მნიშვნელოვანი ინფორმაცია
27
აპრილიდღის ზოგადი ასტროლოგიური პროგნოზი
კვირა, მთვარის ოცდამეცხრე დღე დაიწყება 05:27-ზე; ხოლო მთვარის პირველი დღე 23:30-ზე, მთვარე 11:16-ზე ესტუმრება კუროს
საკმაოდ რთული დღეა. არ დაიწყოთ ახალი საქმეები. მოერიდეთ ფინანსურ ოპერაციებს, ყოველგვარ ვაჭრობასა და სასამართლო საქმეს. სხვა დღისთვის გადადეთ უფროსთან შეხვედრა და საქმეებზე საუბარს. არ გირჩევთ მგზავრობას, საქმეების გარჩევას. მეტად დაისვენეთ. კარგია მსუბუქი ვარჯიში. დღეს ქორწინება დაუშვებელია. განქორწინების მიზეზი ერთ-ერთი მეუღლის ღალატი ან ტყუილი გახდება. სასურველია ამ დღეს დაიცვათ მარხვა. ნებადართულია რძის პროდუქტები. ხორცი არა. დაგეგმეთ ახალი საქმეები, მაგრამ მათი დაწყებისგან თავი შეიკავეთ. მოერიდეთ ყველა მნიშვნელოვან საქმეს, გადაწყვეტილებას. კონფლიქტისგან თავი შეიკავეთ. დღეს ადამიანი მეტად მგრძნობიარეა საკვების მიმართ. ნუ გადატვირთავ კუჭს, მაგრამ ნურც იშიმშილებთ. მიიღეთ ჯანსაღი საკვები.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
“სომხეთში ცვლილებების ცუნამია” - საით წაიყვანს ფაშინიანი ქვეყანას?
10:09 / 28-05-2018
“ის, რომ სომხეთი, საგარეო კუთხით სხვა მიმართულებით აპირებს წასვლას, ეს უკვე იგრძნობა და ეტყობა სამთავრობო პირების განცხადებებს. ვნახოთ, რამდენად და სადამდე გაგვიშვებს რუსეთი...” - წერს სომხური მედია.
ekhokavkaza.com-თან ინტერვიუში სომეხი პოლიტოლოგი, აღასი ენოკიანი აცხადებს, რომ ნიკოლ ფაშინიანი ჯერჯერობით შიდა ვითარების დალაგებით არის დაკავებული. კამათის განსაკუთრებულ თემად რჩება ერევნის მერის საკითხი, რომელიც პოზიციებს არ თმობს.
“დღემდე მოუგვარებელია პროკურატურის თემა, რომელიც თავის ფუნქციას სრულყოფილად ვერ ასრულებს; რაც შეეხება “ძველ გვარდიას” – მას რა თქმა უნდა, რჩება რესურსი. როგორც კი მათ კონტრრევოლუციური ნაბიჯების გადადგმა დაიწყეს, მედიამ შანსი არ გაუშვა და წინა ხელისუფლების წევრების დისკრედიტაცია ბოლომდე მოახდინა... რაც შეეხება მმართველ პარტიას, ახლა მასთან თანამშრომლობენ სხვა პარტიებიც, რომლებიც იქამდე წინა ხელისუფლების მმართველ პარტიასთან იყვნენ კოალიციაში...” - ამბობს აღასი ენოკიანი.
კითხვაზე - თუ ფაშინიანს მართლა გამოუვიდა და მთელი ხელისუფლების კონტროლი შეძლო, თუმცა, ოლიგარქიული კორპუსი ჯერ კიდევ ხელშეუხელებელია და მოსკოვთან სტაბილურ ურთიერთობას ინარჩუნებს, ამ პირობებში იცვლება თუ არა რამე, - სომეხი პოლიტოლოგი პასუხობს, რომ სომხეთს ძალიან ბევრი ფული და რესურსი აქვს იმისთვის, რომ დამოუკიდებლად განვითარდეს, უბრალოდ “ეს ყველაფერი და რაც მთავარია, ოლიგარქების შემოსავლები საგადასახადო ველში” უნდა გადაიტანონ...
"რაც შეეხება რუსეთთან ურთიერთობას, ფაშინიანს ჯერჯერობით ამის გადახედვის საკითხი არ წამოუწევია. არც ის ვიცი, ამ რეალობაში შეიძლება თუ არა სომხეთის საფუძვლიანი შეცვლა... თუმცა, ფაქტია, რომ ქვეყანას რეალური რეფორმები სჭირდება და სომხეთმა უნდა გადახედოს ევრაზიულ კავშირთან მის ურთიერთობას. ფაშინიანი ამ საკითხებზე ჯერჯერობით არ საუბრობს, რადგან შიგნით სჭირდება ვითარების დალაგება... თუ რეფორმები რეალური იქნება, ამის შემდეგ, ევრაზიულ კავშირთან ურთიერთობის გადახედვა მას მაინც მოუწევს..." - ამბობს ენოკიანი.
პოლიტოლოგის თქმით, - აქამდე ოპოზიციონერები მიიჩნევდნენ, რომ ბოროტების სათავე რუსეთი იყო და სწორადაც ფიქრობდნენ, თუმცა, ფაშინიანმა სხვა გზა აირჩია, - ის რუსეთთან ნორმალურ ურთიერთობას ინარჩუნებს და შიდა რეფორმებზეა გადართული... “რამდენად გამოუვა ფაშიანიანს ეს, რამდენად გაამართლებს ასეთი გზა, ერთ თვეში გამოჩნდება” – ამბობს პოლიტოლოგი.
სომხური მედიის ცნობით, მას შემდეგ, რაც სომხეთს რუსეთის მიერ მართული სარგსიანი ჩამოცილდა, მის მიმართ ინტერესი სხვა ქვეყნებსა და მსოფლიოში ცნობილ პერსონებსაც გაუჩნდათ. 27 მაისს ერევანს ცნობილი ბრიტანელი მომღერალი ელტონ ჯონი სტუმრობდა. ის სომხეთის საგარეო ვექტორის ცვლილებებს მხარს უჭერს და ამბობს, რომ სასიამოვნოა “დაეხმარონ სომხეთს სახელმწიფოდ ჩამოყალიბებაში, რომელიც ახლა “ცვლილებების ცუნამს” განიცდის.
ელტონ ჯონი მეუღლესთან ერთად სომხეთის პრეზიდენტის არმენ სარქისიანის რეზიდენციაში
ლეგენდარული მომღერალი და კომპოზიტორი ერევანში 27 მაისს, თავისივე ფონდის (რომელიც შიდსით დაავადებულებს ეხმარება) სახელით ჩავიდა, რათა სომხეთის ადგილობრივ საქველმოქმედო ორგანიზაციას “ერევანი ჩემი სიყვარულია” (Yerevan My Love) დაეხმაროს.
მომღერლის თქმით, - “სომხეთის ახალ პრემიერ-მინისტრს შეუძლია ქვეყანაში ვითარება “უკეთესობისაკენ შეცვალოს“. “რადიო თავისუფლების” ცნობით, ელტონ ჯონს უსურს, სომხეთში შიდსის დაავადების ტესტირებისათვის უსაფრთხო გარემო შეიქმნას; ასევე, დაეხმაროს საზოგადოებას, რათა მოიშოროს როგორც ამ დაავადებასთან ასოცირებული, “ისე ლგბტ-თემის წევრობასთან დაკავშირებული სტიგმა”.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
მსოფლიო ლიდერები, სამეფო ოჯახი და ათასობით ადამიანი ვატიკანში - კადრები რომის პაპის დაკრძალვის ცერემონიიდან
კვირის კითხვადი სტატიები
მნიშვნელოვანი ინფორმაცია
მკითხველის რჩევით
