რუსეთის სამხედრო წვრთნები თუ ოკუპაციის გეგმის ნაწილი?
რუსეთმა ბელორუსში დაანონსებული სამხედრო წვრთნები დაიწყო. როგორც მოსალოდნელი იყო, რუსი სამხედროების რაოდენობისა და წვრთნების გამო, ნატოს რამდენიმე წევრი სახელმწიფო შეშფოთდა. რუსეთის თავდაცვის სამინისტრო განცხადებით, წვრთნებში მონაწილეობას 12, 700 სამხედრო პერსონალი, 70 თვითმფრინავი, 250 ტანკი და 10 საბრძოლო გემი მიიღებს და ექვს ადგილას გაიმართება.
თუმცა, განსხვავებულ ინფორმაციას ავრცელებს დასავლური მედია - სამხედრო ოფიციალური პირებისა და ექსპერტების ინფორმაციით, სწავლებაში სინამდვილეში შესაძლოა, გაცილებით მეტი, 100 ათასამდე სამხედრო მოსამსახურე მონაწილეობდეს, რაც, რა თქმა უნდა, საფრთხეებს ზრდის...
საქმე ის არის, რომ რუსეთის რეალურ გეგმებზე თავად რუსული მედიაც წერს. ისინი დეტალურად აქვეყნებენ ინფორმაციას, სად, რა მიმართულებით შევიდა რუსული სამხედრო ტექნიკა, თუმცა რაოდენობა მათთვისაც უცნობია... კონკრეტულად, რუსული მედიის ინფორმაციით, ის, რომ ეს სამხედრო წვრთნები ნატოს გაფართოებული ამბიციების პირდაპირპროპორციულია, ლეგენდაა; ისევე, როგორც ლეგენდაა, თითქოს საზღვრის გამყარებას ან პოსტსაბჭოთა ქვეყნების დახმარებას ისახავს მიზნად. ასევე მითია ისიც, რომ ეს სწავლებები სამხედრო თანამშრომლობის გაუმჯობესებას ემსახურება...
სინამდვილეში კი, ეს ყველაფერი პოსტსაბჭოთა ქვეყნებში რუსეთის გავლენის გაძლიერებას ემსახურება, რაც იქ სამხედრო ტექნიკის გადასროლით გამოიხატება... "რუსეთი ცდილობს, შემდეგი მოქმედებებისთვის სამხედრო პლაცდარმი მოიწყოს",- წერს რუსული მედია.
ინტერნეტ გამოცემა InformNapalm 2008 წლის რუსეთის სამხედრო წვრთნა Кавказ-2008 -ს იხსენებს და შემდეგ, საქართველოსთან ომის მაგალითი მოჰყავს და მოსალოდნელ საფრთხეებზე საუბრობს.
ნატოს გენერალურმა მდივანმა, იენს სტოლტენბერგმა რამდენიმე დღის წინ განაცხადა, რომ სამხედრო წვრთნების ჩატარება ყველა სახელმწიფოს შეუძლია, თუმცა, რუსეთის მიმართ კითხვები შემთხვევით არ ჩნდება, - ის ბოლომდე არასდროს ხსნის ინფორმაციას და არცერთი წვრთნა გამჭვირვალედ არ ჩაუტარებია. "წარსულში არაერთი შემთხვევა ყოფილა, როდესაც რუსეთის ფედერაციას წვრთნებში მონაწილე ჯარების შესახებ არასწორი ინფორმაცია გაუვრცელებია..." - აცხადებს სტოლტენბერგი.
მეზობელი ქვეყნების შფოთის ერთ-ერთი მიზეზი რუსეთის ტრადიციული ჩვევაა, სამხედრო წვრთნების დასრულების შემდეგ, მათ საზღვართან დატოვოს სამხედრო ტექნიკა და ადამიანური რესურსი.
ბრიტანეთის თავდაცვის მინისტრის, მაიკლ ფალონის განცხადებით, "რუსეთის სამხედრო სწავლების, "ზაპად – 2017"-ის მიზანს წარმოადგენს მეზობელი სახელმწიფოების პროვოცირება და მათი თავდაცვითი შესაძლებლობის გამოცდა, ამიტომაც არის საჭირო, ამ მხრივ სხვა ქვეყნებიც ძლიერი და მომზადებული იყვნენ...
ლალი პაპასკირი
"ტელეფონი დავამტვრიე, ჩემები რომ დამირეკავდნენ, რუსს არ ეთქვა: აქ ბევრი მკვდარია, თქვენ რომელი გინდათო..." - შინდისის ბრძოლას გადარჩენილის ნაამბობი
83 წლის მამაკაცი, რომელიც კახეთში პოლიციელებს თავს დაესხა, გირაოს სანაცვლოდ გათავისუფლდა
