მნიშვნელოვანი ინფორმაცია
2
მაისიდღის ზოგადი ასტროლოგიური პროგნოზი
პარასკევი, მთვარის მეექვსე დღე დაიწყება 08:23-ზე, მთვარე კირჩხიბშია
მოაგვარეთ წვრილ-წვრილი საქმეები. სერიოზულები სხვა დროისთვის გადადეთ. კარგი დღეა კოლექტიური მუშაობისთვის, ბიზნესისთვის. მოაგვარეთ ფინანსური საკითხები. თუ არ გეჩქარებათ, უძრავ ქონებასთან დაკავშირებული საკითხები სხვა დღისთვის გადადეთ. ნეიტრალური დღეა ვაჭრობისა და სასამართლო საქმეებისთვის. კარგი დღეა სწავლისა და გამოცდების ჩასაბარებლად; ურთიერთობის გარჩევისათვის; ქორწინების, ნიშნობისთვის. ნეიტრალურია სამსახურის, საქმიანობის, საცხოვრებლის შეცვლა. მოერიდეთ ალკოჰოლს, ქიმიური პრეპარატების მიღებას. ნუ მიირთმევთ მძიმე საკვებს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
რას ელიან აფხაზები პუტინისგან?
01:07 / 09-08-2017
"საკამათო საკითხები ნამდვილად არსებობს, თუმცა, მთავარია, რომ ჩვენ განსაკუთრებული ურთიერთობა გვაქვს აფხაზეთთან. აფხაზეთის უსაფრთხოებისა და დამოუკიდებლობისთვის საიმედო გარანტი ვართ და დარწმუნებული ვარ, ასევე გაგრძელდება მომავალშიც" - განაცხადა ვლადიმერ პუტინმა რაულ ხაჯიმბასთან შეხვედრის დროს. ამ ინფორმაციას Вести.Ru ავრცელებს, რომელიც პუტინის აფხაზეთში ჩასვლას "სამუშაო ვიზიტს" უწოდებს.
რუსული მედია წერს, რომ აფხაზეთი ხელს მოაწერს ორმხრივ ხელშეკრულებას, ამის წინაპირობები უკვე არსებობს. სწორედ ამ საკითხზე საუბრისას აღნიშნა პუტინმა, რომ გარკვეული გაუგებრობების მიუხედავად, რუსეთს აფხაზეთთან განსაკუთრებული ურთიერთობა აქვს.
პუტინი აფხაზეთში ბოლოს, 2013 წლის 25 აგვისტოს, აფხაზეთის, ე.წ. დამოუკიდებლობის აღიარების 5 წლისთავზე იმყოფებოდა და დაახლოებით იგივე დაპირებები მისცა მაშინდელ "პრეზიდენტს" ალექსანდრე ანქვაბს, რასაც შემდეგ, 2014 წელს, "მოკავშირეობისა და სტრატეგიული პარტნიორობის შესახებ" რუსულ-აფხაზური ხელშეკრულება მოჰყვა, აფხაზური პროტესტითა და აქციებით, თუმცა, ბოლოს რუსეთი "დათმობაზე" წავიდა და ცვლილებების შეტანის შემდეგ, ეტაპობრივად, მისი "რატიფიკაციაც" მიმდინარეობს...
პუტინმა აფხაზეთში ადგილობრივი მოსახლეობისთვის არცთუ სასიამოვნო მესიჯები დატოვა, კერძოდ, - მისი განცხადებით, მნიშვნელოვანია აფხაზეთის ეკონომიკის განვითარების გზების მოძებნა ახალი სამუშაო ადგილების შესაქმნელად. ამ საკითხზე აფხაზური საზოგადოება მწვავედ რეაგირებს, რადგან მიაჩნიათ, რომ მეგობარი რუსეთი შიდა საკითხებში ერევა;
პუტინისა და დე-ფაქტო პრეზიდენტ რაულ ხაჯიმბას შეხვედრის დასრულების შემდეგ გაფართოებული სხდომა უნდა ჩატარებულიყო, რომელშიც მონაწილეობას ოკუპირებული აფხაზეთის დე-ფაქტო პრემიერი ბესლან ბარციცი და სოციალურ-ეკონომიკური ბლოკის მინისტრები მიიღებდნენ.
შეხვედრის ფარგლებში იგეგმება "აფხაზეთის რესპუბლიკისა და რუსეთის ფედერაციის შეთანხმება იმ რუსი მოქალაქეების დაზღვევის ორგანიზებასთან დაკავშირებით, რომლებიც აფხაზეთის ტერიტორიაზე ცხოვრობენ". ამ ინიციატივას უკვე მოჰყვა აფხაზური საზოგადოების გამოხმაურება, მათი თქმით, უკვე ყველასთვის ნაცნობი თემაა რუსეთში არსებული ჯანდაცვის კორუფციული სისტემა და სამედიცინო მომსახურება.
"საკუთარ ტყავზე არაერთხელ გამოგვიცდია იქაური სამედიცინო მომსახურების "სიკეთეები" და ისიც ვიცით, რომ იქ ადამიანი ვერ იკურნება, ამიტომაც გარბიან ჩვენები საქართველოში... რაც შეეხება რუსეთის საყოველთაო დაზღვევას, ამ მომსახურებით იქ არავინ სარგებლობს, რადგან როგორც აფხაზეთში ხუმრობენ, საკუთარ სახლშიც შეგიძლია მოკვდე. კერძო კლინიკებში მკურნალობის ხარჯები კი ჩვენ არ გვაქვს..." - წერენ აფხაზები სოციალურ ქსელებში.
რუსეთის პრეზიდენტი ვლადიმერ პუტინი მიიჩნევს, რომ რუსეთისა და ოკუპირებული აფხაზეთის ძალოვანი სტრუქტურების ერთობლივი მოქმედება აფხაზეთში ტურისტების უსაფრთხოებას გააძლიერებს.
"თავდაცვითი შესაძლებლობების ჩამოყალიბების უზრუნველყოფის მიზნით ჩვენი ერთობლივი მუშაობის შესახებ აღვნიშნავდი, რომ ერთობლივი ჯგუფი ძალიან კარგ და სოლიდურ ბაზაზე ვითარდება და სამომავლო ნაბიჯების შესახებაც გვაქვს შეთანხმებები", - განაცხადა პუტინმა ოკუპირებული აფხაზეთის დე-ფაქტო პრეზიდენტთან რაულ ხაჯიმბასთან შეხვედრის შემდეგ და რუსეთისა და დე-ფაქტო აფხაზეთის შეთანხმების შესახებაც ისაუბრა, რომელიც ორი მხარის შინაგან საქმეთა სამინისტროების საინფორმაციო-კოორდინირებული ცენტრის ორგანიზებას ეხება.
"რა თქმა უნდა, ეს ძალიან მნიშვნელოვანი შემადგენელი ნაწილია. მხედველობაში მაქვს ის, რომ თავად აფხაზეთის მოქალაქეები, რუსებიც და სტუმრები, საიდანაც არ უნდა მოდიოდნენ, მათ შორის რუსეთიდან, უნდა აცნობიერებდნენ, რომ საიმედო ხელში არიან.
ძალიან დიდი იმედი მაქვს, რომ ამ ერთობლივი სამუშაოებით, აქ მყოფი ტურისტების უსაფრთხოების დონე საგრძნობლად აიწევს", - აღნიშნავს პუტინი. ეს განცხადება, აფხაზებმა იქ ე.წ. რუსეთის ელჩის გრეგოროვის განცხადების გაგრძელებად მიიჩნიეს, რომელმაც რუსი ტურისტის მკვლელობის შემდეგ განაცხადა, რომ თუ აფხაზეთი იქ ტურისტების უსაფრთხოებას ვერ უზრუნველყოფს, მაშინ რუსეთი იძულებული გახდება, სხვა ზომებს მიმართოს.
"ეხო კავკაზამ" აფხაზეთში პუტინის ჩასვლასთან დაკავშირებით გამოკითხვა ჩაატარა, თუ რას ელიან აფხაზები რუსეთის პრეზიდენტის ვიზიტისგან, - გამოკითხვის თანახმად, მათი ნაწილი, გარკვეული სიკეთეების მოლოდინშია;
კონსტანტინე ანუა, ექიმი-ფსიქიატრი: - "მისი ვიზიტისგან მხოლოდ კარგს ველოდები. მან და დმიტრი მედვედევმა მხოლოდ კარგი გააკეთეს აფხაზეთისთვის და იმედი მაქვს, ასე გაგრძელდება, თუ ჩვენ ამას დავიმსახურებთ. მინდა ჩვენ ყურადღება დავიმსახუროთ და მათი ნდობა არ დავკარგოთ...
"ეხო კავკაზასთან" საუბარში ინკოგნიტო მამაკაცი ამბობს, რომ პუტინი, "ბევრ განსაცდელგამოვლილ აფხაზ ხალხს არაფერს დაუშავებს".
გამოცემასთან საუბარში ივან თარბა, ფილოსოფიური კათედრის დოქტორი მიიჩნევს, რომ ახლა რუსეთის აქტიურობა ძალიან მნიშვნელოვანია, რადგან ნატო და დასავლეთი აქტიურად ახორციელებენ სამხედრო სწავლებებს.
ამ კეთილგანწყობის კვალდაკვალ, რომელიც სავარაუდოდ, გულწრფელი არ არის, აფხაზეთში პუტინის ვიზიტს დაძაბული სიჩუმითაც შეხვდნენ; აფხაზები მიიჩნევენ, რომ პუტინის ვიზიტის ნამდვილი მიზეზები უახლოეს ხანებში გახდება ცნობილი. რამდენიმე დღის წინ, ის აფხაზები, რომლებიც საერთაშორისო შეხვედრებში ქართველებთან ერთად მონაწილეობდნენ, "სამშობლოს ღალატში" დაადანაშაულეს. არადა, ეს არის აფხაზური ენის დაცვის პროექტი, რომელიც მოლდოვაში, USAID-ის დაფინანსებით გაიმართა და რომელშიც აფხაზი მწერლები და ლინგვისტები საქართველოს დელეგაციის ეგიდით მონაწილეობდნენ.
აფხაზურ საზოგადოებაში ამ ინფორმაციას აღშფოთება მოჰყვა. მათ ამ ადამიანებს "დასავლური დონორების დაფინანსებულები" უწოდეს. აფხაზური საზოგადოების ერთი ნაწილი არ გამორიცხავს, რომ "უცხოეთის აგენტებთან" დაკავშირებით ადგილობრივ ე.წ. კანონპროექტში სპეციალური ჩანართიც გაჩნდეს, რაც მათ მუშაობას შეზღუდავს...
ვლადიმერ პუტინი აფხაზეთში ოფიციალური ვიზიტით, 2008 წლის აგვისტოს ომისა და რუსეთის მიერ აფხაზეთის დამოუკიდებელ სახელმწიფოდ აღიარების შემდეგ პირველად, 2009 წლის 12 აგვისტოს ჩავიდა, ის მაშინ პრემიერ-მინისტრის პოსტზე იყო. მისი მეორე ვიზიტი ოკუპირებულ აფხაზეთში 2011 წელს შედგა. პრეზიდენტის რანგში კი, პუტინი აფხაზეთში 2013 წელს იმყოფებოდა.
ლალი პაპასკირი
AMBEBI.GE
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ხანგრძლივი ზრდის შემდეგ, თბილისში პარკირების ჯარიმები შემცირდა, თანაც თითქმის 60%-ით
კვირის კითხვადი სტატიები
მნიშვნელოვანი ინფორმაცია
მკითხველის რჩევით
