სტამბოლში საავადმყოფში ხანძარი ლიკვიდირებულია

სტამბოლის საავადმყოფოში გაჩენილი ხანძრის შედეგად, წინასწარი მონაცემებით, გარდაცვლილები არ არიან. ამის შესახებ ქალაქის გუბერნატორმა ვასიპ შაჰინმა განაცხადა.

„ამის მიუხედავად, განვაგრძობთ ინფორმაციის გადამოწმებას საავადმყოფოში მყოფი ადამიანების შესახებ. რეანიმაციებიდან მძიმე ავადმყოფების ევაკუაცია ექიმებმა და მაშველებმა განახორციელეს. ისინი ახლა უსაფრთხოდ არიან. 70 ადამიანი სასწრაფო დახმარების მანქანებმა სხვა საავადმყოფოებში გადაიყვანეს“, - აღნიშნა გუბერნატორმა. მისი თქმით, ამ დროისთვის ხანძარი სრულიად ჩამქრალია. ხანძრის მიზეზი უცნობია.

სტამბოლის ბეიოღლუს რაიონში მდებარე მრავალსართულიან საავადმყოფოში ხანძარი დღეს საღამოს გაჩნდა. მედიის ინფორმაციით, ხანძარი სახურავზე გაჩნდა და ეტაპობრივად გავრცელდა სხვა სართულებზეც. შენობიდან პაციენტებისა და პერსონალის ევაკუაცია განხორცილედა.