მნიშვნელოვანი ინფორმაცია
1
მაისიდღის ზოგადი ასტროლოგიური პროგნოზი
პირველი მაისი, ხუთშაბათი, მთვარის მეხუთე დღე დაიწყება 07:10-ზე, მთვარე კირჩხიბში იქნება 11:27-დან
მოერიდეთ ახალი საქმეების დაწყებას, მნიშვნელოვანი გადაწყვეტილებების მიღებას. უძრავი ქონების ყიდვა-გაყიდვა სხვა დღისთვის გადადეთ. არ გირჩევთ საქმეების, ურთიერთობის გარჩევას. მშვიდად აკეთეთ თქვენი საქმე. ნუ განიხილავთ ახალ პროექტებს. ივარჯიშეთ. ცუდი დღეა ნიშნობისა და ქორწინებისთვის. გაამდიდრეთ თქვენი რაციონი რძე და რძის ნაწარმით, თაფლით. მოერიდეთ ცხოველური საკვებს. დღის რთული ორგანო კუჭია. მოერიდეთ ოპერაციებსა და მკურნალობის დაწყებას კუჭზე, ნაღვლის ბუშტზე, მკერდზე, ლიმფურ სისტემაზე, საშვილოსნოზე.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"უკუნეთი" ცხინვალში...
02:00 / 27-12-2017
"უკვე შუქი და გათბობაც გვენატრება. უკუნეთია ამ ქვეყანაში ყველა მიმართულებით... მოქალაქეების დაცული უსაფრთხოება შორეულ პერსპექტივაშიც არ ჩანს, რომ არაფერი ვთქვათ, სტაბილური სამსახურსა და შემოსავალზე, მოწესრიგებულ გზებზე, ინფრასტრუქტურაზე... უკვე მერამდენედ გაფუჭდა გადამცემი ხაზი?.. ვიყინებით ამ სიცივეში, ბავშვები გვეყინება... სად ვცხოვრობთ, გვეტყვის ბატონი ბიბილოვი და მისი გარემოცვა?" - წერს სოციალური ქსელის ერთ-ერთი მომხმარებელი, ცხინვალში მცხოვრები ზამირა ბესტაევა.
ელექტროენერგიის დეფიციტი ცხინვალში ახალი არ არის. ადგილობრივი შესაბამისი სამსახურების თქმით, ელექტროგადამცემი ხაზები, 90-იანი წლების შემდეგ კაპიტალურად არ შეუკეთებიათ და გამოცვლას საჭიროებს, რაც ძალიან დიდ თანხებს უკავშირდება, "ქვეყანას კი საჭირო სახსრები ჯერჯერობით არ აქვს".
თუმცა, ამ პრობლემის მოგვარებას, ისევე, როგორც რეგიონში მოშლილი ინფრასტრუქტურის აღდგენასა და განვითარებას, წლების განმავლობაში ე.წ. ხელმძღვანელობა ჰპირდება, თუმცა, უშედეგოდ... ბოლო დღეებში, ცხინვალის მისახლეობა ქალაქის მაღაზიებში სანთლების დეფიციტზე ლაპარაკობს.
ცხინვალის მოსახლეობის თქმით, მათ გასაჭირს, დენის არქონასთან დაკავშირებით, წყლის დეფიციტიც დაემატა. მათივე თქმით, მაღაზიაში პარაფინის სანთლების სიმცირის გამო, მათ სახლების განათება საეკლესიო სანთლებით უწევთ. ცხინვალის სამშობიარო სახლსა და სხვა ობიექტებს, დიზელის გენერატორზე უწევთ მუშაობა. სამშობიარო სახლში, მშობიარეებს მაინც იღებს, რაც რეგიონში ჯანდაცვის სფეროში არსებულ უმძიმეს მდგომარეობას კიდევ უფრო ამწვავებს.
არსებული ინფორმაციით, ელექტროენერგია ცხინვალში 23 დეკემბრის ავარიის შედეგად გაითიშა და მას შემდეგ, მთელი ქალაქი დენის გარეშეა. 25 დეკემბერს ცხინვალის "ხელმძღვანელობამ" დახმარებისთვის რუსეთის საგანგებო სიტუაციათა სამსახურს მიმართა, თუმცა, პრობლემის ოპერატიულად მოგვარება, ვერც მოსკოვიდან წარგზავნილმა დამხმარეებმა შეძლეს.
"90-იანი წლები დაბრუბდა... ცხინვალის სამშობიარო სახლს უკვე დიზელის გენერატორიც აღარ აქვს. უშუქობის გამო, ექიმები ინსტრუმენტების სტელირიზებას ვერ ახერხებენ, თუმცა, მედპერსონალი მუშაობას მაინც განაგრძობს. სხვა გამოსავალი არ აქვთ, - მშობიარეები მოჰყავთ. სხვა გამოსავალი არ არსებობს. ისედავ ვიცით, ჩვენს საავადმყოფოებში რა ხდება და ამ უშუქობაში ხომ საერთოდ ქაოსია... ვინ არის ამ ხალხის ჯანმრთელობაზე პასუხისმგებელი?.. ყოველ დილით ველოდები ინფორმაციას, რომ ვიღაც გაიყინა..." - წერს ვალოდია გელაევი.
ადგილობრივების თქმით, ელექტროენერგიასთან ერთად გაითიშა გათბობაც. გარეთ თოვლია და ყინავს. ბავშვები სკოლებსა და ბაღებში ვერ დადიან. დაკეტილია უნივერსიტეტიც... რეგიონში საახალწლო განწყობა არ არსებობს და არცერთ დაწესებულებაში ზეიმი არ იგეგმება.
ადგილობრივი მოსახლეობის თქმით, მათი ე.წ. ხელმძღვანელობა სავარაუდო თარიღსაც ვერ ასახელებს, თუ როდის შეიძლება ელექტროენერგიის გადამცემი ხაზი აღდგეს.
"საყოველთაო უკუნეთია, მობილური ტელეფონები დაგვიჯდა და ვისაც საშუალება აქვს, ავტომანქანის დენის წყაროთი ტენის. სხვები იმ დაწესებულებებში მიდიან, რომლებიც გენერატორებზე მუშაობენ, მაგრამ იქ რიგში უწევთ დგომა... ქალაქში, არ იშოვება ცვილის სანთლები. მხოლოდ სხვადასხვა არომატის მქონე სანთლები დარჩა, რომელიც ძალიან ძვირი ღირს და მისი შეძენის საშუალება ძალიან ცოტას აქვს... უმძიმესი მდგომარეობაა. ამ სიბნელის ფონზე, იმატა ქურდობისა და ყაჩაღობების ფაქტებმა და გამოსავალიც არ ჩანს...
შევეჩვიეთ ყველაფერს, ძალადობას, ნარკომანიას, ქრთამს, კორუფციას, შიმშილს, უმუშევრობას და იმის ნაცვლად, მცირედით მაინც შეიცვალოს ქვეყანაში ცხოვრება, ყოველდღე უარესობაა, დავიღალეთ", - წერს ცხინვალელი მიხეილი.
"ღამე ქუჩაში გამოსვლას ვერ ვბედავთ. ფანჯრებიდან მბჟუტავი სინათლე გამოდის, საშინელი სანახავია ქალაქი. მიტოვებულს ჰგავს... ყველგან სიბნელეა. XXI საუკუნეში ერთ კვირაა მთელ ქალაქს შუქი არ აქვს და შემდეგ კიდევ კითხულობენ, რატომ გარბიან ქვეყნიდან, დიახ, უნდა წავიდნენ, თან უკანმოუხედავად", - წერს ცხინვალელი ზარინა ბასაევა.
ადგილობრივების თქმით, ვიღაცამ "გამოსავალი" იპოვა და მას შემდეგ, რაც ქალაქის მაღაზიებში სანთლები და ფანრები გაიყიდა, რუსეთიდან შემოიტანეს ფანრები, ოღონდ ორჯერ ძვირ ფასად. "სანთლებს მაინც ჯობია. რა ვქნათ, სხვა გამოსავალი არ არის და 20 რუბლიან ფანარს 40-ად ვყიდულობთ" - ამბობს ადგილობრივი მოხუცი, რომლის თქმითაც, თუ ასე გაგრძელდა, იძულებული გახდება ცოტა ხნით, სოფელში მცხოვრებ ნათესავებს შეუსახლდეს, რათა სითბოში მაინც იყოს...
მისივე თქმით, ასე ძალიან ბევრი მოხუცი იქცევა, რადგან სხვა შემთხვევაში, უბრალოდ გაიყინებიან. სოფელში მცხოვრებ ნათესავებთან გადასახლებას აპირებენ ის ოსური ოჯახებიც, ვისაც პატარა ბავშვები ჰყავთ... ბიბილოვის ხელმძღვანელობა კი ელექტროგადამცემი ხაზის შეკეთების იმედს ჯერჯერობით არ იძლევა...
ლალი პაპასკირი
AMBEBI.GE
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ხანგრძლივი ზრდის შემდეგ, თბილისში პარკირების ჯარიმები შემცირდა, თანაც თითქმის 60%-ით
კვირის კითხვადი სტატიები
მნიშვნელოვანი ინფორმაცია
მკითხველის რჩევით
