორც ამბობენ მას შემდეგ, რაც თეა წულუკიანმა „თავისუფალი დემოკრატები“ დატოვა და თანამდებობაზე დარჩენა არჩია, იმ დღიდან ბიძინა ივანიშვილის სახით ძლიერი "მფარველი" შეიძინა.
არასამთვორბო ორგანიზაცია "ადამიანის უფლებათა დაცვის ცენტრის" ხელმძღვვანელი ალეკო ცქიტიშვილი დარწმუნებულია, რომ იუსტიციის მინისტრს "ოცნებაში" მფარველები ჰყავს. მისი თქმით, წინააღმდეგ შემთხვევაში პასუხი აქამდე მოეთხოვებოდა.
"ზოგადად ის რომ იუსტციის მინისტრი ასე თავდაჯერებულია, რომელიც მის განცხადებებში ჩანს ნათელია, რომ მას "ოცნებაში" ვიღაც მფარველობს. მას არ სურს გაიზიაროს ის პასუხისმგებლობა, რაც ნამდვილად აკისრია იმ პროცესებიდან გამომდინარე რაშიც ის უშუალოდ მონაწილეობდა. ჯერ მარტო ოთარ ფარცხალაძის დანიშვნის გამო უნდა ეგო პასუხი და წასულიყო თანამდებობიდან. მაგრამ ფარცხალაძე არის ასევე "ოცნებასთან" დაახლოებული პერსონა, რომელიც შემდეგ სკანდალებიდან გამოჩნდა. ასე, რომ ბევრი საკითხებში იკვეთება, რომ წულუკიანს "ოცნებაში" ადამიანთა ჯგუფი მფარველობს. და შესაძლოა ივანიშვილის მხრიდან ხდებოდეს ამ პროცესების წარმართვა. ის რომ ადამიანი პასუხს არ აგებს ასეთ ქმედებებზე ნიშნავს, რომ მას მფარველი ჰყავს", - გვითხრა ცქიტიშვილმა.
იმაზე, რომ თეა წულუკიანი ბიძინა ივანიშვილის შესაძლო ფავორიტია, პოლიტოლოგებიც ღიად საუბრობენ. სოსო ცინცაძის თქმით, "ოცნებაში" ერთი კაცი მფარველობს ყველაფერს, მით უმეტეს, ისეთ საკვანძო პოსტს, როგორიც იუსტიციის სამინისტროა.
"ვფიქრობ, წულუკიანის დატოვებას განაპირობებს მისი წარსული, ევროპული გამოცდილება და სხვა. მართალია, შეცდომებს უშვებს და სასამართლო მაფიას ვერ მოერია, თუმცა ნამდვილად ჭკვიანი გოგოა. თან მთავრობაში არის საკადრო შიმშილი, ელემენტარულად შემცველიც არ ჩანს, მიუხედავად იმისა, რომ მის წინაშე მდგარ ბევრ ამოცანას თავი ვერ გაართვა. ეგ იყო ალასანიას პარტიაში, შემდეგ მისი პარტიიდან გამოვიდა და თან არის ქალი - ასე რომ, ეს ფაქტორები მოქმედებს მის სასარგებლოდ. მან არ დატოვა თანამდებობა და ეს დაუფასეს, ისევე, როგორც გედევან ფოფხაძეს. ისიც ალასანიას კვოტით შევიდა პარლამენტში და მასაც დაუფასეს, ჩანს, როგორ მფარველობენ", - აცხადებს პოლიტოლოგი სოსო ცინცაძე.
პოლიტოლოგ გია ხუხაშვილის თქმით კი, წულუკიანის გადადგომით არსებული სისტემური პრობლემა ვერ მოგვარდება. მისი თქმით, მხოლოდ იუსტიციის მინისტრის გადადგომა ქვეყანაში არაფერს შეცვლის.
"აქ მფარველობაზე არ არის საუბარი. წულუკიანის გადადგომა არსებულ პრობლემებს ვერ მოაგვარებს. ასეთი გამორტყოცნებით მოთხოვნა, ცალკეულ მინისტრებთან დაკავშირებით არის არა პრობლემის გადაწყვეტის მცდელობა, არამედ დაკვეთა, რომელიც ვიღაცის ინტერესებს ემსახურება. წულუკიანის გადადგომით ის პრობლემები რაც დღეს ქვეყანაშია, არ ჩაცხრება. იგი წავა და სხვა წულუკიანი მოვა, იმიტომ, რომ გვაქვს მმართველობითი კრიზისი. იქ ვინც არის, ყველა ბიძინა ივანიშვილის კადრია. წულუკიანზე რომ არის აქცენტები გაკეთებული, სხვა მინისტრებს, რა არ მფარველობს ბიძინა?!“ - გვითხრა ხუხაშვილმა.
პოლიტოლოგ სოსო ცისკარიშვილის აზრითაც, წულუკიანს ბიძინა ივანიშვილი მისი მფარველობით უფასებს 3 წლის წინანდელ გადაწყვეტილებას - რა დროსაც გაემიჯნა „თავისუფალ დემოკრატებს“ და მმართველი გუნდის გვერდით დარჩენა არჩია.
„მისი საზღვარგარეთ საქმიანობის პერიოდში იყო ბევრად უფრო დამოუკიდებელი იურისტი, ვიდრე დღეს არის. დღეს ვერც ის და ვერც მისი კოლეგები ვერ გრძნობენ თავს დამოუკიდებელ ფიგურებად. ის ყოველთვის საუბრობს, იმაზე რისი აუცილებლობაც იკვეთება. მხოლოდ მას შემდეგ, რაც მას შეატყობინებენ რა უნდა თქვას და რა თემები წამოწიოს წინ. საზოგადოების დიდი ნაწილი წულუკიანის ნაბიჯმა გააღიზიანა სწორედ მაშინ, როდესაც ქალბატონი მინისტრი განერიდა იმ პარტიას, რომელმაც შვა, როგორც პოლიტიკოსი და მიეკედლა მმართველ პოლიტიკურ ძალას. სამაგიეროდ ამით მან ბიძინა ივანიშვილისგან მიიღო მფარველობა. ნათქვამია, რასაც დასთეს იმას მოიმკიო“ - უთხრა AMBEBI.GE-ს ცისკარიშვილმა.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ხანგრძლივი ზრდის შემდეგ, თბილისში პარკირების ჯარიმები შემცირდა, თანაც თითქმის 60%-ით
კვირის კითხვადი სტატიები
მნიშვნელოვანი ინფორმაცია
მკითხველის რჩევით
